Birqatar halyqaralyq qujattar ratıfıkasııalandy

18 aqpanda Qasym-Jomart Toqaevtyń tóraǵalyq etýimen ótken Parlament Senatynyń otyrysynda bes zań qabyldandy. Senatorlar Qazaqstan men Halyqaralyq kórmeler bıýrosy arasyndaǵy Astana qala­synda EKSPO-2017 halyqaralyq maman­dandyrylǵan kórmesin ótkizýge baılanysty resmı qatysýshylarǵa arnalǵan jeńildikter men preferensııalar týraly kelisimdi ratıfıkasııalady. Qujat 2017 jylǵy 10 maýsym-10 qyrkúıek aralyǵynda «Bolashaq energııasy» taqyrybymen Astana qalasynda ótetin EKSPO-2017 halyqaralyq kór­mesine qatysýshylar úshin qolaı­ly jaǵdaılar jasaýdy qamta­masyz etýge baǵyttalǵan. «Tabıǵı teriden jasalǵan kıim zattary, kıimge kerek-jaraqtar jáne ózge de buıymdar» taýar pozısııasy boıynsha taýarlardy baqylaý (ıdentıfıkasııalaý) belgi­lerimen tańbalaýdy engizý jónin­degi qanatqaqty jobany 2015-2016 jyldary iske asyrý týra­ly kelisim ratıfıkasııalandy. 2015 jylǵy 8 qyrkúıekte Grod­noda qol qoıylǵan Kelisimdi ratıfı­kasııalaý Eýrazııalyq ekonomı­kalyq odaqtyń kedendik aýma­ǵyna ákelinetin (ákelingen) jáne (nemese) Eýrazııalyq ekono­mı­kalyq odaqqa múshe memleket­terdiń aýmaqtarynda óndirilgen taýar­lardy tańbalaýdy engizý jónin­degi qanatqaqty jobany iske asyrýǵa, sondaı-aq, tutyný­shy­larǵa taýarlardyń sapalyq sıpattamasy týraly aqparat berýge múmkindik beredi. Qazaqstan men Moldova úki­metteri arasyndaǵy zańsyz bolatyn adamdardyń readmıssııasy týraly kelisimdi jáne osy kelisimdi iske asyrý boıynsha atqarý hattamasyn ratıfıkasııalaý týraly zań jobasy qabyldandy. Kelisim men Hattama ýaǵdalasýshy taraptar memleketteriniń aýmaǵyna kelý, onda bolý nemese turý sharttaryn oryndamaıtyn nemese oryndaýdy toqtatqan adamdardy anyqtaýdyń jáne olardy qaýipsiz ári rettep qaıtarýdyń tıimdi rásimderin aıqyndaıdy, sondaı-aq, osyndaı adamdardyń tranzıtine yqpal etedi. Kelisim men Hattama Qazaqstan men Moldova Respýblıkalary arasyndaǵy zańsyz kóshi-qonǵa qar­sy is-qımyl salasyndaǵy yn­tymaqtastyqty jetildirýge baǵyt­talǵan. Saryshaǵan synaq polıgonyn paıdalaný men jalǵa berý sharttary jáne Prıozersk qalasynyń tirshiligin qamtamasyz etý týraly kelisimge ózgerister men tolyqtyrýlar engizý týraly hattama ratıfıkasııalandy. Hattama 2015 jylǵy 16 sáýirde Máskeýde jasaldy. Qujatpen polıgonnyń Reseı taraby jalǵa alatyn jer ýchaskelerin maýsymdy aýylsharýashylyq jáne geologııalyq barlaý jumystaryn júrgizý kezinde polıgon aýmaǵy ýchaskelerin Qazaqstan tarabynyń paıdalaný tártibin, sondaı-aq, tabıǵı zilzalalardy joıý kezinde kómek kórsetýdi kózdeıtin óz­gerister men tolyqtyrýlar engi­ziledi. Taraptardyń kelisimi boıynsha qazaqstandyq tarap polıgonǵa bó­lingen jer ýchaskesin áskerı jáne áskerı-tehnıkalyq yntymaqtastyq ıgiligi úshin úshinshi eldermen paıdalana alady. Sondaı-aq, Qazaqstan men Reseı Federasııasynyń úkimetteri arasyndaǵy Saryshaǵan synaq polıgonyn jaldaý týraly shartqa ózgerister engizý týraly hattama ratıfıkasııalandy. Hattamany ratı­fıkasııalaý polıgonnyń jer ýchaskeleri alańdarynyń qysqar­tylýyna baılanysty olardy paıdalaný úshin tólenetin jaldaý aqy­synyń datasy men somasyn aıqyn­daý máselesin zańnamalyq turǵy­dan retteýge múmkindik beredi. Osylaısha, polıgondy jalǵa alý úshin Reseı Federasııasy tóleıtin soma jaldaýdan shyǵarylatyn jer ýchaskelerine bara-bar azaıtylady. Budan basqa senatorlar qazaq-qyrǵyz úkimetaralyq óteýsiz áskerı-tehnıkalyq kómek kórsetý týraly kelisimdi ratıfıkasııalady. Kelisimniń maqsaty Qazaqstannyń áskerı múlikti berý túrinde Qyrǵyz Respýblıkasyna óteýsiz áskerı-tehnıkalyq kómek kórsetý úshin quqyqtyq negiz qurý bolyp tabylady. Senat otyrysy barysynda senatorlardyń depýtattyq saýaldary tyńdaldy. Álı Bektaev elimizdegi jylqy sharýashylyǵyn damytý jáne osy salanyń ónimderin qaıta óń­deýge qatysty másele kóterdi. Sena­tor asyl tuqymdy jylqy sharýa­shy­lyǵyn damytýǵa arnalǵan memlekettik baǵdarlamalardyń sapa­syn arttyrýdy, jylqy malynan alynatyn sýsyn – qymyzdy ult­tyq brendke aınaldyrý úshin jyl­qy ónimderi óndirisin keńeıtýdi usyndy. Senatordyń usynystary arasynda osy salanyń ónimderin eksportqa shyǵarýdy uıymdastyrý máselesi de bar. Serik Aqylbaı kóshi-qon salasyndaǵy zańnamany jetildirý boıynsha usynys jasady. Depýtat «Halyqtyń kóshi-qony týraly» Qazaqstan Respýblıkasynyń Zań­ynda readmıssııa sııaqty quqyq­tyq qubylystyń aıqyn anyqta­masy kórsetilýi tıis dep sanaıdy. О́ıtkeni, qazirgi ýaqytta bul uǵym ulttyq zańnamada naqty anyq­tamasyz ekijaqty kelisimder túrinde retteledi. Senator Dýlat Qusdáýletovtiń depýtattyq saýaly balalardyń ál-aýqatyna qatysty belgili bir máselelerdi jan-jaqty sheshýdiń qajettiliginen týyndaǵan. Depý­tattyq saýalda senator alıment­terdi óndirip alýǵa jáne osyǵan qatysty ózekti máselelerdi sheshýde memlekettik mekemelerdiń júıeli, keshendi jáne tıimdi tetikteriniń joqtyǵyna erekshe nazar aýdardy, dep habarlady Senattyń baspasóz qyzmeti.