Siz ne deısiz?
Aqmola oblysy byltyrǵy jylǵy sý tasqynynyń zardabyn kóp kórgen aımaqtyń biri. «Qazgıdromet» boljamyna sáıkes, bıyl da kúrdeli jaǵdaı qalyptasýyn joqqa shyǵarýǵa bolmaıdy. Oblys aýmaǵyndaǵy ózenderdegi topyraqtyń kúzgi ylǵaldanýy ádettegi qalyptan 1,5-2 esege joǵary bolyp tur. Bul jaǵdaı oblystyń 10 aýdanynda jáne Shýchınsk, Stepnogor qalalarynda tirkelgen.
Aqmola oblysy byltyrǵy jylǵy sý tasqynynyń zardabyn kóp kórgen aımaqtyń biri. «Qazgıdromet» boljamyna sáıkes, bıyl da kúrdeli jaǵdaı qalyptasýyn joqqa shyǵarýǵa bolmaıdy. Oblys aýmaǵyndaǵy ózenderdegi topyraqtyń kúzgi ylǵaldanýy ádettegi qalyptan 1,5-2 esege joǵary bolyp tur. Bul jaǵdaı oblystyń 10 aýdanynda jáne Shýchınsk, Stepnogor qalalarynda tirkelgen.
«Egemen Qazaqstannyń» Aqmola oblysyndaǵy tilshisi Baqbergen Amalbek oblystyq
Tótenshe jaǵdaılar departamentiniń basshysy Arman Ábdihalyqovqa:
– Siz buǵan ne deısiz? – Tasqyn sýdyń zardabyn boldyrmaý jónindegi oblystyq shuǵyl shtab quryldy. Ony oblys ákimi basqarady. О́tken jyldardaǵy oryn alǵan sý tasqyndary derekterin saralaı kele, oblys aýmaǵyndaǵy sý tasqyny oryn alady degen 16 qaýipti ózen aýmaqtary anyqtalyp (Koko, Jabaı, Saryqamys, Talqara, Jylandy, Esil, Qylshaqty, Kolýton, Shaǵalaly, Nura, Qaıraqty, Qyzyl-Sý, Jolboldy jáne Baqsuq) baqylaýǵa alyndy. Departament búginniń ózinde sý tasqynynyń aldyn alý jumystaryn bastap ketti, atap aıtqanda, oblystyń eldi mekenderinen 240 myń m3 qar shyǵarylyp, 22 myń tonna ınerttik materıaldar, 9,65 myń qap, 340 tonna janar-jaǵarmaı daıyndaldy. Jergilikti atqarýshy organdarmen, sharýa qojalyqtarymen eldi mekenderden qardy shyǵarý jumystaryna kómek kórsetý boıynsha memorandýmdar jasaldy. Oblys aýmaǵyndaǵy jaǵdaıdy turaqty túrde baqylap, saraptama júrgizip otyrý úshin gıdrometeorologııa boıynsha oblystyq ortalyqtyń 29 meteobeketi, 19 gıdrobeketi, 10 agrometeobeketi turaqty túrde jumys isteıdi. Aýdandyq ákimdikterdiń kúshimen ózen sýlarynyń jaǵdaıy men deńgeıin baqylaıtyn 80 qosymsha beket uıymdastyrý da qolǵa alynýda. Jalpy, oblys aýdandary men qalalaryndaǵy tasqyn sý alý qaýpi bar kezeń aralyǵynda kómek kórsetý úshin oblystyń azamattyq qorǵanys qurylymdarynda 2174 adam, 504 birlik tehnıka, 188 birlik sý tartqysh tehnıka men 42 birlik júzý quraly daıyn tur. Al aýdan ákimdikteri bolsa, qaýipti aımaqtardan adamdardy kóshirý qajet bolǵan jaǵdaıda arnaıy 145 qabyldaý oryndaryn, 250 palatka, 1,2 myń kereýet jáne 4,4 myń tósek quraldaryn aldyn ala daıyndap qoıǵan. Aqmola oblysy.
