Ekibastuzdyń mıllıon-mıllıon raýshan gúlderi

Alda kele jatqan áıelder merekesi kúni ekibastuzdyqtar qyz-kelinshekterdi óz qalalarynda ósiriletin raýshan gúlderin satyp alyp qýanysh syılamaqshy.  Qaladaǵy «Bolat Nurjanov atyndaǵy Ekibastuz GRES-1» seriktestigi mańynda ornalasqan «Green Nouse KZ» seriktestiginde alyp jylyjaı kesheni ashyldy. Jylyjaı shynydan turǵyzylǵan. Alyp stansa turbalarynyń túbindegi keshende gúlder de jarysa ósedi. Bizde gúl ósirý naryǵynyń básekelestigi endi-endi bastalyp keledi. Ekibastuzdyq raý­shan da naryqqa tótep bermek. Ári Úkimettiń kásiporyndar janynan qosymsha óndiris nysandaryn ashý týraly tapsyrmasy da bar. Jalpy, jylyjaıdyń qurylysymen gollandııalyq kompanııa aınalysty. Kómirimen aty shyqqan qala endi raýshan gúlderimen de atyn shyǵarmaq. Bul jylyjaıda endi gol­lan­dııalyq tásilmen alqyzyl raý­shan gúlderi ósiriledi. Al, elektr stansasy bolsa, jylyjaıdy sýmen, elektr jáne jylý ener­gııasymen qamtamasyz etedi. Gúl ósetin keshen tolyqtaı avto­mattandyrylyp, sheteldik qu­ral­darmen jabdyqtaldy. Qala ákimi Aleksandr Verbnıaktyń aıtýynsha, raýshan gúlderin ósirýde jańa zaman tehnologııasy qoldanylady. Qarasha aıynda 5 gektar jerge alǵashqy kóshetter otyrǵyzyldy. Gúlder egiletin alqapqa 5 mVt energııa qýaty jetkilikti kórinedi. Tańǵalarlyq gúlder jylyjaıynyń ashylýyna oblys ákimi Qanat Bozymbaev qatysty. Árıne, gollandııa tehnologııasymen ósiriletin raýshan gúlderi kómirli óńirdiń jańalyǵy. Buǵan deıin Jambyl oblysynda Tarazda ósirildi. Ekibastuzdyqtar da sapasy gollandııalyqtan kem bolmaıtyn raýshandardy ósirýdi qolǵa aldy. Gúl ósirýshilerdiń aıtýynsha, bıologııalyq qorǵaý ádisterin tıimdi, durys qoldansa, raýshan gúlderi Gollandııadaǵy sııaqty bıik bolyp ósedi eken. Raýshan gúlderin ósirýdiń taǵy bir ekibastuzdyq jańalyǵy ol – topyraqsyz, sýda, tamshylatyp sýarý arqyly arnaıy materıalda gúl jarady. Alıýmınııden qurastyrylǵan arnaıy qondyrǵylar 80 paıyzǵa deıin kúnnen jylý alady. – Jumysqa erekshe kóńil-kúımen kelemiz. Aınala raýshan gúlderiniń ortasynda júrgenniń ózi bir rahatqa bóleıdi. Raýshan gúli kútimdi óte qajet etetin názik gúl. Ýaqtyly sýaryp, jaryǵyn túsirip, sýyqtan qorǵaý kerek. Áıtpegende lezde solyp qalady. Jylyjaıda eki aptadaı ómir súredi, – deıdi gúl ósirýshiler. Al, jylyjaıdyń jobalyq qýa­ty jylyna 10 mıllıon dana gúl ósirýge jetedi eken. Tek ótki­zýin bil. Alańy 5 ga jerdi alyp jatyr. Raýshan gúlder-elimiz­diń, Reseıdiń naryǵyna satylady dep josparlanýda. Elimiz tur­ǵyn­darynyń gúlderge degen su­ranysy 120 mıllıondy quraı­dy eken. Ekibastuzda raýshan gúli­niń joǵary suranysqa ıe «Red Naomi» degen sorty ósiriledi. Iаǵnı, bul sortty raýshan gúliniń sa­baǵy 90 santımetrge jetedi. О́sim­dikti kesip, jınap alǵan soń, ar­naıy tońazytqyshtarda saqta­lady. Úıdegi gúlsalǵysh ydys­tarda 14 kún boıy tura alady. Jy­ly­jaı sharýashylyǵynda qazir 70 jańa jumys orny ashyldy. Jo­baǵa 3 mlrd. teńgeden astam ın­vestısııa salyndy. Jańa kásip­orynnyń basshysy Aıtma­ǵanbet Sársenbekulynyń aıtýyn­sha, ınvestorlar jylyjaı kesheni­niń aýmaǵyn 30 gektarǵa deıin keńeı­tip, «Bıznestiń jol kartasy-2020» baǵdarlamasy sheńberinde ın­fra­qurylym salýdy josparlap otyr. Jylyjaı keshenin jobalaý jumystaryn gollandyq «VAN DER HOEVEN» kompanııasy júrgizdi. Oblysta qazir 12 jylyjaı bar. Endi Aqsý qalasynda qııar men qyzanaq ósiretin jylyjaı kesheniniń qurylysyn salý boıynsha ınvestısııalyq joba júzege asyrylýda. Investısııalardyń jalpy kólemi 2,4 mlrd. teńge. Farıda BYQAI, «Egemen Qazaqstan». EKIBASTUZ. Sýretterdi túsirgen Valerıı BÝGAEV.