Ústimizdegi jyly on jetinshi ret ótkiziletin «Aınalaıyn-2016» jas talanttar konkýrs-festıvaline oblys balalary arasyndaǵy irikteý týry márege jetti. Jyl saıyn respýblıkalyq baıqaýdyń órisi keńeıip, qatysýshylardyń qatary kóbeıip kele jatqany onyń naǵyz óner dodasyna aınalǵanyn ańǵartady. Bıylǵy irikteýge oblystyń shalǵaıdaǵy Shalqar, Baıǵanın, Oıyl, Hromtaý sııaqty alys aýdandarynan jáne qala mektepterinen úmitin úkilegen 500-ge jýyq bala ótinish bergen eken. Vokal, horeografııa, teatr, aspaptyq, beıneleý óneri, sándik qoldanbaly óner atalymy boıynsha synnan súrinbeı ótken 262 bala baıqaýǵa joldama aldy. «Aınalaıyn -2016» festıvali ústimizdegi jylǵy 26-28 naýryz aralyǵynda Eýrazııalyq toptyń quramyna kiretin «Qazhrom» TUK» AQ fılıaly – Aqtóbe ferroqorytpa zaýytynyń Metallýrgter mádenıet úıinde ótedi. Oǵan «Qazhromnyń» fılıaldary – Pavlodar qalasyndaǵy Aqsý ferroqorytpa, Aqtóbedegi Aqtóbe ferroqorytpa zaýyttarynan jáne Qaraǵandydaǵy «Qazmarganes» ken basqarmasynan balalar qatysyp, baq synaıdy.
– «Aınalaıyn-2016» konkýrs-festıvaliniń irikteý týryna qatysqan jas talanttardyń ónerlerin bilikti mamandar baǵalap, kelesi kezeńge joldama berdi. О́ner dodasynyń aqtyq synynda naǵyz myqtylar anyqtalatyn bolady, – deıdi Metallýrgter mádenıet úıiniń ádiskeri Aınur Kystaýbaeva. «Júzden júırik, myńnan tulpardy» anyqtaıtyn sát te alys emes. Bul joly da ónerimen órge júzgen órenderdiń baǵy janatynyna senim mol.
Satybaldy SÁÝIRBAI,
«Egemen Qazaqstan».
Aqtóbe oblysy.
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
