Deldaldar naryq teńdigin buzyp júr

Aýyl sharýashylyǵy mınıstri Asyljan Mamytbekov Ońtústikte eki kúndik issaparda boldy. Ońtústik Qazaqstan oblysyna respýblıka boıynsha jylyjaıdyń 87 paıyzy tıesili. Iаǵnı, memlekettiń kókónis ónimderine qajettiligin óteýde Ońtústiktiń áleýeti úlken. Mınıstr «QazAgronom» seriktestiginiń 3 gektarǵa salǵan jylyjaıynyń ju­mysymen tanysty. «Bıznestiń jol karta­sy-2020» baǵdarlamasy boıynsha 1 mlrd. teńgege salynǵan jylyjaı sońǵy tehnologııa jetistikteriniń jemisin kórýde. Seriktestiktiń ákimshilik dırektory Toqsaba Toqsanbaev 813,1 mln. teńgeni «QazAgroQarjy» AQ-tan nesıege alǵandaryn aıtady. Al, qalǵan 237,5 mln. teńge ózderiniń úlesi. Qys, kóktem mezgilderinde 540 tonna qııar jınaǵan seriktestik jaz, kúz mezgilinde 240 tonnaǵa deıin qyzanaq alypty. Bıylǵy ónim­niń basy kelisi 400 teńgeden aı­nalǵan. Qaıda ótkizemin deı­tin­deı emes, Reseıdiń Novo­sibir qalasymen kelisimshart bar. Al, qazaq­standyq naryqta Qara­ǵandy oblysymen baılanys ornatylǵan. Budan keıin Asyljan Sary­baıuly kórshiles «If­tıharı» qojalyǵyna tıesili eki gektar alqapty alyp jatqan jylyjaıda boldy. Bul sharýashylyq ta memlekettik qoldaýdyń ar­qasynda sharýasyn túzep alǵan. Jylyjaıǵa salynǵan 500 mln. teńgeniń 300 mıllıony «Qaz­AgroQarjy» AQ-tan jeńilde­tilgen nesıemen alynǵan. Izraıl­diń tehnologııasyn paıdalanyp otyrǵan sharýashylyqtyń óndi­ris­tik qýaty 400 tonnaǵa deıin jetedi. Mınıstr jyldyń tórt mez­gilinde de jumysyn doǵarmaı ju­mys jasap otyrǵan jylyjaı­lar­dyń ıelerine tabys tileı otyryp, keıbir túıtkil jaıttardy tilge tıek etti. Jańa jyl aldynda Astana men Almatyda qııar men qyzanaqtyń kılosy 1200 teńgege deıin kóterilip ketken. Sol kezde Ońtústik jylyjaılary óniminiń ár kılosyn 500 teńgeden ótkize almaı, sarsańǵa túsken. Iаǵnı, ortadaǵy deldaldardyń jumysy jaqsy jolǵa qoıylǵan. Sondyqtan, óndiristik qajettilikterden bólek saýda logıstıkasy, tasymaldaý máselelerin sheshýdiń tetigin oılastyrý kerek. «Biz bul máseleni sharýa men satyp alýshy yńǵaıyna saı sheship, baǵany birshama turaqtandyramyz», dedi ol. Sol kúni mınıstr «Rixos Khadisha Shymkent» qonaq úıiniń májilis zalynda Ońtústiktiń fermerlerimen kezdesip, kóptegen saýaldaryna jaýap berdi. Aýyl sharýashylyǵyn da­my­týǵa eleýli áseri bar, keleli má­se­leler talqylanǵan jıynǵa oblys ákimi Beıbit Atamqulov ta qa­tys­ty. Baqtııar TAIJAN, «Egemen Qazaqstan». Ońtústik Qazaqstan oblysy.