О́SKEMEN. 22 aqpan. Elordadan shyqqan «Máńgilik el» poıyzy Shyǵys óńirine keldi. Bul týraly egemen.kz tilshisi habarlady.
«Máńgilik el» poıyzy Shyǵys óńirinde bes qalaǵa toqtady. Onyń ishinde Aqtoǵaı men Shar kenti, О́skemen, Semeı jáne Zyrıan qalalary bar. El Táýelsizdiginiń 25 jyldyq mereıtoıy sheńberinde jolǵa shyqqan poıyz quramynda «Máńgilik el» ıdeıasy men bes ınstıtýttyq reformany túsindirý, áleýmettik máseleler boıynsha keńes berý úshin 96 adamnan turatyn Qazaqstan halqy Assambleıasynyń músheleri, ǵalymdar, sarapshylar jáne dárigerler bar. Sondaı-aq, elimizdiń ádilet, bilim jáne ǵylym, áleýmettik damý jáne densaýlyq, ındýstrııa jáne jańa tehnologııalar mınıstrlikteriniń, «Atameken» ulttyq kásipkerler palatasynyń sarapshylary jergilikti turǵyndardy qabyldap, keńes ótkizdi.
Oblys ortalyǵyna jeksenbi kúni jetken «Máńgilik el» poıyzyn qala turǵyndary «О́skemen-1» temir jol vokzalynan shat-shadyman kóńil-kúımen kútip aldy. Saltanatty sharaǵa óńirdegi temirjolshylar áýletteri, etnomádenı birlestikter men úkimettik emes uıymdar ókilderi jáne jastar jınalyp, Kendi Altaı jerine tabany tıgen qonaqtardyń qurmetine ulttyq naqyshtaǵy ádemi kıimderimen bı bılep, án salyp, perrondy ilezde shattyqqa bóledi.
«Týǵan jerimizge kelgenderińizge óte qýanyshtymyz. Táýelsizdigimizdiń tarıhy – tabysty elimizdiń uly jylnamasy. «Máńgilik el» – bizdiń babalarymyzdyń armany, qazaqstandyqtardyń ortaq ulttyq ıdeıasy. Osyndaı kúrdeli kezeńde Qazaqstan halqy óziniń kelisimimen, dostyǵymen, taǵattylyǵymen álemge úlgi bolyp otyr», – dedi О́skemen qalasynyń ákimi Temirbek Qasymjanov.
«Máńgilik el» poıyzynyń jetekshisi Ámirjan Álpeıisovtiń aıtýynsha, atalǵan jobaǵa qatysýshylar úshin Abaı men Shákárim, Muhtar sııaqty ulylardy syılaǵan qasıetti jerge aıaq basý – úlken qýanysh.
Dýman Anash.
Derek: egemen.kz.
Sýret: ShQO Aqparattyq ortalyǵy.
