Maqsat – kásipkerlikke keń jol ashý

20 aqpan kúni Oral óńirine Qazaqstannyń «Aq jol» demokratııalyq partııasynyń tóraǵasy, «Atameken» ulttyq kásipkerler palatasy tóral­qasy­nyń múshesi, osy palatanyń janyndaǵy sybaılas jemqorlyqqa qarsy is-qımyl jónindegi keńestiń tóraǵasy Azat Perýashev keldi. Ol eń aldymen ózderiniń saılaýaldy naýqany ózge emes, naq osy oblys­tan bastalyp otyrǵany kezdeısoqtyq emes ekenine toqtaldy. Atalǵan partııa tóraǵasynyń málimdeýinshe, Qazaqstan barynsha batystyq jáne eýropalyq órkenıetti, tabysty baǵyttar boıynsha damýy qajet. Al Batys Qazaqstan oblysy respýblıkanyń eýropalyq bóliginde ornalasqan. Iаǵnı, bul aımaq Qazaqstan úshin eýropalyq bólikke aparatyn qaqpa, al eýropalyqtar úshin Azııaǵa ashylatyn kilt ispettes. Nysandyq túrde qarastyrǵanda úgit-nasıhat sharalaryn Oraldan oraýymyzdyń oraıy osyndaı. О́ıtkeni, bizdiń partııanyń baǵdarlamasy batystyq damýdyń eýropalyq vektoryna baǵyttalǵan, dedi ol. Biz búgin óńirdegi kásipkerler palatasy fılıaly ǵımaratynda bas qosyp otyrmyz. Bul da tekten tek emes. Bulaı bolatyn sebebi «Aq jol» partııasynyń basty maqsaty – kásipkerlikke keń jol ashý. Sondaı-aq, mundaı kózqaras daǵdarysqa qarsy baǵdarlamanyń basty bir quraly rólin de atqara alady. Búginde syrtqy rynoktaǵy bizdiń shıkizatymyzdyń baǵalary tómendep barady. Onyń eń basynda munaı shıkizaty tur. Bul jaıt ulttyq valıýtamyzdyń turaqtylyǵyna salqynyn tıgizýde, dedi budan ári Azat Perýashev. «Aq jol» kóshbasshysy óz oı-pikirin bylaısha tujyrymdady. Bizdiń ekonomıkamyzdyń tek bir jaqty shıkizattyq bazaǵa tirelip qalýy ıgilikke jetkizbeıdi. Sondyqtan óndiristik jáne ónerkásiptik ekonomıkany órkendetýge birinshi kezekte baǵyt ustap, buǵan dańǵyl jol ashý qajet. Túıip aıtqanda, bul ázir ónimder men básekelestikke tótep bere alatyn taýarlar degen sóz. Daǵdarys kezinde adamdardy birinshi kezekte tolǵandyratyny – kúndelikti tutynatyn taýarlar baǵasy men kommýnaldyq qyzmet tarıfteriniń ósýi. Shyntýaıtyna kelgende, aýyz­dyq­talmaıtyn, asý bermeıtin jáne seńi buzylmaı turyp alatyn birde-bir daǵdarys bolmaıdy. Kez kelgen daǵ­darystyń óz sheshimi tabylady. Ony retteýdiń basty joldarynyń biri – alyp-satý men tutynýshylyqqa emes, kerisinshe, tereń óńdeý men daıyn ónim­der shyǵarýǵa negizdelgen óndiristik ekonomıka qurý. Saılaýaldy naýqan sheńberinde «Kondensat» AQ kompanııalar tobynyń tóraǵasy, Batys Qazaqstan oblystyq kásipkerler palatasy aımaqtyq keńe­siniń jetekshisi Valerıı Júnisov, «Jaıyq DENT» jáne «Svetýshıe sady» JShS-leriniń dırektorlary Merýert Mýsına men Elena Ýlanova, jeke kásipker Olga Mıakýshına men «Sertıfıkasııa ortalyǵy» JShS-niń dırektory Nádir Qurymbaev sóz alyp, óndiristik ekonomıka qurý men jeke bıznesti júrgizý jónindegi partııa tóra­ǵa­synyń sózine qoldaý kórsetti. Sonymen birge, olar bıznespen shu­ǵyldaný qaýipsiz ári tartymdy iske aınalýy qajettigin atap kórsetti. Saı­laýaldy úgit-nasıhatqa arnalǵan kezdesý kezinde aqjoldyqtar kez kelgen memleketti ishinen úńgip jeıtin qurt ispettes qaýipti dert – sybaılas jem­qorlyq kórinisteri sol memlekettiń bas­ty jaýy dep sanaıtyndyqtaryn jetkizdi. Sonymen birge, bul oı-pikir bıznes­ti odan ári damytýǵa qa­tysty da aıtyl­dy. О́ıtkeni, sybaılas jemqorlyq memle­kettik resýrstardy talan-tarajǵa salyp, kásipkerlikti tun­shyqtyratyn qaýip­ti qubylys, dedi saılaýaldy úgit-na­sıhat jumystaryna arnalǵan sóz túı­in­inde partııa tóraǵasy Azat Perýashev. Temir QUSAIYN, «Egemen Qazaqstan». ORAL.