Belsendi úgit, aýqymdy nasıhat

Ortalyq saılaý komıssııasynyń jumys kestesine sáıkes elimizdegi saıası kúshter úgit-nasıhat jumystaryn bastap ketti. О́tken senbide «Nur Otan» partııasy Tóraǵasynyń birinshi orynbasary Asqar Myrzahmetov bastaǵan quramynda Aıman Musaqojaeva, Nurlan Ábdirov, Irına Aronova, Nurlan Áltaev, Bekbolat Tileýhan jáne Serik Sápıev kirgen top «Nur Otan» elimizdiń barlyq óńirlerinde úgit jumystaryna belsene kirisip ketkendikterin jarııa etti. Úgit-nasıhat jumystaryn atqarý birshama jeńil ekendigin tilge tıek etken A.Myrzahmetov onyń sebebin «Nur Otan» partııasynyń kúndelikti ári turaqty jáne keshendi jumys istep kele jatqandyǵymen túsindirdi. «Saıası naýqanǵa baılanys­ty bul jumystar kúsheıtilip otyr. Jospar boıynsha partııanyń saılaý­aldy baǵdarlamasyn jáne partııa Tóraǵasynyń alǵa qoıǵan talaptaryn oryndaý úshin múmkindik pen resýrs jetkilikti. Bul jumystardy atqarý úshin 60 myńnan astam partııa músheleri men partııa jaqtastary qatysatyn bolady. Endi osy baǵdarlamalardy túpkilikti saılaýshylarǵa jetkizý úshin 88 myń shara ótkizý qarastyrylǵan», dep atap ótti Asqar Isabekuly. Budan keıin sóz alǵan Qazaq ulttyq mýzyka akademııasynyń rektory Aıman Musaqojaeva Májilis depýtattyǵynan úmitker árbir partııa múshesi saılaýshylarmen kezdesýler ótkizip, partııanyń saılaýaldy tuǵyrnamasynda belgilengen mindetterdi jan-jaqty ashyp kórsetýi tıistigine nazar aýdartty. «Bul óz kezeginde «Nur Otan» partııasynyń halyqtyq partııa ekendigin kórsetedi. О́ıtkeni, partııa qatarynda qoǵamnyń muǵalimder, dárigerler, ınjenerler, qurylysshylar jáne ózgeler bar. Men ózim bilim berý salasynan bolǵandyqtan, maǵan muǵalimder óte jaqyn. Muǵalimder táýelsiz Qazaqstannyń qalyptasýyna zor úles qosýda. Olar ultty tárbıelep qana qoımaı, reformalardy túsindirip, nasıhattap jáne onyń júzege asýyna yqpal etip keledi. Partııa baǵdarlamasynda bilim salasyna úlken mańyz berilip otyrǵany da sondyqtan», dedi Aıman Qojabekqyzy. A.Musaqojaevanyń aıtýynsha, kelesi jyldyń sońyna deıin «Nur Otan» partııasy úsh aýysymdyq bilim berý men apatty mektepter máselesin túbegeıli sheshetin bolady. Bul úshin elimiz boıynsha 42 jańa mektep salynady. 2017 jyly Elbasynyń tapsyrmasymen tegin kásiptik-tehnıkalyq bilim berý engiziledi. Al 2021 jyly Qazaqstan qoǵamy úshin úshtuǵyrly til úırenshikti bolyp qalmaq. Besinshi shaqyrylymdaǵy Parlament Májilisiniń depýtaty Nurlan Ábdirov Elbasynyń tikeleı tapsyrmasymen elimizde jańa jol toraptaryn salý jáne joldardy kúrdeli jóndeý júzege asyrylyp jatqandyǵyn erekshe atap, «Nurly Jol» baǵdarlamasynyń júzege asýy barys-kelistiń, alys-beristiń artýyna jańa múmkindikter ashatynyn jetkizdi. «Partııanyń saılaýaldy baǵdarlamasynda basymdyq berilgen basty baǵyttyń biri ınfraqurylymdy damytý ekendigin atap ótken jón. Biz 5 myń shaqyrym jańa avtojol men 2,5 myń shaqyrym temirjol salamyz. Bıyldyń ózinde 1,5 myń sharshy metr qoljetimdi turǵyn úı paıdalanýǵa beriledi», dedi partııa belsendisi N.Ábdirov. Onyń sózine qaraǵanda, buǵan deıin partııanyń saılaýaldy tuǵyrnamasynda eldiń ındýstrııalyq-ınnovasııalyq damýyna basymdyq berilip, zaýyttar men fab­rıkalar ashylsa, aldaǵy úgit-nasıhat jumystary aıasynda osy obektilerdiń búgingi tynys-tirshiligimen tanysý úshin óńirlerge saparlar jasalatyny da alǵa kóldeneń tartyldy. Sonymen de partııa saılaýǵa tek ýádemen ǵana emes, nátıjemen de baratyny atalmaı qalǵan joq. Asqar TURAPBAIULY, «Egemen Qazaqstan».