«EýroHım» ónimin alǵash ret Belarýsqa jetkizdi

ALMATY. 23 aqpan. «EýroHım» Qazaqstanda shyǵarylǵan ónimin alǵash ret Belarýsqa jetkizdi. Bul týraly Qazaqstan baspasóz klýbyna silteme jasaǵan egemen.kz tilshisi habarlady. Qazaqstanda óndirilgen fosfor untaǵy qazirdiń ózinde Krasnodar ólkesindegi «EvroHım-BMÝ» kásipornyna jetkizilip, onda «Eýrohım» kompanııasynyń Kovdor taý-ken baıytý kombınatynda óndiriletin apatıt konsentratynyń 30 paıyzǵa deıingi mólsheri bar qospada qoldanylyp keledi. Kelisimshart aıasynda «Eýrohımniń» Gomel hımııalyq zaýytymen burynnan beri kele jatqan jemisti yntymaqtastyǵy jalǵasyn tabýda. Kásiporynnyń «Eýrohım» óniminen daıyndalyp, quramynda kúkirt pen mıkroelementteri bar NPK tyńaıtqyshtary Shyǵys Eýropa elderindegi, Belarýs, Ýkraına jáne Moldovadaǵy aýylsharýashylyq ónim óndirýshileriniń joǵary baǵasyn alyp, úlken suranysqa ıe. «Eýrohım» kompanııasy Gomel hımııalyq zaýytymen birge ótkizý naryǵynda da yntymaqtastyq quryp otyr, atap aıtqanda, zaýytta óndirilgen 100 myń tonna ónim jyl saıyn «Eýrohımniń» TMD elderindegi dıstrıbýsııa jelisi arqyly ótkiziledi. «Eýrohım» Qazaqstandaǵy ınvestısııalyq jobasyn júzege asyrý aıasynda kendi bastapqy qaıta óńdeıtin óndirisi men kenishiniń qurylysyn aıaqtaǵan. Jalpy quny 120 mıllıon dollardy quraıtyn atalǵan kásiporyn fosfor untaǵyn shyǵarýdy bastap ketken. Sondaı-aq, 2016 jyly «Eýrohım» baǵalanǵan ınvestısııalyq quny 950 mln. dollardy quraıtyn hımııalyq keshendi salýǵa kirispek. Eýrazııa Ekonomıkalyq Odaǵy aıasynda ıntegrasııalyq baılanystar men óndiristik jáne ótkizý naryǵyndaǵy seriktestik damytylýda. Aınash Esalı. Derek, sýret: Qazaqstan baspasóz klýby.