Eshkimniń umyt qalmaýy basty nazarda

Qazaqstan Respýblıkasy Parlamenti Májilisine jáne barlyq deńgeıdegi máslıhattar depýtattaryn saılaýǵa daıyn­dyq jumystary Aqtóbe qala­synda júıeli júrgizilýde. Qalalyq saılaý komıssııa­sy­­nyń hatshysy Anar Álıhano­vanyń aıtýynsha, aqtóbelikter 133 ýchaskelik saılaý komıssııa­synda ózderiniń azamattyq pa­ryz­daryn óteı alady. Qala turǵyndarynyń kóbeıýine baılanysty bıyl qosymsha segiz ýchaskelik saılaý komıssııasy qu­rylǵan. Olar negizinen «Batys-2», «Nur-Aqtóbe», «Aqjar-2», «Ońtústik-Batys» sııaq­ty shaǵyn aýdandarda orna­lasqan. Buǵan deıin buqaralyq aqparat quraldarynda ýchaskelik saılaý komıssııalarynyń shekaralary, ornalasqan meken-jaı­lary jarııalandy. Bıyl qalalyq ákimdikte osy zamanǵy servıstik qyzmet kórsetý ke­she­ni alǵash ret ashyldy. Inter­net-servısten qalalyqtar ózderi­niń qaı saılaý ýchaskesine qaraı­ty­nyn, tizimde bar-joǵyn bile ala­dy. Saılaýshylar bul maqsatta +7 (775) 5552016 nómiri boıynsha WhatsApp nemese Telegram habar almasý servısin, 8755 nómiri boıyn­sha ınteraktıvti SMS servısti, www.akimataktobe.kz qalalyq ákimdiktiń resmı saıtyn, 2003216 @akto.kz qalalyq ákim­diktiń elektrondy poshtasyn, 213274 nómiri boıynsha Gall-ortalyǵyn paıdalana alady. Sondaı-aq, qalalyq ákimdikte saılaý naýqany bastalǵannan beri «Qyzý jeli» anyqtama qyzmeti jumys isteıdi. Bul qyzmetten de saılaýǵa baılanysty qandaı da suraqtarǵa tolyq jaýap alýǵa ábden bolady. Anyqtama qyzmeti tańǵy 09.00. saǵattan keshki 21.00. saǵatqa deıin jumys isteıdi.Bul da saılaýshylardyń kóbeıýine baılanysty ashylǵan qyzmet. Saılaý ótetin kún taıanǵanda anyqtama qyzmeti demalys kúnderi de jumys isteıtin bolady. Qazir birde-bir saılaýshynyń nazardan tys qalmaýyna basa kóńil bólinýde. Saılaýshylar tizimin naqtylaý da aıaqtalyp keledi. Satybaldy SÁÝIRBAI, «Egemen Qazaqstan». Aqtóbe oblysy.