Ǵasyr jasaǵan áje

Astana – jastar qalasy. Qarap tursaq, uly ister jastardyń jigerimen atqarylady eken ǵoı. El­ordadaǵy záýlim-záýlim ǵımarattar, keń dańǵyldar, ásem kópirler – bári órimdeı ul-qyzdardyń turǵyzǵandary. Degenmen, jastar týraly aıtqanda, olardyń tilegin tilep otyratyn ata-ájelerin qaperden shyǵarmaǵan jón. Mine, osyndaı ázız analarymyzdyń biri,  asta­nalyq qart áje Zlııa Toıashqyzy búgin 100 jasqa tolǵan toıyn atap ótýde. Zlııa apamyz – jazyp qoıǵan hattaı tiri oqýlyq. Alasurǵan HH ǵasyrdyń dúbirli 1916 jyly, odan keıingi aq pen qyzyldyń arpalysy, jańa ekonomıkalyq saıasattyń ákelgen jaqsylyǵy, kúshtep ujymdastyrý men ashtyq qasireti, 1937 jyldyń qýǵyn-súrgini, fashıspen soǵys áli esinde. Nemereleri Tileýbergen, Gúl­dana, Perızatqa, shóberesi Kámılaǵa XVIII ǵasyrdaǵy jońǵarlarǵa qarsy soǵysta eren erligimen halyq jadynda qalǵan arǵy atasy qarakesek Jarylǵap batyr týraly aıtýdan da jalyqpaıdy. Bir ǵana ókinishi bar. Ol – Qazaqstannyń táýelsizdik alǵan juldyzdy sátine qudaı qosqan qosaǵy Sadyq aqsaqaldyń jetpeı, dúnıeden ótkeni. Tórt qyzdan keıin kórgen uly Tilegenniń ǵylym doktory, professor, Tarıh jáne qoǵamdyq ǵylymdar akademııasynyń akademıgi bolǵanyn,  kelini Raısa Álıqyzynyń doktorlyq dıssertasııa qor­ǵa­ǵanyn, nemereleriniń Londonda, Máskeýde, Seýlde bilim alǵanyn azattyqtyń arqasynda kelgen baqytym dep qýanady keıýana. Qýanyshyńyz uzaǵynan bolsyn, abzal ana! Baqytty analarmen Qazaq eli baqytty. Hankeldi ÁBJANOV, tarıh ǵylymdarynyń doktory. Astana.