Zıka bezgegi Úndistandaǵy kólik óndirisine zııanyn tıgizdi

ASTANA. 24 aqpan. Taıaýda Úndistan astanasy – Nıý-Delı qalasynda otandyq avtokólik óndirisiniń kórmesi ótti. Onda osy eldegi eń iri avtokonsern – Tata kompanııasy Zica dep atalatyn jańa kólik túrin jurtshylyq nazaryna usynǵan bolatyn. Alaıda, jańa modeldiń ataýy búginde búkil álemdi alańdatyp otyrǵan indetpen birdeı bolǵandyqtan, kópshiliktiń keri áserin týdyrdy. Bul týraly rg.ru portalyna silteme jasaǵan egemen.kz tilshisi habarlady. Negizinde kóliktiń tolyq ataýy Zippy Car («únemdi avtomobıl») eken. Marketologtar osy eki sózdi biriktirip, tilge jeńil ataý oılap tapqanymen, qysqarǵan nusqasy kópshiliktiń kóńilinen shyqpady. Nátıjesinde kompanııa jetekshileri jaǵymsyz sózden arylyp, jańa kólikti Tiago dep ózgertýge májbúr boldy. Bul ataý ashyq baıqaý qorytyndysy boıynsha tańdap alyndy. Aıta keteıik, Zica ataýyn ózgertý isi keıin qolǵa alynǵandyqtan, avtomobıl kórmesinde atalǵan kólik bezgektiń atymen tanystyryldy. Elaman Qońyr. Derek: rg.ru. Sýret: tatamotors.com.