О́nimdilik arta túsýde

Keshe Ortalyq kommýnıkasııalar qyzmetinde Investısııalar jáne damý mınıstrliginiń Indýstrııalyq damý jáne óndiris qaýipsizdigi komıtetiniń tóraǵasy Amanııaz Erjanov baspasóz máslıhatyn ótkizdi. Ol eńbek ónimdiligin arttyrý úshin jasalǵan «О́nimdilik-2020» baǵdarlamasy jóninde áńgimeledi. Investısııalar jáne damý mı­nıstrligi atalǵan baǵdarlamany «Qazaqstandyq ındýstrııany damytý ınstıtýty» aksıonerlik qoǵamymen birlese júzege asyryp jatqanyn aıtqan komıtet tóraǵasy, qazirgi tańda eńbek ónimdiligin arttyrýmen qatar, kásiporyndardyń tıimdi jumys isteýine de basa nazar aýdarylyp otyrǵanyna toqtaldy. «Osy kúnde álemdegi joǵary stan­dartqa qol jetkizý boıynsha naqty eńbek ónimdiligine qatysty saıasat júrgizilip otyr. Osynaý saıa­satty júzege asyrýǵa baılanys­ty mınıstrlik pen ınstıtýt bir­lese otyryp, «О́nimdilik-2020» baǵ­dar­lamasyn taǵy da jetildire tústi. Bul baǵdarlama ozyq elderdiń tájirıbelerin zerdelegen soń ǵana daıyndalǵanyn aıtqym keledi. Qolǵa alynǵan baǵdarlama otandyq ónim shyǵarýshylar men qarapaıym ju­mysshylardyń qyzmetin úıles­tirip, jaqsy nátıjeler kórsetýde», dedi ol. Baǵdarlama 2011 jyly jasalyp, sodan beri júzege asyry­lyp kele jatqany málim. Búginde ol je­tildirilip, jańa talaptar engi­zile bastaǵan. Osyny negiz­ge alǵan vedomstvo basshysy óndi­ris oryndaryn jańǵyrtýmen qa­tar, mańyzdy jumystardy atqa­ra­tyn qyzmetkerlerdiń bilik­tilik­terin únemi arttyryp otyrý asa qajet ekenin aıtty. «Búginde birinshi kezekte ındýstrııalandyrý kartasynyń jobalaryna arnalǵan tehnıkalyq-ekonomıkalyq negiz­de­melerdi ázirleý men ony únemi saraptap otyratyn júıe engizý kerek­tigin atap ótti. Sondaı-aq, kadr­lardy, onyń ishinde, top-mened­jerlerdi daıarlaý men qaıta daıar­laý isine basa nazar aýdarý qajet ekenin jetkizdi. Bularmen birge, álemdegi eń myqty sarapshy­lar­dy tarta otyryp, óndiristik tájirı­belerdi tolyqqandy paıdalaný lázim, dedi. Komıtet tóraǵa­sy konsaltıngtik, jobalaý jáne ınjı­nırıngtik uıymdardyń qyzme­tin salaǵa tarta otyryp, basqarý­shylyq jáne óndiristik tehnologııalardy múmkindiginshe erterek engizgen jón bolatynyn aıtty. «Joǵaryda aıtylǵan sharttar júıelenip engizilgende ǵana eńbek ónim­diligi eki eseden de artyp, Mem­leket basshysy júktegen tapsyrma tolyq oryndalǵan bolady», dedi ol. Osy kúnge deıin «О́nim­di­lik-2020» baǵdarlamasy aıasynda 140 kásiporynǵa 27 mlrd. teńgege mem­le­kettik qoldaý kórsetilipti. «О́nim­dilik-2020» baǵdarlamasy aıasyn­da qoldaý kórsetilgen kásip­oryn­darǵa turaqty túrde monıtorıng júrgizip otyramyz. Ony iske asy­rý­dyń birinshi kezeńinde 140-tan astam kásipkerlik sýbektisine soma­sy 27 mlrd. teńgege memle­ket­tik qoldaý kórsetildi. So­nyń ishinde 25 mlrd. teńgege 13 ınves­tı­sııalyq joba boıynsha uzaq merzim­di jergilikti lızıng berildi. Osy sha­ra­lardyń nátıjesinde lızıng­tik qarjylandyrý alǵan kásip­oryndarda eńbek ónimdiligi 1,5-2 esege deıin ósti», dedi A.Erjanov. Vedomstvo basshysynyń taǵy bir mańyz berip aıtqany, baǵ­dar­lamanyń jańa formaty bo­ıynsha kelip túsken ótinish ortasha eseppen 8 jumys kúni ishinde qarastyrylady. Sonymen qatar, qujattardy notarıaldy kýálandyrý talaby alynyp tastalǵan. Onda kásiporyn basshysy kepildik berse, sonyń ózi jetkilikti bolady eken. Nurbaı ELMURATOV, «Egemen Qazaqstan».