Baıqaýshylar daıyn

Elimizdegi Parlament Májilisi men barlyq deńgeıdegi máslıhattar saılaýlarynda oblystyq qoǵamdyq komıssııa quramyndaǵy 569 baıqaýshy daýys berý barysyn baqylaıdy. Oblys ortalyǵynda respýb­lı­kalyq jáne oblystyq qoǵam­dyq komıssııalar óz jumys­taryn bastady. Komıssııa múshe­leri úmitker­lerdiń saılaýaldy shtabtarynyń, saılaý komıssııalarynyń zań sheńberinde jumys jasaýlaryn qadaǵalaıdy. Saılaý barysynyń qalaı ótip jatqanynan habardar bolǵysy kelip, ótinish bildirgen, zańdy jaqsy biletin elimizdiń árbir azamaty baıqaýshy bola alady. Komıssııa tóraǵasy Ildar Qalıevtiń aıtýynsha, jalpy saılaý barysyn baıqaıtyn bul oblystyq komıssııa 2005 jyly qurylǵan. Komıssııa músheleri buǵan deıin ótken elimizdegi Prezıdent jáne Parlament saılaýlary kezinde belsendi qyzmetterimen tanyldy. Iаǵnı, saılaý barysyn baıqaý, bılik, buqaralyq aqparat quraldary, saıası partııalar jáne halyqaralyq mıssııalarmen únqatysý barysynda qoǵamdyq alańdar uıymdastyrý sharalary jasaldy. Bıylǵy saılaý barysynda komıssııa músheleri turǵyndardy Sultanmahmut Toraı­ǵyrov atyndaǵy memlekettik ýnı­versıtettiń 106-aýdıtorııasyn­da qabyldaýda. Al saılaýǵa deıin oblystyq qoǵamdyq komıssııa músheleri túrli sharalar uıymdastyrýda. Bir kabınaǵa birneshe adamnyń kirmeýin, bıýlletendi sýretke túsirip, áleýmettik jelilerde jarııalaý, jaqyn týysy úshin daýys berý sııaqty qatelikterdi boldyrmaý úshin baıqaýshylarǵa arnalǵan arnaıy semınar-trenıngter ótýde. – Maqsat – saılaýda daýys berýge quqy bar ár adamdy el úshin mańyzdy saıası sharadan tys qaldyrmaý, – deıdi Ildar Qalıev. Farıda BYQAI, «Egemen Qazaqstan».