Byltyr Batys Qazaqstanda 91,8 mlrd. teńgeniń aýylsharýashylyq ónimderi óndirildi

ORAL. 24 aqpan. О́tken jyly Batys Qazaqstan oblysynda 91,8 mlrd. teńgeniń aýylsharýashylyq ónimderi óndirildi. Atalǵan kórsetkish qýańshylyq saldarynan 3,9 paıyzǵa tómendegen. Bul týraly oblys ákimi Nurlan Noǵaevtyń málimdemesine silteme jasaǵan egemen.kz tilshisi habarlady. Aýyl sharýashylyǵy daqyldarynyń jalpy egis kólemi 488,2 myń gektar alqapty qurasa, onyń ishindegi dándi daqyldardyń úlesi – 260,1 myń gektar. Qýańshylyqtyń saldarynan dándi daqyldar egisiniń 115,7 myń gektary nemese jalpy dándi daqyldar alqabynyń 44,5 paıyzy esepten shyǵaryldy. Ortasha ónimdiligi gektarynan 6,6 sentnerden 95,4 myń tonna dán jınaldy. Oblys halqyn maýsymaralyq kezeńde qoljetimdi baǵamen erte pisetin kókónistermen qamtamasyz etýge arnalǵan jalpy aýdany 24,4 myń sharshy metr 62 jylyjaı bar. Temir Qusaıyn. Derek: egemen.kz. Sýret: caravan.kz.