Ashyq aýadan – móldir sý

soryp alatyn bıomaterıal oılap tabyldy Amerıka ǵalymdary oılap tapqan jańa bıomaterıal aýadan tıimdi jolmen sý soryp alýǵa múmkindik bergeli tur. Olardyń aıtýlarynsha, bul planetanyń Kalıfornııa sııaqty qurǵaq aýdandarynda osyndaı kondensatorlardy paıdalanýǵa múmkindik beredi. Djon A.Polson atyndaǵy Garvard ınjenerııa jáne qol­danbaly ǵylymdar mektebiniń zertteýshileri jasap shyǵarǵan mundaı materıal qazir shól jáne shóleıt aımaqtarda turatyn tur­ǵyndardy qatty qýandyryp otyr. Shyn máninde, oqymystylar aýadan sýdy kóbirek «soryp alatyn» ózgeshe materıal jasap shyǵara alǵan. Olar buǵan deıingi osyndaı talpynystardyń bárinen artyq nátıjege qol jetkizgen. Zertteýshiler buǵan eń bir ańyzaq shól jaǵdaıynda ómir súre beretin qońyzdar men kaktýs ósimdiginiń áreketterin úlgi retinde paıdalanyp baqty. Máse­len, Namıbııa shólindegi qońyz tańerteń erte, aýa kondensaty óziniń sharyqtaý shegine jetken kezinde sýdy arnaıy membranalar arqyly arqasynan jınap alady eken. Al kaktýsterdiń tikenekti japyraǵy sýdyń ósimdik tinine qaraı ótýine kómektesetinge uqsaıdy. Ǵalymdar zertteý kezinde osy aspektilerge aıryqsha nazar aýdarǵan. Rýslan IGILIK.