Maıkldyń kıiz úıi

Kanadalyq Maıkl Djef­frı esimdi stýdent birazdan beri kóp qabatty úıdegi pá­terden bezip, ózi arnaıy tigip alǵan kıiz úıde turyp jatqan kó­rinedi. Búginde Brıtan Ko­lýmbııasy provınsııasyna qa­rasty Kamplýps qalasynda tu­ratyn ol Thompson Rivers ýnıversıtetinde oqıdy. Za­manǵa tez beıimdelgish jigit kóp qabatty kommýnaldy úılerge qaraǵanda, kıiz úı­de turý áldeqaıda arzanǵa túsedi dep esepteıdi. Onyń taǵy tıimdiligin ol kıiz úıdiń mobıldigimen, ıaǵnı tez jı­nap alyp, kóship ketýge bo­latyndyǵymen túsindiredi. Stýdenttiń qazirgi bar shyǵyny – úı tigip alǵan orny úshin jer ıesine aıyna 150 dollar aqy tóleıdi eken. Úıdiń ishine pesh qoıyp alǵan, is júzinde elektr qýatyn paıdalan­baıdy. Uıaly telefony men noýtbýgin jaqyn arada turǵan dámhanadan qýattaýǵa tyrysady. Maıkl Djeffrıge Batys adamynyń oıyna ki­re bermeıtin mundaı ıdeıa ala jazdaı Edmontondaǵy do­synyń kıiz úıinde turǵanda kelse kerek. «Meniń bir kýrsta oqıtyn keı dostarym bir bólmeli páter jaldaý úshin aıyna 400 dollar tóleıdi, al meniń qanshalyq únemdeıtinim týraly aıtyp jatý artyq. Qazirgi kanadalyqtar ortalyq jylý júıesinsiz ómir súre almaıdy. Barlyǵymyz jaıly ómirge úırenip alǵanbyz. Buryn júzdegen, myńdaǵan jyldar boıy adamdar osyndaı úıde turdy ǵoı. Muny naǵyz yńǵaıly meken dep esepteımin», – deıdi ol. Aıan ÁBDÝÁLI.