Aspanǵa ushatyn avtokólik

dúnıe júzinde birinshi ret ómirge kelgeli tur Amerıkanyń Terrafugia kompanııasy álemde birinshi bolyp ushatyn avtomobıldi jasap shy­ǵardy. Avto­mobıldi aspanǵa alyp shyǵatyn TF-X qondyrǵysy óziniń alǵashqy aerodınamıkalyq synaǵyna kirisip ketti. О́ndiris orny jańa kólikti 2018 jyly jappaı óndiriske qoıǵaly jatyr. Kompanııa ókili ushýshy avtomo­bıldi jasaýǵa Massachýsets tehno­logııalyq ınstıtýty mamandarynyń qatysqanyn málimdedi. Qazirgi kúnderi TF-X qondyrǵysynyń birinshi prototıpi tap osy oqý or­nyndaǵy aerodınamıkalyq tur­bada tekserýden ótýde. Mashına jasaýshylardyń aıtýlarynsha, ushýshy jabdyqtyń 300 attyń kúshine teń eki jyljymaly qana­ty bar. Solardyń kómegimen TF-X saǵatyna 322 shaqyrymdyq jyl­damdyqpen usha alady. Ushý kezinde mashınany avtopılot basqarady. Mundaı qozǵalys quralynyń ıesine kompıýterge baratyn jerdi aıtyp berse, jetip jatyr. Sodan soń onyń ózi jolaý­shyny qonatyn núktege barynsha qysqa jolmen ózi alyp barady. «Bolashaqtyń avtomobılin» oılap tabýshylar ózderiniń bas­ty maqsaty jolaýshy men júkti «esikten – esikke» alyp baratyn, ká­dimgi mashına tárizdi garajǵa syıy­p kete beretin kólik jasaý bolyp tabylatynyn atap ótti. Biraq olar ózderi shyǵarǵan ınnovasııany avtomobıl retinde atap otyrǵan joq. Damır QOJAMQUL. Jańa tekti avtomobıldiń ushýy sátin habardyń saıttaǵy nusqasynan kóre alasyzdar. https://youtu.be/wHJTZ7k0BXU