27 Aqpan, 2016

Pıton 6 jasar balany jep qoıa jazdady

353 ret
kórsetildi
3 mın
oqý úshin
Álem-jálem álem 26-02-16-pitonAýstralııanyń Jańa Ońtústik Ýels jerinde sumdyq oqıǵa oryn aldy. Joǵarǵy kerýette uıyqtap jatqan alty jasar Taılerge pıton shabýyl jasady. Alyp jylan onyń beti men qolyna jabysa ketken. Sol kezde balanyń aıqaıynan oıanyp ketken anasy Tamara bólmege kelip, ulyn ajdahanyń aranynan aman alyp qalady. Bala aýyr jaraqatpen aýrýhanaǵa túsken. 26-02-16-hokkeıSotqar hokkeıshi muz ústinde tóreshimen tóbelesti Kanada hokkeıshisi Olıve Markott match kezinde muz aıdyny ústinde tóreshimen tóbelesip, sonyń saldarynan birden polıseılerdiń tutqynyna tústi. Oqıǵa Úıeńki japyraǵy eliniń jastar lıgasyndaǵy Sherbrýktiń «Hokı-Eksperts» jáne Nıkolanyń «Petroleým A.A.» komandalary arasyndaǵy match kezinde oryn alǵan. Qaptaldaǵy arbıtrdiń sheshimine rıza bolmaǵan Sherbrýktiń 21 jastaǵy oıynshysy oǵan birden tap beredi. Biraq referı de qarap tura qoımapty. Al hokkeıshini polıseıler qolyna kisen salyp alyp ketti. 26-02-16-festyvalApelsın festıvalinen 70 adam zardap shekti Italııanyń Ivrea qalasynda ótken jyl saıynǵy dástúrli apelsınmen shaıqas festıvaliniń sońy oǵan qatysqan 70 adam úshin aýrýhana tósegine jatýmen aıaqtaldy. Olardyń barlyǵy da apelsınmen uryp, shaıqasý barysynda bastarynan qatty soqqylar alǵan bolyp shyqty. Taǵy 28 adam glıntveın men sharapty shamadan tys iship, onyń dozasyn arttyryp alǵandary úshin tósekke tańylypty. Bulardyń arasynda 12 jasar bala da bar. Jalpy, bıyl qalada apelsın shaıqasyna 7 myńnan astam bılet satylypty.   26-02-16-galaktıka«Qus jolynyń» arǵy jaǵy – jańa galaktıkalar Astronom-ǵalymdar «Qus joly» juldyzdar shoǵyrynyń arǵy jaǵynda kóptegen galaktıkalardyń jatqanyn anyqtady. Muny 1969 jyly Aıǵa alǵashqy adam aıaǵynyń qadam basqanyn kórsetken teleskop tapty. Ǵalymdar bul mańaıdan 833 galaktıkanyń tabylǵanyn málimdedi. Bulardyń úshten birin olar eshqashan kórmegen eken. Jańalyq radıotolqyndardy ólsheıtin ınnovasııalyq qabyldaǵyshtyń arqasynda ashylypty. 26-02-16-brilliantMeıramhanada mollıýska arasynan jaqut tabyldy Amerıkalyq bir áıel restoranda mollıýska jep otyryp, onyń ishinen tabıǵatta óte sırek kezdesetin jaqut tas taýyp alypty. Mundaı qazynaǵa tap kelgen Vashıngton shtatyndaǵy Isaak qalasynyń turǵyny Lındseı Hass sol sátte kúıeýimen birge ıtalııa taǵamdarynyń Montalcino Ristorante Italiano meıramhanasynda tamaqtanyp otyrǵan eken. Ol bir sát aýzyna qatty birdeńeniń tıgenin baıqaıdy. Ony qolymen aqyryn alyp shyǵarǵan kelinshek sosyn qyzyq úshin qaǵazǵa orap, qaltasyna salyp alady. Al úıine kelip zerttep kórgeninde, Hass asa qymbat baǵaly marjan tasqa kezikkenin bile qoıady.   alemOqýshy atyn búrkenip kelipti AQSh polısııasy keıin anyqtalǵandaı, 23 jasar ýkraın jigiti bolyp shyqqan «oqýshyny» qamaýǵa aldy. Sóıtse, ol vızasynyń merzimi ótip ketkendikten, jasandy qujattardy paıdalanyp kelipti. Áńgime Amerıkaǵa qysqa merzimdi vızamen kelgen ýkraınalyq Artýr Samarın týraly bolyp otyr. Pensılvanııa shtatyndaǵy Harrısbýrg qalasynyń mektebinde ol Esher Potts degen atpen tirkelip kelipti. Onyń qujattarynyń jalǵan ekenin bilgen polısııa ýkraın azamatyn qamaýǵa alǵan. Qazir jigitke málimetterdi urlady jáne qujattardy qoldan jasady degen aıyp taǵylyp otyr. Aqparat agenttikteriniń materıaldary negizde daıyndaldy.