Tórt juldyzdy qonaqúı

Onda meıramhana, konferens-zal, jattyǵý alańy ornalasqan Jalpy aýmaǵy úsh myń sharshy metr jerdi alyp jatqan «GREEN WHICH» tórt juldyzdy qonaq úıiniń saltanatty ashylýyna oblys ákimi Erik Sultanov qatysyp, bul qadam sheteldik ınvestorlarmen ótkizilgen ekijaqty bıznes-forým sheńberinde júzege asqan serpindi joba bolyp tabylatynyn atap kórsetti. Kirse, shyqqysyz tórt qa­batty ǵımarattyń ishki-syrtqy bezendirilýimen astanalyq «Sergeı Fılatov» dızaın stýdııasy aınalysyp, tabıǵat-ananyń beınesimen astastyryp, jasyl túske erekshe basymdyq bergeni ańǵarylady. Qonaqúıdiń basqarýshy menedjeri Anar Shaımuqanovanyń sózine qaraǵanda, jıhazdardyń basym kópshiligi arnaıy tapsyryspen avstrııalyq aǵashtan jasalǵan. Qurylys jumystaryna ekolo­gııalyq jaǵynan taza jergilikti materıaldar da paıdalanylǵan. Standart, bıznes, jartylaı lıýks, lıýks, prezıdenttik sanattarǵa bólinetin 40 ból­me­de servıstik qyzmet kórsetý­diń barlyq jaǵdaılary qarasty­rylǵan. Meımandar úshin meıramhana, konferens-zal, jattyǵý, sport alańdary jumys isteıdi. О́mir ESQALI «Egemen Qazaqstan». PETROPAVL.