О́nerimen órlegen

Jas mamandardy aýyldyq jerlerge ornalastyrý, turaq­tandyrý arqyly kadr tapshylyǵy máselesin sheshýde ózin-ózi aqtap otyrǵan memlekettik jobalardyń biri «Dıplommen – aýylǵa!» jobasy ekenin úlken senimmen aıtýǵa bolady. Aýdan ákimdikteri men «Aýyl sharýashylyǵyn qarjylaı qoldaý qory» AQ óńirlik fılıaly atalmysh shara aıasynda bes jylda 2,1 mıllıard teńgeniń bir rettik járdemaqysy men turǵyn úı satyp alý qyzmetin kór­setken. О́tken jyly 416 mıl­lıon teńgeniń 157 zaımy be­rilse, bıyl 318 mıllıon teńge qaras­tyrylǵan. – Bizdiń aýdanda da jas kadr­­larǵa jan-jaqty qoldaý kór­setiledi. Má­selen, Darıa Tor­chev­skaıa baspanamen, jumys­pen qamtamasyz etilgen. Kon­ser­vatorııany bitirgen Erkebulan Karıpov degen dıplomdy maman mádenıet úıine ánshi bolyp ornalasty. Kele salysymen «Parasat» mektep-lıseıinde dástúrli án úıirmesin ashty. Jary – horeograf. Jýyq arada bul otbasynyń áleýmettik máseleleri tolyǵymen sheshiledi, – deıdi aýdandyq mádenıet bóliminiń basshysy Sara Áltaeva. Margarıta Kýznesova – atalmysh baǵdarlamanyń ıgiligin kórýshilerdiń biri. Ol Beskól kentindegi mádenıet úıine maman retinde ornalasyp, turaqty jumys tapqan. 2012 jyly Petropavldaǵy óner kolledjin bitirgen soń meıramhanalarda ótetin toı-dýmandarda tamyljyta án shyrqap, nápaqasyn taýyp júrgen. Alaıda, shyǵarmashyl ortamen jumys istegendi unatatyn ony bul qareketi qanaǵattandyra qoımaǵan. О́z ómirin basqasha qalyptastyrýǵa bel býǵan ónerpaz qyz Beskóldegi mádenıet úıinde bos shtat baryn estip, baǵyn synap kórýdi uıǵarǵan. Konkýrs synaqtarynan oıdaǵydaı ótip, rejısserlik qyzmetke qabyl­danǵan. Birer jyldaı oblys ortalyǵynda turatyn ata-ana­synyń úıinen qatynap júrgen. Araqashyqtyq onsha alys bolmasa da, edáýir qıyndyqtar keltiretin. Tyǵyryqtan shyǵýdyń joldaryn árli-berli izdestirip, aqyrynda «Dıplommen – aýylǵa!» jobasy boıynsha tıisti oryndarǵa qaıyrylýdy jón kórgen. О́tinishi maquldanyp, tıisti sheshim alyn­ǵanda tóbesi kókke jetkendeı qýan­ǵan. Memlekettik qordan úı satyp alýǵa 12 myń AQSh dol­lary jáne 138 myń teńge kóter­meaqy berilgen. Nesıeni aı saıyn 12500 teńge tólemmen 15 jylda óteıtin bolyp kelisken. Margarıta – segiz qyrly, bir syrly ónerpaz jastardyń biri. Onyń kúmis kómeı ánshiligi eshkimge uqsamaıdy. Aǵylshyn, ıtalıan, ıspan tilderinde áýelete shyrqaǵanda tyńdarmandaryn birden eliktiredi. О́ner kolled­jiniń oqýshysy Búrkit Janaımen «Sezim» atty dýet quryp, qazaq ánderin talmaı nasıhattap júr. Budan tysqary Darıa, Narqyz degen qurbylarymen birlesip «Ińkár» tobyn qurýy da qoldaýǵa turatyn bastamalardyń biri ekeni daýsyz. Súıip aıtatyn ánde­riniń biri – «Dýdar-aı». Qazir oblys ortalyǵynda ótetin baı­qaý daıyndyǵyna qyzý kirisip, Abaı­dyń «Kózimniń qarasy» ánin usynbaq nıette. Jan-jaqty bolýǵa talpynǵan onyń bir armany – bilimin odan ári jalǵastyrý, sheberlik shyńyna kóterilý. О́ner kolledjiniń vo­kal tobyn támamdasa da, má­denıet salasynyń basqa da ba­ǵyt­tarynda baǵyn synap kórýdi ıgi maqsat tutqan. Talan­ty men talabyn ushtastyra oty­ryp, birde-bir kon­serttik baǵdar­la­malardan shet qalǵan emes. Jaqynda ujymnyń qura­mynda Sokolovka, Iаkor aýyldaryna ba­ryp, ónerimen kórer­menderin tamsandyryp qaıtty. Gúlgúl QÝATQYZY. Soltústik Qazaqstan oblysy, Beskól aýdany. Sýretti túsirgen Amangeldi BEKMURATOV.