Aldaǵy mindetter aıqyndaldy

Qyzyljar óńirinde de «Nur Otan» HDP  saıası uıymynyń bastaýysh partııa uıymdaryndaǵy eseptik-saılaý sharalary qyzý júrgizilýde. Aýdan ortalyǵy Iаvlenka kentinde ótken bastaýysh partııa uıy­mynyń eseptik-saılaý jıy­nyna qatysar aldynda oblys áki­mi Serik Bilálov birqatar nysan­dardy aralap, aýdannyń tynys-tirshiligi­men tanys­ty. Solardyń biri «Nur Sát» avto­kólikke qyzmet kórsetý ortaly­ǵynda boldy. Kásiporyn­nyń ashyl­ǵanyna kóp bola qoıǵan joq. 10 mıllıon teń­gege turǵyzyl­ǵan qyz­met kórsetý ortalyǵyna kelýshiler qatary kún sanap artyp keledi. Mun­da avtojýý, dońǵalaq­tardy jón­deý sheberhanasy da jumys isteıdi. Mekemeniń dırek­tory  Nur­lan Ra­mazanovtyń aı­týyn­sha, qyz­met kór­setý baǵasy qol­jetim­di. Al­daǵy ýa­qytta jańa qu­ral-jab­dyq­tar sa­typ alý úshin «Bıznes­tiń jol karta­sy-2020» baǵdar­la­masy aıa­syn­da nesıe alýdy kózdep otyr. 250 oryndy meı­ramhanasy men bılıard zaly bar «Túrki­stan» oıyn-saýyq kesheni de óz qyzmetin bastap ketipti. Budan keıin Serik Sultan­ǵazy­uly  aýdan ortalyǵy—Iаvlenka kentinde ótken  bastaýysh partııa uıy­my­nyń eseptik-saılaý jına­ly­syna qatysty. Onda partııa uıymynyń tór­aǵasy Sergeı Kornev  esepti ke­zeń­de atqaryl­ǵan ju­mystar jaıyn­da jan-jaqty baıandap berdi. Uıym qatary nyǵaıyp, múshelerdiń qata­ry 6 paıyzǵa artqan kórinedi. Búgin­de 1236 nurotandyqty toptastyryp otyr. Jıynda  sóıleýshiler  aldaǵy on jyldy qamtıtyn partııa baǵ­darla­masyna qatysty óz oı­lary men usy­nys­taryn ortaǵa saldy. Elimizdegi aıtý­ly oqıǵalar tizbegin, olardyń ara­synan Qazaqstan­nyń Keden oda­ǵy­na kirýin, EQYU-ǵa tóraǵalyq etýin, Astanadaǵy Sam­mıt­tiń ótýin erekshe atap ótti. Elbasy N. Nazar­baevtyń  júrgizip otyrǵan saıasatyn biraýyzdan qol­dap,  2020 jylǵa deıingi  Qazaq­stan­nyń strategııa­lyq damý josparyn oryndaýǵa tas-túıin ázir ekendikterin, Tuńǵysh Pre­zıdenti­mizdiń ókilettigin on jylǵa  uzartý týraly referendým ótkizý jónin­degi bastamany biraýyz­dan qoldaı­tyndyqtaryn bildirdi. Jıynda  «Nur Otan» HDP oblystyq fılıalynyń tóraǵasy, aımaq basshysy S. Bilálov sóz alyp,  jańa jyl úlken mindetter júktep otyrǵanyn jetkizdi. Petropavl qalasyndaǵy «Den­saýlyq» bastaýysh partııa uıymy bıýrosynyń esep berý-saılaý jı­nalysy da iskerlik turǵysynda ótti. Onyń jumysyna densaýlyq saqtaý basqarmasynyń ókilderi, emdeý me­ke­meleriniń basshylary shaqyryl­dy. Partııa uıymynyń tóraǵasy  Vladımır Serdobınsev óz baıanda­ma­synda  atqarylǵan ju­mystar jó­nin­de jan-jaqty maǵ­lumat berdi. Al­daǵy mindetter keńinen sóz bol­dy. Qalalyq partııa uıymy tóraǵa­synyń birinshi orynbasary Nıkolaı Chernovol  delegattardy  «Nur Otan» HDP-nyń 2020 jylǵa deıingi merzimge  arnalǵan baǵdarlama jo­ba­symen tanystyryp, ol qoldaý tapty. Jıynda partııa toptarynyń jetekshileri Janna Máýitova, Svetlana Kashenseva, Ǵalııa Mámetova sóılep, birqatar máseleler bo­ıyn­sha oı-pikirlerimen bólisti. Esep berý-saılaý jınalysyna qa­tysqan oblys ákimi Serik  Bilálov oblys ekonomıkasynyń damýyna  medısına qyzmetkerleri úlken úles qosyp otyrǵanyn atap kórsetti. О́mir ESQALI. Soltústik Qazaqstan oblysy.