Álemde azyq-túlik ónimderi tapshy
Álemdik ekonomıkaǵa «baǵanyń esten tandyrýy» keri áserin tıgizip, onyń aqyry azyq-túlik daǵdarysyna alyp kelýi yqtımal. Bul týraly BUU janyndaǵy Azyq-túlik jáne aýyl sharýashylyǵy uıymy habarlady.
Mundaı málimdeme atalǵan uıym aýyl sharýashylyǵy taýarlarynyń ındeksi jeltoqsan aıynda nomınaldy rekordyna jetip, 2007-2008 jyldardaǵy deńgeıden asyp túskennen keıin jasalyp otyr. Sol jyldardyń ózinde álemde azyq-túlik daǵdarysy oryn alyp, 30 kedeı elde narazylyqtar boı kórsetken bolatyn.
INTERPOL BAKIEVTI IZDEÝDEN BAS TARTTY
Interpol Qyrǵyzstannyń burynǵy prezıdenti Qurmanbek Bakıevti izdeýge qatysýdan bas tartty. О́ziniń bul sheshimin Qylmystyq polısııa halyqaralyq uıymynyń bas hatshylyǵy Interpoldyń qoldanystaǵy konstıtýsııasyna súıenip shyǵarǵanyn jarııa etti.
Uıym konstıtýsııasyna sáıkes oǵan saıası, áskerı, dinı nemese násildik sıpattaǵy qyzmetterge qandaı da bir aralasýǵa tyıym salynady. Qyrǵyzstan úkimeti sondaı-aq burynǵy prezıdenttiń úlken uly Maratty, baýyry Janyshty, basqa da sybaılastaryn izdestiredi dep úmittengen bolatyn. Is júzinde bári basqasha bolyp shyqty.
RESEI OFISERIN QYZMETTESI О́LTIRSE KEREK
Ázirbaıjannyń Gabalın radıolokasııalyq stansasynda (GRS) Reseı ofıseri óltirildi. Ol GRS-nyń qyzmetkeri maıor Sergeı Grachev degen kórinedi. 47 jastaǵy ofıserdi óziniń qyzmettesi óltiripti.
Atalǵan oqıǵa boıynsha Ázirbaıjan prokýratýrasy qylmystyq is qozǵady. О́ltirýdiń negizgi nusqasy tonaý degenge saıady. Osy jerde atap kórsetetin bir jáıt – GRS Reseıdiń ballıstıkalyq zymyrandar ushyratyn júıeni baqylaıtyn negizgi bólimderdiń biri bolyp tabylady. Stansa Keńes ókimeti kezinde salynyp, qazirgi kezde ony Reseı jalǵa alyp otyr eken.
MALIDEGI FRANSIIа ELShILIGIN ShABÝYLDADY
Týnıstiń týmasy keshe Malı astanasy Bamako qalasynda ornalasqan Fransııa elshiligi ǵımaratynyń janynda gaz ballonyn jaryp jiberdi. Shabýyldaýshy sol sátinde-aq qamaýǵa alyndy.
Tergeýshilerge ol óziniń ıslam Magrıbindegi «Ál-Kaıda» múshesi bolyp tabylatynyn málimdegen. Oqıǵa saldarynan ótip bara jatqan eki adam jeńil dene jaraqatyn alsa kerek. Al terrorlyq uıym ókiliniń bul áreketimen ne aıtqysy kelgeni ázirge belgisiz jáne ony tergeý barysy anyqtaıdy dep kútilýde.
TÚRIK AZAMATY UShAQTY QÝYP KETPEK BOLDY
Norvegııanyń astanasy Oslo qalasynan Túrkııanyń eń iri shahary – Ystambulǵa ushyp shyqqan «Túrik áýe joldary» ushaǵynyń jolaýshylary ushqyshtardyń kabınasyna basyp kirýge áreket jasaǵan azamatty zalalsyzdandyrdy. Ol túrik azamaty eken.
Túrik azamaty sondaı-aq áýe kemesin jaryp jiberemin dep te qoqan-loqqy kórsetipti. Jáne ushaqty qaıtadan Oslo áýejaıyna qondyrýdy talap etpekshi bolǵan. Bortynda 60 jolaýshysy jáne 7 ekıpaj múshesi bar Boıng-737-800 ushaǵy aman-esen túrik jerine kelip qonǵan.
RADIKALDY ShIIT LIDERI IRAKQA ORALDY
Úsh jyldan astam ýaqytqa sozylǵan úzilisten keıin shııtterdiń radıkaldy lıderi Mýktada ál-Sadyr Irakqa qaıta oraldy. Ol osynsha ýaqyt boıy kórshi Iran memleketinde turyp kelgen bolatyn.
Keshe ol týǵan qalasy En-Nadjafta qarsy alyndy. Ál-Sadyr ózi basshylyq jasaǵan «Armııa Mahdı» áskerı uıymynyń arqasynda tanymaldylyqqa ıe bolǵan edi. Atalǵan áskerı uıym 2003-2008 jyldar aralyǵynda koalısııa kúshterine qarsy urys qımyldaryn júrgizgen-tin.
KOREIа ALTY ALYP UShAQ SATYP ALMAQ
Ońtústik Koreıanyń Asiana Airlines áýe kompanııasy alty A-380 aerobýstaryn satyp alý týraly sheshimdi qýattady. Atalǵan ushaqtar álemdegi jolaýshy eń kóp syıatyn áýe kemesi bolyp tabylady. Al kelisim-shart quny 1,8 mıllıard dollarǵa baǵalanyp otyr.
A-380 – aerobýstardyń sońǵy jetistigi. Laıner 525-ten 853 jolaýshyǵa deıin tasymaldaýǵa qabiletti jáne 15 myń shaqyrym aralyqty baǵyndyra alady. Atalǵan alyp ushaqty tek álemdegi eń iri áýejaılar ǵana qabyldaı alady. Búginde A-380-ge tapsyrystar sany 234 bolsa, qazirdiń ózinde túrli baǵyttarda 40 osyndaı ushaq ushyp júr eken.
QYSQA QAIYRYP AITQANDA:
• Reseıdiń Chelıabi oblysynyń burynǵy gýbernatory, Qazaqstannyń dosy Petr Sýmın 64 jasynda qaıtys boldy. Ol osy qyzmetti 1996 jyldan 2010 jyldyń naýryzyna deıin atqarǵan bolatyn. Densaýlyǵyna baılanysty sońǵy saılaýǵa túsýden bas tartqan edi.
• Hokkeıden jastar arasyndaǵy álem chempıonatynda reseılik jas hokkeıshiler jeńimpaz atandy. Fınalda olar favorıt retinde atalyp kelgen Kanada quramasyn 5:3 esebimen utty.
• Tbılısıdiń qalalyq soty Grýzııa kúsh qurylymdarynyń ashtyq jarııalaǵan 11 ardagerine aıyp saldy. Olar 1992-1993 jyldary abhaz soǵysyna, 2008 jyly Ońtústik Osetııadaǵy soǵysqa qatysqandar eken. Ardagerler osy áreketteri arqyly áleýmettik jaǵdaılaryn jaqsartýdy talap etken kórinedi.
• Sevastopolde Ýkraınanyń «Zaporoje» dep atalatyn súńgýir qaıyǵy synaqtan ótkizildi. Bul Ýkraına áskerı-teńiz kúshterindegi jalǵyz súńgýir qaıyq bolyp tabylady.
Internet materıaldary negizinde ázirlendi.
