«Máńgilik El» poıyzy – Pavlodarda Astanadan 15 aqpanda el Táý­elsizdiginiń

25 jyldyǵyna oraı saparǵa shyqqan «Máńgilik El» áleýmettik poıyzy О́skemen men Semeıdi aralap, 23-24-i kún­deri Kereký óńirine kelgenin buǵan deıin habarlaǵan edik. Al áýeli Aqsý qalasyna aıalda­ǵan poıyzdy kelesi kezekte ob­lys ortalyǵy – Pavlodar qala­synyń temirjol vokzalynan qala ákimi Bolat Baqaýov basta­ǵan QHA men qoǵamdyq uıym­dar­dyń ókilderi, jergilikti jas­tar, qala turǵyndary qarsy al­dy. Arnaý óleńder aıtylyp, qaza­qy ǵuryppen shashý shashyldy. – О́ndiristi óńirge kelgenimizge qýanyshtymyz, – dedi poıyz jetekshisi Ámirjan Álpeıisov. – Bizdiń jolǵa shyqqandaǵy maqsatymyz Elbasynyń «Máńgilik El» ıdeıasyn el ishinde nasıhattaý, eldik maqsattardy, ulttyq qundylyqtarymyzdy dáripteý. Poıyz quramyndaǵy 98 adamnyń báriniń de oılary bir – eldegi qabyldanǵan reformalardyń mán-jaıyn túsindirip, turǵyndarǵa jetkizý. Bizdiń top quramynda memlekettik organdardyń bas mamandary, áleýmettik jáne medısına salasynyń qyzmetkerleri, bank keńesshileri bar. Aramyzdaǵy 30 dáriger turǵyndardy qarap, olarǵa keńes beredi. Budan keıin oblys ortalyǵyndaǵy Estaı atyndaǵy qalalyq mádenıet saraıynda poıyz qonaqtarynyń qatysýymen dóńgelek ústel basynda ultaralyq kelisim, eldegi turaqtylyq, órkendeý, táýelsizdik talaptary aıasynda alqa-qotan áńgime órbidi. Al dárigerler oblys ortalyǵyndaǵy №3 emhanada qabyldaý júrgizdi. Áleýmettik poıyzdyń kelip toqtaǵanyn estip, birinen soń biri kelip jatqan qala turǵyndarymen kezdesý keshki saǵat 7-ge deıin sozyldy. Á.Álpeıisovtiń aıtýynsha, poıyz quramy Pavlodarǵa kelip jetkenge deıin 7,5 myń adamdy qabyldaǵan eken. Turǵyndardyń kópshiligi dárigerlerge kóringen. Nazarǵa alynǵan ótinish-tilekter endi Astanaǵa barǵan soń mınıstrlikterdiń qaraýyna joldanady. – Poıyzdyń kelýi, árıne, qarapaıym turǵyndar úshin jaqsy. Eń bastysy – halyq rıza. Ásirese, dárigerlerge qaralyp, keńester alǵandaryna alǵys kóp. Ekinshiden, «Máńgilik El» degen ataýmen kelgen áleýmettik poıyzdyń ár adamnyń boıynda elge, jerge degen qurmet sezimin týdyrary anyq, – dedi oblystyq QHA tóraǵasynyń orynbasary Seısenbaı Jetpisbaev Al uıymdastyrýshylardyń aıtýynsha, quramynda 100-ge jýyq múshesi bar, 9 vagonnan turatyn poıyz óziniń sapary barysynda mamandar quramyn aýystyryp, jańartyp otyrady eken. Maqsat – aýyldyqtardyń, soǵys ardagerleri men múmkindigi shekteýli adamdardyń ótinish-tilekterin tyńdap, quqyqtyq jáne medısınalyq turǵyda keńes berý. Jeke kásibin ashqysy keletinderge de kómek kórsetiledi. Mádenı-sporttyq sharalar, konserttik baǵdarlamalar usynylady. Poıyz sapary ári qaraı óndiristi Ekibastuzda kezdesýlermen jalǵasty. Farıda BYQAI, «Egemen Qazaqstan». Pavlodar oblysy.