Aýǵanstanda lańkesterdiń shabýylynan 11 adam qaza tapty

ASTANA. 27 aqpan. Aýǵanstannyń Kýnar provınsııasyna qarasty Asadabad qalasynda jarylystyń saldarynan 11 adam qaza taýyp, 40 adam túrli jaraqat aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Osyǵan deıin 10 adamnyń mert bolyp, 15 adam zardap shekkeni týraly aqparat taraǵan. Jarylys provınsııa gýbernatorynyń úıine jaqyn mańaıda boldy. Aýǵanstanda sońǵy kezderi jaǵdaı kúrt nasharlap ketti. Jergilikti lańkester uıymy eldiń birneshe eldi-mekenderin basyp alǵannan keıin úlken qalalarǵa shabýyldaı bastady. Birikken Ulttar Uıymynyń málimetterine súıener bolsaq, 2015 jyly jergilikti tártip saqshylary men lańkester uıymy arasyndaǵy qaqtyǵys kezinde 3,5 myńnan astam beıbit turǵyn qaza tapqan. Sondaı-aq, 7,5 myń adam zardap shekken. Bıyl áıelder men balalar arasyndaǵy ólim kóbeıip barady. Qaqtyǵys kezinde mert bolǵandar kórsetkishi boıynsha, olar 10 paıyzdy quraıdy. Aıan Ábdýálı. Derek: RIA «Novostı». Sýret: freerepublic.com.