Kolýmbııada zıka bezgegin juqtyrǵandar sany artyp barady

ASTANA. 28 aqpan. Kolýmbııada zıka bezgegin juqtyrǵandar sany artyp barady. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Sońǵy bir aptanyń ishinde zıka indetin juqtyrǵandar sany 37 myńnan 42,7 myńǵa artty. Olardyń arasynda 7,6 myń turǵyn júkti áıelder. Osy kórsetkish boıynsha, Kolýmbııa Brazılııadan keıingi ekinshi orynda tur. Atalǵan indetke shaldyqqandar sany kóp bolǵanymen mıkrosefalııamen týylǵan bir-aq bala anyqtaldy. Sondaı-aq, osyǵan deıin zıkamen aýyrǵan gııena-barre sındromy bar úsh naýqas kóz jumdy. Dárigerler olardyń qaıtys bolýyna osy sındrom sebep boldy degen sheshim shyǵardy. Zıka indeti kóbine qaýipti vırýs juqtyrǵan jándikter men torpıkalyq aımaqtarda ómir súretin masalar arqyly juǵady. Adamdar arasyndaǵy juqpaly aýrýlardyń qataryna jatpaıdy. Dene qyzýy, titirkenýi, býyn arasyndaǵy jaısyzdyq, bas aýrýlary indettiń negizgi belgileri bolyp esepteledi. Zıka indetin juqtyrǵan bolashaq anadan mıkrosefalııa aýrýymen aýyratyn sábıler dúnıege keledi. Ol óz kezeginde sábıdiń bas súıeginiń qajetti mólsherde ósýine kedergi jasap, mı qurylysynyń damýyna zııanyn tıgizedi. Bul kezde arnaıy vaksınalar kómektespeıdi. Dúnıejúzilik densaýlyq saqtaý uıymy qaýipti indettiń 2015 jyly sáýir aıynda Brazılııa memleketinde bastalǵanyn resmı túrde habarlady. Osydan soń, Ońtústik Amerıkanyń ózge de elderine taraǵan. Aıan Ábdýálı. Derek, sýret: RIA «Novostı».