AQSh-ta qaza tapqandar arasynda qazaqstandyq jetkinshekter bolýy múmkin

ASTANA. 28 aqpan. AQSh-tyń astanasy Vashıngton qalasynyń bıligi jetkinshekterdiń qazasyna baılanysty tergeý amaldaryn júrgizip jatyr. Bul týraly TASS aqparat agenttigine silteme jasaǵan egemen.kz tilshisi habarlady. Aldyn ala boljam boıynsha, qaza tapqandar Qazaqstannan nemese Reseıden asyrap alynǵan bolýy múmkin. Ázirge resmı túrde habarlanǵan joq. Dıplomattar AQSh tarapynan oqıǵanyń mán-jaıyn kútip otyr. Oqıǵa ornynda 49 jastaǵy Lana Karlson, 16 jastaǵy Kýın Karlson jáne 18 jastaǵy Torı Karlson qaza tapty. Sondaı-aq, taǵy bir qyzdyń esimi ázirge belgisiz. Polısııa qyzmetkerleriniń aıtýynsha, bul iske Lana Karlsonnyń kúıeýi Devıd Ýeın Kempbell kináli bolýy múmkin. Tártip saqshylary kelgen sátte ol óz-ózine qol jumsap úlgergen. «Biz osy iske qatysty mán-jaıdy tolyq bilý úshin memlekettik departamentke hat joldaǵanbyz. Biraq ázirge jaýap ala almaı otyrmyz. Alaıda dál qazir meniń qolymda olardyń Qazaqstannan asyrap alynǵandyǵy jóninde aqparat bar», – dedi jergilikti sherıftiń orynbasary Raıan Sperlıng. Aıan Ábdýálı. Derek, sýret: TASS.