Jambyl oblysynda zamanaýı qus fabrıkasy ashylady

TARAZ. 29 aqpan. Jambyl oblysynda jaqyn arada jańa zamanaýı qus fabrıkasy ashylady. Kásiporyn broıler balapandaryn ósirip, jylyna 3,5 myń tonna et óndiretin bolady. Bul týraly egemen.kz tilshisi habarlady. «Áýlıe-Ata Fenıks» JShS 2010 jyly Baızaq aýdany Myrzataı aýylynda et baǵytyndaǵy qus fabrıkasyn ashý maqsatynda quryldy. 2013 jyly «QazAgroFınans» AQ arqyly joba maquldandy jáne qarjylandyryldy. Jobanyń jalpy quny 1 516 mln. teńgeni quraıdy. Onyń ishinde kásiporynnyń jeke qarajatynyń úlesi 248 mln. teńge. Sonymen birge, «Bıznestiń jol kartasy-2020» baǵdarlamasy arqyly qus fabrıkasyna ınfraqurylym (sýmen, gazben, elektr júıesimen qamtý) tartýǵa 547 mln. teńgege memlekettik qoldaý kórsetildi. Kásiporyn qajetti qurylǵylarmen túgeldeı qamtylǵan, ınkýbatordan bastap, balapandardy kútý, olarǵa qajetti qurama jem shyǵaratyn arnaıy dıirmen de bar. Al daıyn ónimdi óńdeý gollandııalyq tásilmen júzege asyrylady. О́ndiristi iske qosý osy jyldyń birinshi jarty jyldyǵyna josparlanýda. Kásiporyn Myrzataı aýylynyń turǵyndaryn jańa jumys oryndarymen qamtamasyz etedi. Sondaı-aq, atalǵan jobanyń júzege asýy Baızaq aýdanynyń aýyl sharýashylyǵyna da tyń serpin beredi. Al fabrıkanyń qus eti óńir suranysyn qamtamasyz etetin bolady. Oralhan Dáýit. Derek: egemen.kz. Sýret: wikipedia.org.