Týǵan jerdiń tútini

Memlekettik syılyqtyń laýreaty, jazýshy Orazbek Sársenbaı óziniń týǵan ólkesi – Syr boıynda jerlesterimen júzdesti. El aǵalarynyń jáne Shıeli aýdany jurtshylyǵynyń shaqy­rýy­men týǵan jerine barǵan qalamger mundaǵy aýyzbirshilikke súısinip, zamana aǵymyna qaraı úndese eńbek etken shıelilik­terdiń ár saladaǵy jetistikterine rızashylyǵyn bildirdi. Aýdandyq mádenıet úıinde «Kórkemsózdiń kórnekti sheberi –Orazbek Sársenbaı» aıdarymen ashylǵan alqaly jıynda aýdan ákimi Nurlybek Nálibaev sóz sóılep, kemeline kelgen jazý­shyny oqyrmandarymen búgi­ngi qaýyshýy­men shyn júrekten quttyqtady. Aýdan basshysy qa­lamgerdiń jetistikterine toqta­lyp, aldaǵy shyǵar­ma­­­shylyq ómi­rine tabys tiledi. Qazaqstan Jazýshylar odaǵy­nyń hatshysy, «Syn» jýrna­lynyń bas redaktory Baqyt Sar­ba­laevtyń jazýshy shyǵar­mashy­lyǵyna arnalǵan baıandamasy jurt­shylyqty onyń ádebı mura­syna taǵy bir saıahat jasa­typ, jaqsy áserge bóledi. Oqyrmandardyń birqatar saýal­­daryna jaýap bergen qalam­ger de aǵynan jaryldy: «Shyǵarmashy­lyq kezeńimde otyzshaqty kitap jazsam, sonyń deni týǵan jerimde jazyldy. Osy ortadaǵy adamdar ómiri shyǵarmalaryma arqaý etildi. Bılik basyndaǵylardan qa­shyq­taý júretin ádetimmen ózim ósken ortamda buryn resmı kezdesý ótkizýge qulyqty emes edim. Elge kelýime qolqa salyp, jerles­terimniń shyn yqylasyna bólegen janashyr­lary­ma rıza­myn. Meniń qarýym – qol­daǵy qalamym, shamam kelgeninshe jaqsy shyǵar­malarymdy ózderi­ńiz­­ge arnaı beremin», – dedi ol. Osy kúni Orazbek Sársenbaı­dyń qatysýymen Shıeli aý­danynda birneshe áleýmettik ny­sandar ha­lyqtyń paıda­lanýy­na berildi. Áýeli jazý­shy Orazbek Sársen­baı­dyń týǵan aýyly Baı­syn aýylynda jalpy jobalyq quny 183 mln. teńge bolatyn bas sý qoımasy jáne 7,5 sha­qyrymdyq aýylishilik taza aýyz sý taratý toraby iske qosyl­sa, ke­ńestik kezeńde áleý­mettik qamqor­lyq aıasynan tys qalyp kelgen Jıdeliaryq aýy­lyn­da №206 orta mekteptiń eki qabatty jańa úlgide salynǵan ǵımaraty paıda­lanýǵa berildi. Shıeli kentindegi sanato­rııa­lyq tıptegi «Shuǵyla» balalar baq­sha­sy da osy kúni ashyl­dy. Bul áleýmettik nysandar­dyń da lenta­syn jerles jazýshy Orazbek Sársenbaı qıdy. Shıeliniń Alashtyń ardaqty­sy Mustafa Shoqaıdyń týǵan jeri ekendigi belgili. Qazaq azamat­tary­nyń arasynda Peterbordyń zań ýnı­versıtetin tuńǵysh bitirgen Mus­tafa Shoqaıdy ádildiktiń aq týyn joǵary ustaǵan qaırat­ker retinde zań qyzmetkerleri úlgi tutady. Mine, osy kıeli mekendegi ótken jyly ǵana paıdalanýǵa berilgen aýdandyq sottyń jańa ǵı­ma­ratyn­da onyń qujattary men qasterli zattary qoıylǵan mura­jaı orna­lasqan. Ony uıym­das­tyrýshy aý­dan­dyq sot tóraǵasy Saǵatbek Súleımenov degen el­jan­dy azamat. Atalmysh mura­jaı­dy aralap kór­gen jazýshy O.Sár­senbaı zańger­lerdiń Alash ardaqtysyn úlgi tutqan peıilderine rızashylyǵyn bildirdi. Eltaı NURMAHAN. Qyzylorda oblysy, Shıeli aýdany.