Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №194

2015 jylǵy 1 sáýir, Astana qalasy Qazaqstan Respýblıkasynyń aýmaǵynda júrgen sheteldikter men azamattyǵy joq adamdar tegin medısınalyq kómektiń kepildik berilgen kólemin alýǵa quqyly bolatyn aınaladaǵylar úshin qaýip tóndiretin qatty aýrýlardyń tizbesin bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 88-babynyń 5-tarmaǵyna sáıkes buıyramyn: 1. Qosa berilip otyrǵan Qazaqstan Respýblıkasynyń aýmaǵynda júrgen sheteldikter men azamattyǵy joq adamdar tegin medısınalyq kómektiń kepildik berilgen kólemin alýǵa quqyly bolatyn aınaladaǵylar úshin qaýip tóndiretin qatty aýrýlardyń tizbesi bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti belgilengen zańnamalyq tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin merzimdik baspa basylymdarynda jáne «Ádilet» Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde resmı jarııalanýǵa jiberilýin; 3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T. DÚISENOVA «KELISILDI» Qazaqstan Respýblıkasynyń Ulttyq ekonomıka mınıstri ________________ E. Dosaev 2015 jylǵy 6 mamyr Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 1 sáýirdegi №194 buıryǵymen bekitilgen Qazaqstan Respýblıkasynyń aýmaǵynda júrgen sheteldikter men azamattyǵy joq adamdar tegin medısınalyq kómektiń kepildik berilgen kólemin alýǵa quqyly bolatyn aınaladaǵylar úshin qaýip tóndiretin qatty aýrýlardyń tizbesi 1. Dıfterııa 2. Qyzylsha 3. Qyzamyq 4. Kókjótel 5. Jánshaý 6. Jel sheshek 7. Epıdemııalyq parotıt 8. A, V, S paratıfteri 9. Polıomıelıt 10. Tumaýdyń atıptik túri 11. Menıngokokk ınfeksııasy 12. Tyrysqaq 13. Ish súzegi 14. Týberkýlez (bakterııa bólinetin ókpe týberkýlezi kezinde týberkýlez mıkobakterııasynyń bar bolýyna qaqyryq jaqpasynyń eki rettik konversııasyna qol jetkizgenshe; jiti órshigen týberkýlez (menıngıt, mıl­lıarlyq týberkýlez) túrinde naýqastyń ómirine qaýip tónbeıtin jaǵdaıǵa qol jetkenshe jáne týber­kýlez mıkobakterııasynyń bar bolýyna qaqyryq jaq­pasynyń eki rettik konversııasyna qol jetkiz­genshe; omyrtqa týberkýlezinde julyn qyzmetiniń buzy­ly­synyń asqynýynda medısınalyq súıemeldeýinsiz ózdiginen qozǵala alatyn jaǵdaıǵa qol jetkizgenshe) 15. Kúıdirginiń ókpelik túri 16. Oba 17. Gemorragııalyq vırýstyq qyzba 18. A, E vırýstyq gepatıti 19. Bezgek Buıryq Qazaqstan Respýblıkasynyń Ádilet mınıstrliginde 2015 jylǵy 11 maýsymda Norma­tıvtik quqyqtyq kesimderdi memlekettik tirkeýdiń tizilimine №11317 bolyp engizildi.