О́ńirdegi teńdesi joq zaýyt

Jańa jyldyń alǵashqy kúnderinen bastap «ENKI» jaýapkershiligi shekteýli seriktestiginiń keramıkalyq kirpish shyǵaratyn jańa zaýyty ónim bere bastady. Ol «Qazaqstan Respýblıkasynyń 2010-2014 jyldarǵa arnalǵan údemeli ındýstrııalyq-ınnovasııalyq damý» memlekettik baǵdarlamasy sheńberindegi asa iri joba sanalady. Mańyzdy nysandy jergilikti «Elevatormelmontaj» JShS qurylysshylary der kezinde ári sapaly atqaryp shyqty. Ispanııanyń «Solinser» fır­masynyń ozyq jelisi or­na­tylǵan zamanalyq zaýytta ártúrli tús pen pishindegi qurylys óniminiń 30 túri shy­ǵarylýda. Jumys túgel­deı avtomattandyrylǵan. Sapa talaptary kompıýtermen baqylanady. Kirpish gazben kúıdiriletindikten, Kóksheniń eko­logııalyq tazalyǵyna nuq­san kelmeıtini atap kórse­ti­lýde. Kásiporyn dırektory Danıla Galambes jobanyń jalpy quny 6 mıllıard teńgeden asyp tússe, qazaqstandyq úles 2,9 mıllıard teńgeni quraıtyn­dy­ǵyn  aıtady. Kópten kútken zaý­yt­ta jańa 250 jumys orny qurylyp otyr. Sondaı-aq, ká­sip­oryn tolyq qýatynda jumys isteıtin aldaǵy kezde Kókshetaý qalasynyń bıýdjetine jylyna 400 mıllıon teńge qarjy aýdarylady dep josparlanýda. Tehnologııalyq synaqtan oıdaǵydaı ótken «ENKI» ónim­deri ishki qajettilikpen qatar, eksporttyq baǵdar us­ta­nady. Qazirdiń ózinde Re­seıdiń segiz oblysy men Altaı ólkesine Kókshetaý kirpish­terin jóneltý týraly má­mile pysyqtalýda. Baqbergen AMALBEK. Aqmola oblysy.