Aqsaqaldaryn tonaǵan aýyldastar

Qostanaı oblysyndaǵy Áýlıekól aýdanynyń Chernıgov aýylynda qaraqshylar qart kisilerdiń úıine basyp kirip, ózderin uryp-soǵyp, tonap ketken. Bastapqyda esik qaǵylǵan kezde úıdegi qart ana ilgekti ózi baryp ashqan. Sebebi, syrtta turǵandar aýyldaǵy bireýlerdi suraǵan. Al esik ashylǵan kezde kelýshiler qarııaǵa tarpa bas salyp, biraz soǵyp tastaǵan. Olar munymen de toqtamaı, tórgi bólmege ótip, qan­nen-qapersiz uıyqtap jatqan aqsaqaldy taıaqtyń astyna al­ǵan. Bul kezde uıyqtatyn dári iship, alańsyz dem alyp jatqan onyń oıanýy ońaıǵa soqpaıdy. Qaraqshylardyń da kózdegeni sol eken, olar dereý úıdi tonaı bastaıdy. Biraq qarııa­lar esh qundy zattary da, kólemdi somaly qomaqty aqshalary da joq ekenin aıtyp baǵady. Áıtkenmen, tonaýshylar buǵan senbeı, qarııa­lardy taǵy tepkilep tastap, úıdegi qolǵa ilikken múlikterdi alyp ketedi. Jábirlenýshiler es jıǵan soń dereý polısııaǵa habar bergen. Sol boıda tártip saqshylary kúdiktilerdiń sońyna túsedi. Olar sanaýly kúnniń ishinde ustalady. Sebebi, qarııalar qaraqshylardyń kimder ekenin paıymdap qalǵan eken. Murat AITQOJA