Sheber shashtaraz

Qaı salada bolmasyn óz kásibińdi jetik bilgenge ne jetsin. Sonda ǵana eńbegiń janyp, eńseń tik júredi. Mine, qaladaǵy «Naǵıma» sulýlyq salonynyń shashtarazy Sálıma Naýanova osyndaı óz isiniń sheberi atanǵan jan. Sondyqtan da bolar, onyń qyzmetine júginýshiler kóp. Al, ádemilikti súıetin talǵampaz qyz-kelinshekterdiń kóńilinen shyǵýdyń ózi úlken jaýapkershilikti, kásibı bi­liktilikti talap eteri sózsiz. Mun­da shashtaryn qıdyryp, ádemilep, sándendirý úshin aldyn ala jazylyp, kezekke turatyn názik jandylardyń arasynda altyn ýaqytyn qıyp qalanyń ekinshi shetinen keletinderdiń, tipti, aýdandardan at arytyp arnaıy jetetinderdiń bar ekenin estigende, shashtaraz qyzdyń she­berligine tánti bolmasqa ama­lyń qalmaıdy. – Men bul kásipke sál kesh­teý keldim. Alaıda, bir is­ke yqylas qoısam, sonyń qyr-syryna qanyqqansha tyn­baı­tynymnyń arqasynda shash­tarazdyqty jetik meńgerip aldym deýime bolady. Baıǵanın aýdany Altaı aýylynda týyp-óskenmen, qalaǵa marqum apam Rozaǵa erip erte keldim. Or­ta mektepti támamdaǵan soń ob­lystyq fılarmonııanyń «Qar­lyǵashtar» ansambliniń án­shisi bolǵanym bar. Keıin ata-anam óner salasynda bolýyma qarsy bolyp, odan qol úzdim. Qarap otyrýǵa bolmaıtynyn túsinip «Aısulý» sulýlyq sa­lonynda manıkıýr bolyp ju­mys istedim, keıin osy áıel adam­dardyń shashtarazdyǵyna ma­mandandym. Shyny kerek, me­ni bul kásipke Lılııa Par­ko­va degen orys kelinshegi da­ǵ­dy­landyrdy, – deıdi Sálıma qa­­­ryndasymyz ótkenge oı jibe­rip. Ákesi Naýan men anasy Sókenniń shańyraǵynda tárbıelenip ósken jeti balanyń ortasynan shyqqan Sálıma úı sharýasyn da dóńgelentip jiberedi eken. Ásirese, ol pisirgen manty, palaýdyń dámi til úıiretin kórinedi. Is tigýdi de jany qalaıdy. Bir sát qoly bos otyrmaýǵa daǵdylanǵan onyń áriptesteri arasynda syıly bolýy da sondyqtan. Satybaldy SÁÝIRBAI, «Egemen Qazaqstan». Aqtóbe oblysy.