Qazaqstan Respýblıkasy Bas prokýratýrasynyń buıryǵy  №165 

2015 jylǵy 30 jeltoqsan, Astana qalasy «Qazaqstan Respýblıkasy prokýratýra organdarynda, vedomstvolary men mekemelerinde ótinishtermen jumysty uıymdastyrý jónindegi nusqaýlyqty bekitý  týraly» Qazaqstan Respýblıkasy Bas Prokýrorynyń 2012 jylǵy 20 qańtardaǵy № 4 buıryǵyna ózgerister men tolyqtyrýlar engizý týraly Prokýratýra organdarynda jeke jáne zańdy tulǵalar ótinishterin qaraýdyń sapasy men jedeldigin arttyrý maqsatynda, «Prokýratýra týraly» Qazaqstan Respýblıkasy Zańynyń 11-babynyń 4), 4-1) tarmaqshalaryn basshylyqqa alyp, buıyramyn: 1. «Qazaqstan Respýblıkasy prokýratýra organdarynda, vedomstvolary men mekemelerinde ótinishtermen jumysty uıymdastyrý jónindegi nusqaýlyqty bekitý týraly» Qazaqstan Respýblıkasy Bas Prokýrorynyń 2012 jylǵy 20 qańtardaǵy № 4 buıryǵyna (Normatıvtik quqyqtyq aktilerdi memlekettik tirkeý tiziliminde № 7425 bolyp tirkelgen, «Kazahstanskaıa pravda» № 117-118 gazetinde 2012 jylǵy 26 sáýirde jarııalanǵan) mynadaı ózgerister men tolyqtyrýlar engizilsin: atalǵan buıryqpen bekitilgen Qazaqstan Respýblıkasy prokýratýra organdarynda, vedomstvolary men mekemelerinde ótinishtermen jumysty uıymdastyrý jónindegi nusqaýlyqta: 1-tarmaq mynadaı redaksııada jazylsyn: «1. Qazaqstan Respýblıkasynyń prokýratýra organdarynda, vedomstvolarynda jáne mekemelerinde ótinishtermen jumysty uıymdastyrý jónindegi nusqaýlyq (budan ári – Nusqaýlyq) Qazaqstan Respýblıkasynyń Konstıtýsııasyna, Qazaqstan Respýblıkasynyń 1995 jylǵy 21 jeltoqsandaǵy «Prokýratýra týraly», «Ákimshilik rásimder týraly» 2000 jylǵy 27 qarashadaǵy, «Jeke jáne zańdy tulǵalardyń ótinishterin qaraý tártibi týraly» 2007 jylǵy 12 qańtardaǵy zańdaryna, 2014 jylǵy 4 shildedegi Qylmystyq-prosestik, 2014 jylǵy 5 shildedegi Qylmystyq-atqarý, 2015 jylǵy 31 qazandaǵy Azamattyq prosestik kodeksterine, basqa da zańnamalyq aktilerge sáıkes ázirlendi jáne Qazaqstan Respýblıkasynyń prokýratýra organdarynda, vedomstvolarynda, mekemelerinde (budan ári – organdar) ótinishterdi qaraý máselelerin naqtylaıdy.»; 2-tarmaqtyń birinshi tarmaqshasy mynadaı redaksııada jazylsyn: «1) ótinish - ótinishti qaraıtyn sýbektige nemese laýazymdy tulǵaǵa jiberilgen jeke nemese ujymdyq jazbasha, aýyzsha ne elektrondyq qujat, beınekonferensbaılanys, usynys, aryz, shaǵym, saýal nemese ún qosý;»; 4,5,6-tarmaqtary mynadaı redaksııada jazylsyn: «4. Jasalǵan nemese daıyndalyp jatqan qylmystyq quqyq buzýshylyqtar týraly aryzdar men habarlamalar, qylmystyq is boıynsha óndiristi júrgizýdi júzege asyratyn memlekettik organdar men laýazymdy tulǵalardyń is-áreketteri men sheshimderine beriletin shaǵymdar Qazaqstan Respýblıkasynyń Qylmystyq-prosestik kodeksinde (budan ári – QPK), sondaı-aq QPK-in qoldaný máseleleri jónindegi Qazaqstan Respýblıkasy Bas Prokýrorynyń (budan ári – Bas Prokýror) normatıvtik-quqyqtyq aktilerinde kózdelgen tártipte qaralady. 5. Qylmystyq ister boıynsha, sonyń ishinde jazasyn óteýden shartty túrde merziminen buryn bosatý máseleleri boıynsha, sondaı-aq azamattyq ister jáne ákimshilik quqyq buzýshylyqtar týraly ister boıynsha sot aktilerine narazylyq keltirý týraly shaǵymdar men qoldaýhattar sáıkesinshe QPK-de, Azamattyq prosestik kodeksinde (budan ári – APK) jáne Ákimshilik quqyq buzýshylyq týraly Qazaqstan Respýblıkasynyń kodeksinde kózdelgen prokýratýra organdarynyń ókilettikteri tártipte jáne sheginde qaralady. 6. Qazaqstan Respýblıkasy Prezıdenti Ákimshiliginen kelip túsken ótinishtermen jumys jasaý tártibin 2009 jylǵy 4 maýsymdaǵy №01-30.13qbp. Qazaqstan Respýblıkasy Prezıdenti Ákimshiliginiń qujattarymen Qazaqstan Respýblıkasynyń memlekettik organdarynda jumys isteý Erejesimen aıqyndalady.»; 15-tarmaq mynadaı redaksııada jazylsyn: «15. Iesi búrkemelengen ótinish, eger mundaı ótinishte daıyndalyp jatqan nemese jasalǵan qylmystyq quqyq buzýshylyqtar týraly ne memlekettik nemese qoǵamdyq qaýipsizdikke tónetin qaýip týraly málimetter qamtylǵan jaǵdaılardy qospaǵanda, qaraýǵa jatpaıdy. Mundaı ótinish dereý memlekettik organdarǵa olardyń quzyretterine sáıkes qaraý úshin joldaýǵa jatady.»; 18-tarmaqtyń ekinshi bóligi mynadaı redaksııada jazylsyn: «Bas prokýratýranyń Call-ortalyǵyna kelip túsken jáne onyń Reglamenti talaptaryna saı keletin ótinishter dereý BATJ-da tirkelip, qaraý úshin Bas prokýratýranyń О́tinishterdi qaraý týraly zańdardyń qoldanylýyn qadaǵalaý jáne is júrgizý departamentine, tómengi turǵan prokýratýralarda - osy jumys júktelgen qyzmetkerlerge joldanady.»; 19-tarmaqtyń birinshi bóligi mynadaı redaksııada jazylsyn: «19. Bas Prokýratýranyń ótinishterdi qaraý týraly zańdardyń qoldanylýyn qadaǵalaý jáne is júrgizý departamenti Bas prokýratýraǵa kelip túsken ótinishterdi Bas prokýratýra basshylyǵyna málimdeıdi nemese máseleniń mán-jaıy boıynsha Bas prokýratýranyń qurylymdyq bólimshelerine, qoldaǵy materıaldar men qadaǵalaý is júrgizýleri zerdelene otyryp beriledi.»; 20-tarmaqtyń birinshi bóligi mynadaı redaksııada jazylsyn: «20. Bas Prokýroryna ne ony aýystyratyn tulǵanyń qaraýyna:»; 23-tarmaqmynadaı redaksııada jazylsyn: «23. Bas Prokýratýranyń ótinishterdi qaraý týraly zańdardyń qoldanylýyn qadaǵalaý jáne is júrgizý departamenti: 1) bastapqy ótinishter, sonyń ishinde Qazaqstan Respýblıkasy Parlamentiniń depýtattarynan, laýazym­dy tulǵalarynan (depýtattyq saýaldardan basqa), Qazaqstan Respýblıkasy Úkimetinen, Qaýipsizdik Keńesinen, Konstıtýsııalyq Keńesi men Joǵarǵy Sotynan, basqa ortalyq memlekettik organdardan kelip túsken aqparat joldaýdy talap etpeıtin jáne tómen turǵan prokýratýralarǵa, aýmaqtylyq ne vedomstvolyq baǵynystylyǵy boıynsha basqa vedomstvolarǵa joldanatyn ótinishterdi. Bastapqy ótinishterdiń barlyǵy Bas prokýratýraǵa túsken sátten úsh jumys kúninen keshiktirilmeı tıisti tómen turǵan prokýratýralarǵa nemese vedomstvolarǵa qaraý úshin joldanyp, ol jaıynda ótinish berýshige jazbasha habarlanady; 2) oblys prokýrorynyń, oǵan teńestirilgen prokýrordyń jaýaby qosa tirkelmegen tulǵadan sol bir másele boıynsha kelip túsken qaıtalama ótinishterdi. Oblys prokýrorynyń, oǵan teńestirilgen prokýrordyń jaýaby qosa tirkelmeı kelip túsken qaıtalama ótinishter Bas prokýratýraǵa kelip túsken sátten bastap úsh jumys kúninen keshiktirmeı birinshi basshynyń nemese ony aýystyratyn tulǵanyń qoly qoıylyp, olardy qaraýdyń nátıjeleri týraly habarlaýdy berý talabymen tıisti prokýratýralarǵa qaraý jáne jaýap berý úshin joldanady. Aryzdanýshy ótinishte oblys prokýrorynyń nemese ony aýystyratyn tulǵanyń jaýabyn alǵandyǵy týraly kórsetken jaǵdaıda, ótinish aldyn ala BATJ-da jaýaptyń is júzinde bary tekserilgennen keıin ǵana tómen turǵan prokýratýraǵa joldaýǵa jatady. Eger oblys prokýrorynyń, oǵan teńestirilgen prokýrordyń nemese ony aýystyratyn tulǵanyń jaýaby bar bolsa, ótinish Bas prokýratýrada qaraýǵa jatady; 3) QPK-niń 423, 488-baptarynyń, APK-niń 441, 436-baptarynyń talaptaryna sáıkes kelmeıtin qylmystyq jáne azamattyq ister boıynsha kassasııalyq narazylyq keltirý týraly qoldaýhattar. Eger qylmystyq jáne azamattyq ister boıynsha kassasııalyq narazylyq keltirý týraly qoldaýhattar QPK-niń 423, 488-baptarynyń jáne APK-niń 441-babynyń talaptaryna sáıkes kelmeıtin bolsa, ol tıisinshe QPK-niń 489-babynda, APK-niń 442-babynda belgilengen tártipke sáıkes qaraýsyz keri qaıtarylady. Bul rette, kassasııalyq narazylyq keltirý týraly qoldaýhat bergen tulǵaǵa, qoldaýhatty keri qaıtarý úshin negiz bolǵan kemshilikterdi joıǵannan keıin, Bas prokýratýraǵa qaıtalama ótinish joldaý nemese tikeleı Joǵarǵy Sotqa sot aktilerin kassasııalyq tártipte qaıta qaraý týraly ótinish berý quqyǵy túsindiriledi. APK-niń 436-babynyń 1-bóligimen jáne QPK-niń 487-babymen kózdelgen kassasııalyq narazylyq keltirý merzimderi ótip ketken sot aktilerine kassasııalyq narazylyq keltirý týraly qoldaýhattar, tıisinshe zańdy túsindire otyryp qaraýsyz keri qaıtarylady; 4) ótinishterdi qaraý jáne jeke tulǵalar men zańdy tulǵalardyń ókilderin prokýratýra organdarynda qabyldaý tártibi týraly zańnamany túsindirýdi talap etetin ótinishterdi qaraıdy. Osy tarmaqtyń 1), 2) tarmaqshalarynyń ekinshi bólikterimen kózdelgen talaptar, Bas prokýratýranyń qurylymdyq bólimshelerine, prokýratýranyń vedomstvolary men mekemelerine, oblys jáne olarǵa teńestirilgen prokýratýralaryna túsken, osyndaı sıpattaǵy ótinishterge qoldanylady. Úlken qoǵamdyq rezonansqa ıe bolǵan azamattardyń konstıtýsııalyq quqyqtary men bostandyqtaryn buzý týraly, memlekettiń, adamdar tobynyń jáne jekelegen azamattardyń múddelerin qozǵaıtyn, túrli teris zardaptarǵa ákep soǵýy múmkin máseleler boıynsha, sondaı-aq Bas Prokýrordyń jáne onyń orynbasarlarynyń tapsyrmalary bar bastapqy ótinishter Bas prokýratýranyń qurylymdyq bólimshelerine joldanýy tıis. Osy ótinishterdi keıin qaraý úshin tómengi turǵan prokýratýralarǵa joldaýǵa jol berilmeıdi. Osy tarmaqshanyń 3 jáne 4-tarmaqtarynda kózdelgen talaptar prokýratýra organdary men mekemelerine, oblys jáne olarǵa teńestirilgen prokýratýralaryna túsken ótinishterge qoldanylady.»; mynadaı mazmundaǵy 26-1-tarmaqpen tolyqtyrylsyn: «26-1. О́tinishterdi qaraý boıynsha 19, 21-22, 24-26-tarmaqtarynda kózdelgen talaptar prokýratýranyń vedomstvolary men mekemelerine kelip túsken ótinishterine qatysty qoldanylady.»; mynadaı mazmundaǵy 53-1-tarmaqshamen tolyqtyrylsyn: «53-1. Sotqa deıingi tergep-tekserýdi júzege asyratyn tulǵalardyń, prokýrordyń is-áreketterine (áreketsizdigine) jáne sheshimderine berilgen jeke jáne zańdy tulǵalardyń jaýaptaryna qol qoıý tártibi QPK jáne Bas Prokýrordyń QPK qoldaný máseleleri jónindegi normatıvtik quqyqtyq aktilerimen retteledi.»; 54-tarmaqtyń 3), 4), 5), 6), 7), 8) tarmaqshalary mynadaı redaksııada jazylsyn: «3) Bas prokýratýra qurylymdyq bólimsheleriniń basshylary nemese ony aýystyratyn tulǵalar: baǵynyshty qyzmetkerleriniń sheshimderine jáne (nemese) is-áreketterine (áreketsizdikterine) shaǵym berý týraly, qanaǵattandyrýdan bas tartý týraly sheshim qabyldanǵan ótinishterdi qospaǵanda; túsindirý sıpatyndaǵy ótinishterge; osy tarmaqtyń 1), 2) tarmaqshalarynda kózdelgen jaǵdaılardan basqa ótinishterge jaýap beredi; 4) tarmaqsha alynyp tastalsyn; 5) oblys prokýrorlary jáne olarǵa teńestirilgen prokýrorlar, Bas prokýratýranyń mekemeleri men vedomstvolarynyń basshylary, nemese olardy aýystyratyn tulǵalar: olardyń orynbasarlarynyń sheshimderine jáne (nemese) is-áreketterine (áreketsizdikterine) shaǵym berý týraly, onyń ishinde, olardyń orynbasarlarynyń qolymen jaýap berilgen aldyńǵy ótinishterge qatysty máseleleler boıynsha; Qazaqstan Respýblıkasynyń Prezıdenti Ákimshiliginen, Parlamentinen, Úkimetinen, Bas prokýratýradan jáne basqa ortalyq organdardan túsken, qaralý nátıjeleri boıynsha aqparat joldaýdy talap etetin; buryn aýdan prokýrory nemese oǵan teńestirilgen prokýror jaýap bergen aldyńǵy ótinishterge qatysty; eger qaraý nátıjeleri boıynsha olardy qanaǵattandyrýdan bas tartý týraly sheshim qabyldansa; osy tarmaqtyń 1) - 3) tarmaqshalarynda kózdelgen jaǵdaılardan basqa ótinishterge jaýap beredi; 6) oblys prokýrorlary men olarǵa teńestirilgen prokýrorlardyń, Bas prokýratýra vedomstvolary men mekemeleri basshylarynyń orynbasarlary: oblystyq prokýratýralardyń jáne olarǵa teńestirilgen prokýratýralardyń, Bas prokýratýranyń vedomstvolary men mekemeleriniń baǵynyshty qyzmetkerleriniń sheshimderine jáne (nemese) is-áreketterine (áreketsizdigine) shaǵym berý týraly, qanaǵattandyrýdan bas tartý týraly sheshim qabyldanǵan ótinishterdi qospaǵanda; túsindirý sıpattaǵy; osy tarmaqtyń 1) - 5) tarmaqshalarynda kózdelgen jaǵdaılardan basqa ótinishterge jaýap beredi; 7) aýdan prokýrorlary men olarǵa teńestirilgen prokýrorlar nemese olardy aýystyratyn tulǵalar: aýdan prokýrorlary, olarǵa teńestirilgen prokýrorlardyń orynbasarlary men baǵynyshty qyzmetkerlerdiń sheshimderine jáne (nemese) is-áreketterine (áreketsizdikterine) shaǵym berý týraly; eger qaraý nátıjeleri boıynsha olardy qanaǵattandyrýdan bas tartý týraly sheshim qabyldansa; túsindirý sıpattaǵy; osy tarmaqtyń 1) - 6) tarmaqshalarynda kózdelgen jaǵdaılardan basqa ótinishterge jaýap beredi; 8) ótinishti tikeleı sheshetin laýazymdy tulǵa: ótinishtiń qanaǵattandyrylǵany týraly jaýap beredi.»; 7-taraý mynadaı redaksııada jazylsyn: «7. О́zge erejeler 55. О́tinishterdi, depýtattyq saýaldardy qaraý nátıjeleri ár qurylymdyq bólimshe esebiniń negizi bolyp tabylatyn ótinishter boıynsha júrgizilgen elektrondyq tirkeý kartochkasynda kórsetiledi. Kartochkalardy oryndaýshylar toltyrady, olar kartochkada kórsetiletin málimetterdiń dáıektiligine tolyq jaýapty beredi. О́tinishter boıynsha esep berý – ótinishter men depýtattyq saýaldardy sheshýmen tikeleı aınalysatyn qurylymdyq bólimshelerge júkteledi. 56. Jeke jáne zańdy tulǵalardyń ótinishterimen jumystyń jaı-kúıin taldaýdy Bas prokýratýranyń qurylymdyq bólimsheleri, prokýratýranyń vedomstvolary men mekemeleri, oblys prokýratýralary men olarǵa teńestirilgen prokýratýralar toqsan saıyn júrgizedi. Taldaý nátıjeleri týraly Bas prokýratýranyń О́tinishterdi qaraý týraly zańdardyń qoldanylýyn qadaǵalaý jáne is júrgizý departamenti taldanatyn toqsannan keıingi aıdyń 5-ine deıin habardar etiledi. 57. О́tinishtermen jumys júrgizýdiń uıymdastyrylýyna prokýratýra organdardyń, vedomstvolary men mekemeleriniń birinshi basshylary jeke jaýap beredi. О́tinishterdiń der kezinde jáne sapaly qaralýyna, olarǵa jaýap berý tártibiniń saqtalýyna, ótinishter boıynsha eseptiń durys jasalýyna tıisti baqylaý jasaý jaýapkershiligi Bas prokýratýranyń qurylymdyq bólimsheleri, organdary, vedomstvolary men mekemeleriniń basshylaryna júkteledi. О́ndirisine ótinish kelip túsken laýazymdy tulǵa onyń sapaly ári der kezinde qaralýyna jeke jaýap beredi.». 2. Osy buıryqtyń oryndalýyn baqylaý Bas prokýratýranyń qurylymdyq bólimsheleriniń, vedomstvolary men mekemeleriniń basshylaryna, oblystardyń jáne olarǵa teńestirilgen prokýrorlarǵa júktelsin. 3. Bas Prokýratýranyń ótinishterdi qaraý týraly zańdardyń qoldanylýyn qadaǵalaý jáne is júrgizý departamentiniń bastyǵyna buıryq joldansyn: 1) Qazaqstan Respýblıkasynyń Ádilet mınıstrligine memlekettik tirkeý úshin; 2) baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa; 3) Bas Prokýrordyń orynbasarlaryna, Bas prokýratýranyń qurylymdyq bólimshelerine, vedomstvolary men mekemelerine, Bas áskerı prokýrorǵa, Bas kólik prokýroryna, Astana, Almaty qalalarynyń, oblystardyń prokýrorlaryna oryndaý úshin. 4. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasynyń Bas Prokýrory A.DAÝYLBAEV Buıryq Qazaqstan Respýblıkasynyń Ádilet mınıstrliginde 2016 jylǵy 11 aqpanda Normatıvtik quqyqtyq kesimderdi memlekettik tirkeýdiń tizilimine №13049 bolyp engizildi.