Qazaqstan Respýblıkasynyń Ishki ister mınıstrliginiń buıryǵy  №66

2015 jylǵy 28 qańtar, Astana qalasy Beıbit ýaqytta azamattyq qorǵanys áskerı bólimderin qoldaný qaǵıdalaryn bekitý týraly «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańy 12-babynyń 70-10) tarmaqshasyna sáıkes buıyramyn: 1. Qosa berilip otyrǵan Beıbit ýaqytta azamattyq qorǵanys áskerı bólimderin qoldaný qaǵıdalary bekitilsin. 2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti (V.V. Petrov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) memlekettik tirkelgennen keıin kúntizbelik on kún ishinde onyń merzimdi baspa basylymynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin. 3. Buıryqtyń oryndalýyn baqylaýdy ózime qaldyramyn. 4. Osy buıryq birinshi resmı jarııalanǵan kúnnen bastap kúntizbelik on kún ótkennen keıin qoldanysqa engiziledi. Mınıstr Q.QASYMOV. Qazaqstan Respýblıkasy Ishki ister mınıstriniń 2015 jylǵy 28 qańtardaǵy № 66 buıryǵymen bekitilgen Beıbit ýaqytta azamattyq qorǵanys áskerı bólimderin qoldaný qaǵıdalary 1. Jalpy erejeler 1. Osy Beıbit ýaqytta Qazaqstan Respýblıkasy Ulttyq ulanynyń azamattyq qorǵanys áskerı bólimderin qoldaný qaǵıdalary (budan ári - Qaǵıdalar) «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańy 12-babynyń 70-10) tarmaqshasyna sáıkes ázirlendi jáne beıbit ýaqytta azamattyq qorǵaý is-sharalaryn oryndaý úshin Qazaqstan Respýblıkasy Ulttyq ulanynyń azamattyq qorǵanys áskerı bólimderin (budan ári – azamattyq qorǵanys áskerı bólimderi) qoldaný tártibin aıqyndaıdy. 2. Beıbit ýaqytta azamattyq qorǵanys áskerı bólimderiniń negizgi mindetteri: Qazaqstan Respýblıkasynyń aýmaǵynda tótenshe jaǵdaılardy joıý; jaýyngerlik, jumyldyrý jáne saıası daıarlyqty uıymdastyrý; tótenshe jaǵdaılar aımaqtarynda halyqtyń tynys-tirshiligin qamtamasyz etý boıynsha jumystardy oryndaý; tótenshe jaǵdaılardyń aldyn alýǵa baǵyttalǵan is-sharalarǵa qatysý; ýákiletti organnyń qaramaǵyndaǵy basqarý pýnktterin kúzetýdi jáne oǵan qyzmet kórsetýdi qamtamasyz etý; tótenshe jaǵdaılar aımaqtaryna, onyń ishinde shet eldik memleketterge jetkiziletin júkterdi tasymaldaý, birge alyp júrý jáne kúzetý; jumyldyryp óristetýge daıyndyq jáne jaýyngerlik ázirliktke keltirý jónindegi is-sharalardy júzege asyrý; oqý obektilerin, polıgondardy turaqty ázirlikte ustaý; ýákiletti organnyń jedel rezervin ustaý bolyp tabylady. 3. Beıbit ýaqytta azamattyq qorǵanys áskerı bólimderi júktelgen mindetterine sáıkes: 1) zardap shekkenderdi zaqymdalǵan, janyp jatqan ǵımarattar men qurylystardan, gazdalǵan, sý basqan jáne tútindegen úı-jaılardan izdeý jáne alyp shyǵý (shyǵaryp alý); 2) zardap shekkenderge alǵashqy medısınalyq kómek kórsetý jáne olardy qaýipsiz aýdandarǵa evakýasııalaý; 3) adamdardyń (zardap shekkenderdiń) ómiri men densaýlyǵyn saqtap qalý úshin qajetti jaǵdaı jasaý; 4) tabıǵı jáne tehnogendik sıpattaǵy tótenshe jaǵdaılar aımaǵynan materıaldyq, mádenı qundylyqtardy qutqarý (evakýasııalaý); 5) tabıǵı jáne tehnogendik sıpattaǵy tótenshe jaǵdaılardy joıý kezinde jedel shtabtardy aqparattyq almasýdyń barlyq túrimen qamtamasyz etý; 6) azamattyq qorǵanys kúshteri men quraldaryn engizý baǵyttaryn jabdyqtaý; 7) buzylý qaýpi bar nemese avarııalyq-qutqarý jumystaryn qaýipsiz júrgizýge kedergi keltiretin ǵımarattar men qurylystardyń konstrýksııalaryn nyǵaıtý nemese qıratý; 8) kommýnaldyq-energetıkalyq jelilerdiń jekelegen ýchaskelerin qalpyna keltirý; 9) birinshi kezekte halyqtyń tynys-tirshiligi, aýmaqty sanıtarııalyq tazalaý úshin múlikterdi jetkizý; 10) tótenshe jaǵdaılar aımaqtarynda halyqtyń tynys-tirshiligin qamtamasyz etý jónindegi jumystardy oryndaý; 11) zaqymdalǵan ǵımarattar men qurylystardy olarda zardap shekkenderdi ýaqytsha ornalastyrý úshin jáne avarııalyq-qutqarý jumystaryn júrgizýge baılanysty basqa da maqsattar úshin ishinara qalpyna keltirý; 12) tótenshe jaǵdaılar aımaǵynan evakýasııalanǵan zardap shekken halyq (múmkin bosqyndar) úshin lagerlerdi óristetý; 13) tótenshe jaǵdaılardyń saldaryn joıýǵa qatysý; 14) jaýapty aımaqtarda tabıǵı jáne tehnogendik sıpattaǵy tótenshe jaǵdaılardyń aldyn alýǵa baǵyttalǵan is-sharalarǵa qatysý; 15) jaýyngerlik, jumyldyrý jáne saıası daıarlyqty uıymdastyrý; 16) ýákiletti organnyń qaramaǵyndaǵy azamattyq qorǵanys basqarý pýnktterin kúzetýdi jáne olarǵa qyzmet kórsetýdi qamtamasyz etý; 17) tabıǵı jáne tehnogendik sıpattaǵy tótenshe jaǵdaılar aımaǵyna, onyń ishinde sheteldik memleketterge jetkiziletin gýmanıtarlyq júkterdi tasymaldaý; 18) jumyldyryp óristetýge daıyndyq jáne jaýyngerláik ázirlikke keltirý jónindegi is-sharalardy júzege asyrý; 19) azamattyq qorǵanys boıynsha oqý obektilerin, polıgondardy turaqty ázirlikte ustaý; 20) azamattyq qorǵanys áskerı bólimderin, ýákiletti organnyń jedel rezervin óristetý jáne avarııalyq-qutqarý ári kezek kúttirmeıtin jumystardy júrgizýge arnalǵan qarý-jaraqty, tehnıkany, materıaldyq-tehnıkalyq quraldardy jınaqtaý, saqtaý jáne ýaqtyly jańalaý; 21) baılanys jelilerin jáne basqa da mańyzdy baılanys ınfraqurylymynyń elementterin qalpyna keltirýge baılanysty jekelegen mindetterdi oryndaýǵa qatysý; 22) Qazaqstan Respýblıkasy Premer-Mınıstri – Qazaqstan Respýblıkasy Azamattyq qorǵanys bastyǵynyń, Qazaqstan Respýblıkasy Ishki ister mınıstri – Qazaqstan Respýblıkasynyń Azamattyq qorǵanys bastyǵy orynbasarynyń basqarý pýnktterin ustaý jáne jumys isteýi; 23) avarııalyq-qutqarý, kezek kúttirmeıtin jumystardy júrgizý kezinde jáne gýmanıtarlyq júkterdi alyp júrý kezinde tabıǵı jáne tehnogendik sıpattaǵy tótenshe jaǵdaılardy joıý jónindegi respýblıkalyq jedel shtabtyń baılanysyn qamtamasyz etý; 24) azamattyq qorǵaý máseleleri boıynsha jergilikti atqarýshy organdardyń mindetterin sheshýge katysý úshin qoldanylady. 4. Beıbit ýaqytta azamattyq qorǵanys áskerı bólimderi kúndelikti qyzmet, joǵary ázirlik jáne tótenshe jaǵdaılar rejımderinde jumys isteıdi. 5. Azamattyq qorǵaý is-sharalaryna azamattyq qorǵanys áskerı bólimderin qoldaný týraly sheshimdi Qazaqstan Respýblıkasynyń Ishki ister mınıstri (budan ári – Mınıstr) qabyldaıdy. 6. Mınıstrdiń sheshimi boıynsha azamattyq qoǵanys áskerı bólimderiniń bólimsheleri Qazaqstan Respýblıkasy Ishki ister mınıstrliginiń Tótenshe jaǵdaılar komıteti (budan ári – TJK) tóraǵasynyń jedel baǵynysyna beriledi. 7. TJK tóraǵasy azamattyq qorǵanys áskerı bólimderin tabıǵı jáne tehnogendik sıpattaǵy tótenshe jaǵdaılardy joıý basshysynyń nemese tabıǵı jáne tehnogendik sıpattaǵy tótenshe jaǵdaılardyń aldyn alý jónindegi jumystar basshysynyń qaramaǵyna aýysýǵa tıisti ókim berýge quqyǵy bar. 2. Azamattyq qorǵanys áskerı bólimderiniń kúndelikti qyzmet rejımindegi jumysy 8. Azamattyq qorǵanys áskerı bólimderi kúndelikti qyzmet rejıminde mynadaı is-sharalardy júrgizedi: 1) tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl (ózara is-qımyl) josparlaryn ázirleý; 2) jaýyngerlik, jumyldyrý jáne saıası daıarlyqty, onyń ishinde áskerı bólimderdiń qyzmetin moraldyq-psıhologııalyq qamtamasyz etýge baǵyttalǵan ıdeologııalyq jumysty jáne arnaıy nasıhatty uıymdastyrý; 3) azamattyq qorǵaý salasyndaǵy ýákiletti organnyń qaramaǵyndaǵy basqarý pýnktterin kúzetýdi jáne olarǵa qyzmet kórsetýdi qamtamasyz etý; 4) azamattyq qorǵanys jónindegi oqý obektilerin, polıgondardy turaqty ázirlikte ustaý; 5) ýákiletti organnyń jedel rezervin ustaý jáne oǵan qyzmet kórsetý; 6) azamattyq qorǵaý salasyndaǵy álýetti qurylymdardyń, ýákiletti organ vedomstvosynyń jáne onyń aýmaqtyq bólimsheleriniń baılanys toraptarymen ózara is-qımyl jasasýyn qamtamasyz etý. 9. Azamattyq qorǵanys áskerı bólimderi tabıǵı jáne tehnogendik sıpattaǵy tótenshe jaǵdaılardyń aldyn alýǵa baǵyttalǵan is-sharalarǵa qatysa otyryp, mynalardy: 1) tabıǵı jáne tehnogendik sıpattaǵy tótenshe jaǵdaılar týyndaǵan jaǵdaıda keltiriletin zııan men materıaldyq shyǵyndy azaıtýdy qamtamasyz etetin jumystardy; 2) qutqarýshylardy avarııalyq-qutqarý jumystaryn júrgizýge daıyndaýdy jetildirý boıynsha avarııalyq-qutqarý qyzmetteri jáne quralymdarymen birlesken oqý-jattyǵýlar, jattyǵýlar, dalalyq shyǵýlar men sabaqtar júrgizýge qatysýdy júzege asyrady. 3. Azamattyq qorǵanys áskerı bólimderiniń joǵary ázirlik rejımindegi jumysy 10. Azamattyq qorǵanys áskerı bólimderi joǵary ázirlik rejıminde mynadaı is-sharalardy júrgizedi: 1) tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl (ózara is-qımyl) josparlaryn túzetý; 2) qajet bolǵan jaǵdaıda basqarý pýnktterine táýlik boıǵy kezekshilik engizý; 3) tótenshe jaǵdaılardy joıýǵa qatysatyn kúshter men quraldardy tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl (ózara is-qımyl) josparyna sáıkes ázirlikke keltirý, al qajet bolǵan kezde (komanda boıynsha) yqtımal tótenshe jaǵdaılar aımaǵyna kúshter men quraldardy jyljytý; 4) tabıǵı jáne tehnogendik sıpattaǵy tótenshe jaǵdaılardyń aldyn alý týyndaǵan jaǵdaıda keltiriletin zııan men shyǵynnyń mólsherin azaıtý boıynsha jedel sharalardy qabyldaýǵa qatysý, sondaı-aq tabıǵı jáne tehnogendik sıpattaǵy tótenshe jaǵdaılarda obektilerdiń turaqty jáne qaýipsiz jumys isteýin arttyrýǵa qatysý; 5) eger buryn toltyrylmaǵan bolsa, Ishki ister mınıstrliginiń jedel rezervin toltyrý; 6) qajet bolǵan jaǵdaıda evakýasııalyq is-sharalardy júrgizý; 7) Qazaqstan Respýblıkasy Ishki ister mınıstriniń sheshimi boıynsha Qazaqstan Respýblıkasynyń Premer-Mınıstri – Qazaqstan Respýblıkasy Azamattyq qorǵanys bastyǵynyń, Qazaqstan Respýblıkasy Ishki ister mınıstri – Azamattyq qorǵanys bastyǵy orynbasarynyń mobıldi basqarý pýnktteriniń baılanys toraptaryn óristetý. 4. Azamattyq qorǵanys áskerı bólimderiniń tótenshe jaǵdaılar rejımindegi jumysy 11. Azamattyq qorǵanys áskerı bólimderi tótenshe jaǵdaılar rejıminde mynadaı is-sharalardy júrgizedi: 1) tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl josparlaryn qoldanysqa engizý (iske asyrý, oryndaý) jáne olardy túzetý, týyndaǵan tabıǵı jáne tehnogendik sıpattaǵy tótenshe jaǵdaılardyń jáne olardyń saldarynyń damýyn boljaý; 2) tótenshe jaǵdaılar aımaǵynda avarııalyq-qutqarý jumystaryn uıymdastyrý, jumystardyń ahýaly jáne ony júrgizý barysy týraly aqparat jınaý, taldaý jáne almasý; 3) tabıǵı jáne tehnogendik sıpattaǵy tótenshe jaǵdaılar kezinde halyqtyń tynys-tirshiligin qamtamasyz etý jónindegi is-sharalardy júrgizýge qatysý. 12. Tabıǵı jáne tehnogendik sıpattaǵy tótenshe jaǵdaılardy joıý kezinde azamattyq qorǵanys áskerı bólimderi avarııalyq-qutqarý jáne kezek kúttirmeıtin jumystardy júrgizedi jáne: 1) tótenshe jaǵdaılar aımaqtarynda jáne avarııalyq-qutqarý jumystaryn júrgizý obektilerinde zardap shekkenderdi izdeýdi; 2) zardap shekkenderdi qorshaýdan shyǵarýdy jáne ómirin saqtap qalýǵa jaǵdaı jasaı otyryp, olardy qorshaýda qalǵan jerlerden qaýipsiz aýdandarǵa evakýasııalaýdy; 3) zardap shekkenderge alǵashqy medısınalyq kómek kórsetýdi; 4) materıaldyq jáne mádenı qundylyqtardy qutqarý boıynsha áreket etýdi; 5) qorshaǵan ortany qorǵaý jónindegi is-sharalardy; 6) arnaıy jáne qosymsha jumystardy oryndaýdy: úıindilerge ótetin joldardy (ótpelerdi) salýdy, kommýnaldyq-energetıkalyq jelilerdegi avarııalardy oqshaýlaýdy, qulaý qaýpi bar jáne jumystardy qaýipsiz júrgizýge kedergi keltiretin ǵımarattar men úıindi elementteriniń konstrýksııalaryn qulatýdy nemese nyǵaıtýdy, buzylǵan ǵımarattardyń úıindilerindegi órtterdi sóndirýdi; jumys oryndary men alańdaryn jaryqtandyrýdy, qaýipti aımaqtardy, jumys oryndaryn jáne alańdardy qorshaýdy; 7) tótenshe jaǵdaılardyń saldaryn joıýdy, aımaqtaryn oqshaýlaýdy júzege asyrady; 8) Qazaqstan Respýblıkasynyń Premer-Mınıstri – Azamattyq qorǵanys bastyǵynyń basqarý organy janyndaǵy mobıldi basqarý pýnktiniń baılanys toraptarynyń jumysyn uıymdastyrý, ol mynalardan: Qazaqstan Respýblıkasynyń Premer-Mınıstri - Azamattyq qorǵanys bastyǵynyń, Qazaqstan Respýblıkasynyń Ishki ister mınıstri - Azamattyq qorǵanys bastyǵy orynbasarynyń avtomattandyrylǵan jumys jáne demalý oryndaryn uıymdastyrýdan jáne qamtamasyz etýden; barlyq baılanys túrlerimen qamtamasyz etýden; Qazaqstan Respýblıkasynyń Qaýipsizdik Keńesine tótenshe jaǵdaılar aımaǵynan derekterdi (sýret, beıne) berýden; avarııalyq-qutqarý jáne kezek kúttirmeıtin jumystardy júrgizý, gýmanıtarlyq júkterdi alyp júrý kezinde baılanyspen qamtamasyz etýden turady. 5. Azamattyq qorǵanys áskerı bólimderin tótenshe jaǵdaılardyń týyndaý qateri kezinde basqarý 13. Tabıǵı jáne tehnogendik sıpattaǵy tótenshe jaǵdaılardyń týyndaý qateri, azamattyq qorǵaýdyń memlekettik júıesi jumysynyń joǵary ázirlik rejımin engizý kezinde, TJK tóraǵasy Qazaqstan Respýblıkasy Ulttyq ulany Bas qolbasshysynyń (budan ári – UU) kelisimi boıynsha Mınıstrge azamattyq qorǵanys áskerı bólimderin TJK tóraǵasynyń jedel baǵynysyna aýystyrý týraly baıanat engizedi. 14. Baıanatta azamattyq qorǵanys áskerı bólimderin nemese onyń jedel baǵynysqa aýysatyn jekelegen bólimshelerin aýystyrý sebebi, yqtımal tótenshe jaǵdaılardyń jáne onyń aımaǵynyń túrleri, ataýy, jeke quram men tehnıkanyń sany, olardyń mindetteri kórsetiledi. 15. Mınıstrdiń qararyna (sheshimi) sáıkes UU Bas qolbasshysy azamattyq qorǵanys áskerı bólimderiniń bólimshelerin jedel baǵynysqa aýystyrý týraly tıisti ókim beredi, onda azamattyq qorǵanys áskerı bólimderiniń nemese onyń jekelegen bólimsheleriniń ataýy, jeke quram men tehnıkanyń sany, olardyń mindetteri kórsetiledi. 16. UU Bas qolbasshysynyń tıisti ókimin berý UU áskerlerin basqarý ortalyǵynyń jedel kezekshileri jáne TJK Respýblıkalyq daǵdarys ortalyǵynyń jedel kezekshileri arqyly júrgiziledi. 17. Jedel baǵynysqa berilgen bólimshe komandıri kún saıyn UU Bas qolbasshysyna jáne TJK tóraǵasyna atqarylǵan is-sharalar týraly UU áskerlerin basqarý ortalyǵynyń jáne TJK Respýblıkalyq daǵdarys ortalyǵynyń jedel kezekshileri arqyly baıandaıdy. 6. Azamattyq qorǵanys áskerı bólimderin tótenshe jaǵdaılar týyndaǵan kezde basqarý 18. Tabıǵı jáne tehnogendik sıpattaǵy tótenshe jaǵdaılar týyndaǵan, azamattyq qorǵaýdyń memlekettik júıesi jumysynyń joǵary ázirlik rejımin engizý kezinde TJK tóraǵasy eger buryn áskerı bólimder jedel baǵynysqa aýyspaǵan bolsa, azamattyq qorǵanys áskerı bólimderin Mınıstrdiń jáne UU Bas qolbasshysynyń aýyzsha kelisimi boıynsha odan ári Mınıstrge baıanat engize otyryp, óziniń qolbasshylyǵyna alady. 19. Baıanatta azamattyq qorǵanys áskerı bólimderin nemese onyń jedel baǵynysqa aýysqan jekelegen bólimshelerin aýystyrý sebebi, yqtımal tótenshe jaǵdaılardyń jáne onyń aımaǵynyń túrleri, ataýy, jeke quram men tehnıkanyń sany, olardyń mindetteri kórsetiledi. 20. Mınıstrdiń qararyna (sheshimi) sáıkes UU Bas qolbasshysy azamattyq qorǵanys áskerı bólimderi bólimshelerin jedel baǵynysqa aýystyrý týraly tıisti ókim beredi, onda azamattyq qorǵanys áskerı bólimderiniń nemese onyń jeke bólimsheleriniń ataýy, jeke quram men tehnıkanyń sany, olardyń mindetteri kórsetiledi. 21. UU Bas qolbasshysynyń tıisti ókimin berý UU áskerlerin basqarý ortalyǵynyń jedel kezekshileri jáne TJK Respýblıkalyq daǵdarys ortalyǵynyń jedel kezekshileri arqyly júrgiziledi. 22. Azamattyq qorǵanys áskerı bólimderi tótenshe jaǵdaılar aımaǵynda tótenshe jaǵdaılardy joıý basshysynyń jedel baǵynysyna jáne onyń sheshimimen qurylǵan jedel shtabqa kelip túsedi. 23. Avarııalyq-qutqarý jáne kezek kúttirmeıtin jumystardy júrgizý kezinde azamattyq qorǵanys áskerı bólimderi jeke quramynyń qyzmet rejımi men jumys kúniniń uzaqtyǵyn, olardy júrgizý erekshelikterin, sanıtarııalyq qaǵıdalar men gıgıenalyq normalardy eskere otyryp, tabıǵı jáne tehnogendik sıpattaǵy tótenshe jaǵdaılardy joıý basshysy belgileıdi. 24. Jedel baǵynysqa berilgen bólimshe komandıri atqarylǵan is-sharalar týraly UU Bas qolbasshysyna jáne TJK tóraǵasyna UU áskerlerin basqarý ortalyǵynyń jáne TJK Respýblıkalyq daǵdarys ortalyǵynyń jedel kezekshileri arqyly baıandaıdy. 25. Azamattyq qorǵanys áskerı bólimderiniń aýysýyn jáne avarııalyq-qutqarý jumystarynyń júrgizilýin baqylaýdy odan ári UU Bas qolbasshysyna baıanatpen baıandaı otyryp, Qazaqstan Respýblıkasy Ulttyq ulanynyń О́ńirlik qolbasshysy júrgizedi. Buıryq Qazaqstan Respýblıkasynyń Ádilet mınıstrliginde 2015 jylǵy 5 naýryzda Normatıvtik quqyqtyq kesimderdi memlekettik tirkeýdiń tizilimine №10390 bolyp engizildi.