Ǵalymdar zıka bezgeginiń qursaqtaǵy balaǵa qalaı áser etetinin anyqtady

ASTANA. 5 naýryz. AQSh ǵalymdary zıka bezgeginiń saldarynan sábıge beriletin mıkrosefalııanyń qalaı júzege asatynyn anyqtady. Bul týrly TASS aqparat agenttigine silteme jasaǵan egemen.kz tilshisi habarlady. Ǵalymdar zertteý jumystary kezinde vırýs bas mı jasýshasynyń qabyǵyn zaqymdaıtynyn anyqtady. Osynyń saldarynan mańyzdy jasýshalar joıylady. «Bizdiń anyqtaǵanymyz shyndyqqa saı keledi. Alǵash bolyp bul isti biz anyqtadyq. Vırýstyń mańyzdy jasýshalarǵa zııan tıgizetini belgili boldy», – dedi Florıda memlekettik ýnıversıtetiniń mamany Henglı Tang. Búginde zıka bezgegin juqtyrǵan júkti áıelderden mıkrosefalııa aýrýymen dúnıege kelgen sábıler kóbeıip bara jatyr. Mıkrosefalııanyń zııanyn anyqtaǵanymen, onyń qalaı júzege asatyny belgisiz bolatyn. Florıda ýnıversıtetiniń, Djon Hopkıns atyndaǵy ýnıversıtettiń jáne Emorı ýnıversıtetiniń ǵalymdary arnaıy laboratorııada tájirıbe jumystaryn júrgizdi. Zertteýdiń nátıjeleri ǵylymı Cell Stem Cell basylymynda jarııalandy. Zıka bezgegi – maımyldardyń juqpaly aýrýy bolyp esepteledi. Adamdar arasyna masalar arqyly taraıdy. Aıan Ábdýálı. Derek, sýret: TASS.