ASTANA. 8 naýryz. Búgin Astanadaǵy «Astana Arena» stadıonynda fýtboldan Qazaqstan Sýperkýbogy úshin match ótti. Jergilikti «Astana» men Almatynyń «Qaıraty» arasyndaǵy kezdesý tartysqa toly boldy. Nátıjesinde oıyn sońyndaǵy penaltı boıynsha «Qaırat» 5:4 esebimen jeńiske jetip, Sýperkýbokty ıemdendi. Bul týraly egemen.kz tilshisi habarlady.
Oıynnyń alǵashqy mınýttarynan bastap basymdyqqa ıe bolǵan «Astana» oıynshylary birinshi taımda birneshe joıqyn shabýyl uıymdastyrdy. О́z kezeginde «Qaırat» fýtbolshylary da qarymta shabýyldarǵa shyǵyp, qarsylastar qaqpasyn nysanaǵa alǵan bolatyn. Alaıda, úziliske deıin esep ashylǵan joq.
Ekinshi taımda da komandalarda esep ashatyn tamasha múmkindikter bolǵanymen, gol soǵylmady. Odan keıingi qosymsha eki taım da golsyz ótti. Al oıyn sońyndaǵy penaltıde «Qaırattyń» joly bolyp, jeńiske jetti.
Osylaısha, almatylyqtar jańa bas jatyqtyrýshy Aleksandr Borodıýktiń jetekshiligimen alǵashqy júldelerine qol jetkizdi.
Aıta keteıik, ótken jyly da qos komanda Qazaqstan Sýperkýbogyn sarapqa salǵan edi. Ol kezde de jeńimpaz penaltı arqyly anyqtalyp, «Astana» jeńis toıyn toılady.
«Astana» (Astana) – «Qaırat» (Almaty) 0:0 (penaltı 4:5)
8 naýryz. Astana. «Astana Arena» stadıony. 14 000 kórermen.
Tóreshi: Ravshan Irmatov (О́zbekstan).
«Astana»: Nenad Erıch, Abzal Beısebekov, Evgenıı Postnıkov (Mark Gýrman 90), Marın Anıchıch, Nemanıa Maksımovıch, Roher Kanıas, Patrık Tvýması, Djordje Despotovıch (Alekseı Shetkın 89), Dmıtrıı Shomko, Serikjan Mujyqov, Tańat Nóserbaev (Berik Shaıyqov 107).
«Qaırat»: Vladımır Plotnıkov, Isael Barboza (Rıera Ortega 106), Jerar Goý, Anatolıı Tımoshýk, Jarko Markovıch, Brýno Soares, Lýkash Tesak, Mıhaıl Bakaev, Aslan Darabaev (Vıtalıı Lı 65), Baýyrjan Islamhan.
Eskertýler: Evgenıı Postnıkov 41, Roher Kanıas 47, Patrık Tvýması 69 – Jarko Markovıch 22, Lýkash Tesak 90, Anatolıı Tımoshýk 103, Jerar Goý 106.
Taǵy bir eskere ketetin jaıt, osy oıynmen fýtboldan elimizdiń jańa maýsymy bastaldy. Endi 12-13 naýryz kúni Qazaqstan premer-lıgasynyń alǵashqy týry ótedi. Ol týrda myna komandalar kezdesedi:
12 naýryz
«Astana» (Astana) – «Shahter» (Qaraǵandy)
«Jetisý» (Taldyqorǵan) – «Atyraý» (Atyraý)
«Taraz» (Taraz) – «Qaırat» (Almaty)
13 naýryz
«Ordabasy» (Shymkent) – «Aqtóbe» (Aqtóbe)
«Ertis» (Pavlodar) – «Oqjetpes» (Kókshetaý)
«Tobyl» (Qostanaı) – «Aqjaıyq» (Oral).
Elaman Qońyr.
Derek: egemen.kz.
Sýret: Orynbaı Balmurat.
