Qaıratyna mingen «Qaırat»

Burnaǵy kúni fýtboldan elimizdiń qazirgi chempıony «Astana» komandasy men Qazaqstan Kýbogynyń ıegeri Almatynyń «Qaıraty» Qazaqstan Sýperkýbogy úshin synǵa tústi. «Astana Arena» stadıonynda ótken matchta jeńimpaz oıyn sońyndaǵy penaltıde anyqtaldy. Bul synda almatylyqtar 5:4 ese­bimen jeńiske jetip, Sýperkýbokty ıemdendi. Kezdesýdiń alǵashqy mınýttarynan bastap basymdyqqa ıe bolǵan «Astana» oıynshylary birinshi taımda birneshe joıqyn shabýyl uıymdastyrdy. Tipti, 20-mınýtta komanda kapıtany Tańat Nóserbaev eki qorǵaýshynyń ortasynan sytylyp shyǵyp, soqqy jasaǵanymen, dop qaqpa baǵanynan keıin serpildi. О́z kezeginde «Qaırat» fýtbolshylary da qarymta shabýyldarǵa shyǵyp, qarsylastar qaqpasyn nysanaǵa alyp kórdi. Alaıda, úzi­liske deıin esep ashylǵan joq. Ekinshi taımda da komandalarda esep ashatyn tamasha múmkindikter boldy. Ásirese, Stanımır Stoı­lovtyń shákirtteri belsendi qı­myldap, birneshe qaýipti soq­qylar jasady. Degen­men, 90 mınýt tú­gesilgenge deıin gol soǵylmady. Odan keıingi qosymsha eki taım da golsyz ótti. Al oıyn sońyndaǵy penaltıde «Qaırattyń» joly boldy. Osylaısha, almatylyqtar ja­­ńa bas jattyqtyrýshy Alek­sandr Borodıýktiń jetekshiligimen al­ǵashqy júldelerine qol jetkizdi. Sondaı-aq, bul klýb tarıhyndaǵy alǵashqy Sýperkýbok ekenin atap ótken jón. Aıta keteıik, byltyr da qos komanda Qazaqstan Sýperkýbogy úshin talasqan. Ol kezde de jeńim­paz penaltı arqyly anyqtalyp, «As­tananyń» mereıi ústem bolǵan. Taǵy bir eskere ketetin jaıt, osy oıynmen fýtboldan elimizdiń 2016 jylǵy jańa maýsymy bas­taldy. Endi 12-13 naýryz kúni Qa­zaqstan premer-lıgasynyń birinshi týrynyń oıyndary oınalady. Elaman QOŃYR, «Egemen Qazaqstan».