Tuńǵysh kınomehanık qazaq qyzy

Rápııa Halyqovanyń ójettigi jas urpaqqa árqashanda úlgi-ónege Kóktemniń shýaǵyn shashqan alǵashqy merekesi kúni jasy 80-ge tolǵan Rápııa apa Halyqova soǵystan keıingi aýyr turmys-tirshilikti basynan ótkizgen býyn­nyń ókili sanalady. Jas qyzdy qurbylarynan oqshaýlaǵan bir ǵana erekshelik – ol bala kezden kınematografııa salasynda eńbek etýdi kózdegen eken... Rápııa Halyqova júregi qala­ǵan, kóńiline jaqqan bul kásibi úshin 36 jyl ómirin arnady. – Ol kezdegi Otanymyz meniń adal eńbegimdi baǵalady, keýdeme «Qurmet belgisi» men «Oktıabr revolıýsııasy» ordenderin taqty,– deıdi Rápıa apaı ótken kúnderdi saǵyna eske alyp. Onyń ber jaǵynda Rápııa qyz kezinde halyq aqyny Kenen Ázir­baevtan bata alǵan. Máskeýdiń Kreml saraıynda ótken sezder men kon­ferensııalarda sóz sóılegen. Tipti, sol kezdegi KSRO Mádenıet mınıstri E.Fýrsevanyń ózi qazaqtan shyqqan tuńǵysh kınomehanık qyzdyń qolyn qysyp, alǵysyn bildiripti. Talǵat SÚIINBAI, «Egemen Qazaqstan». ALMATY.