Álem-jálem álem
Úndiniń Mathrubhumi degen gazeti óziniń birinshi betin túgel Muhammed (s.ǵ.s) paıǵambardan keshirim suraýǵa arnady.
Buǵan malaıalam tilinde shyǵatyn basylymnyń munyń aldynda áleýmettik jelilerden Paıǵambar týraly jazylǵan maqala sońynda berilgen ıslamǵa qarsy kommentterdi kóshirip basqany sebep boldy. Osydan keıin Kerala shtatyndaǵy musylman uıymdarynyń ókilderi redaksııa ǵımaraty aldynda sherý ótkizip, ıslamdy qorlaýshylyqqa jaýap berýdi talap etken. Al óz qatelikterin tez túsingen baspasóz quraly basshylyǵy erteńine gazet betinde keshirim ótingen.
Adamdy adam etken – as-sý
Marksızm klassıgi F. Engels «Adamdy adam etken – eńbek» dep edi. Al qazirgi zamannyń oqymystylary adamdy osy dárejesine jetkizgen, eń aldymen, tamaq ekenin ózderinshe dáleldep shyqty.
AQSh-tyń Garvard ýnıversıtetiniń mamandary baıyrǵy adamdardyń otqa qaqtalǵan etti jeı bastaýlary olardyń kele-kele iri tisteri men kúshti jaq súıekterinen aıyrylýlaryna, sóıtip, qazirgi keıpine kelýine múmkindik berdi, degen tujyrymǵa qazyq baılap otyr. Ǵalymdar muny adam tektes maımyldardyń, sondaı-aq, avstralopıtekterdiń óte úlken tisteri men qýatty jaqtary bolǵanymen baılanystyra qarastyrady.
Toǵyz KamAZ-dan quralǵan toı korteji
Ázerbaıjanda turatyn jas jigit úılený toıynda... toǵyz KamAZ júk kóliginen turatyn kortej ákelip, qalyńdyǵyn qatty tań qaldyrdy.
Boıjetken bolashaq kúıeýiniń bul erekshe tirligin laıyqty baǵalady. Jigittiń ózgeshe áreketine ol turatyn Lenkoran aýdanyndaǵy Shırınsý aýylynyń turǵyndary men kóptegen toı qonaqtary da rızashylyq tanytty. Taý jolymen júrip kele jatqan sol tizbek túsirilgen rolık artynsha jeliniń hıtine aınaldy.
Balasyn sómkege salyp, ushpaqshy bolǵan
Air France avıakompanııasynyń Ystambul – Parıj reısinde kútpegen oqıǵa oryn aldy. Jolaýshy áıelderdiń biri óziniń 2 jasar balasyn sómkege salyp, dittegen jerine barmaq bolǵan.
Aty-jóni Vıktorııa Ivanova ekeni áıgilengen bul áıeldiń tártip buzǵanyn janynda otyrǵan er kisi bildiredi. Jolaýshy jigit onyń sómkesinde áldeneniń qozǵalatynyn baıqap, dereý bul jóninde stıýardessaǵa aıta qoıady. Teksere kelgende, aqshany únemdegisi kelgen áıeldiń jol dorbasyna kishkentaı balasyn salyp alǵany belgili bolady.
Balyq pen baqa jeıtin órmekshi de bar eken
Avstralııanyń Brısben qalasynda ótken Búkilálemdik ǵylymı festıvalde bıologtar jurtqa sýda júzetin órmekshiniń jańa bir túrin tanystyrdy.
Buryn belgisiz bolyp kelgen bul jándikti olar osy festıvaldiń negizin qalaýshylardyń biri – Braıan Grınniń qurmetine Dolomedes briangreenei dep ataýǵa sheshim etti. Atalǵan órmekshi sýdyń joǵarǵy qabatynda júrip, balyq pen baqalardy aýlaıdy eken. Jáne ol óziniń kóleminen úsh ese úlken maqulyqtardyń ózin jem ete beredi.
Uıqysy kóptiń aqyly da kóp
Aıtarlyqtaı kóp ýaqyt uıyqtaǵan adamnyń basqalarǵa qaraǵanda, aqyldyraq kórinetini bar. Muny Shotlandııanyń Endrıýs jáne Shvesııanyń Karolına ýnıversıtetiniń ǵalymdary anyqtady.
Zertteýshiler jaqsy uıyqtap, mılary tynyǵyp qalǵan adamdardyń kóp jaǵdaılarda ózgelerden óreleri bıik bolyp kórinip turatyndaryna kóz jetkizdi. Muny ártúrli eksperımentter de rastap bergen. Olar túni boıy oılanyp, bas qatyryp otyrǵandarǵa qaraǵanda, jumbaq sheshýin ońaı taýyp turǵan.
Aqparat agenttikteriniń materıaldary
negizinde daıyndaldy.
Úndiniń Mathrubhumi degen gazeti óziniń birinshi betin túgel Muhammed (s.ǵ.s) paıǵambardan keshirim suraýǵa arnady.
Buǵan malaıalam tilinde shyǵatyn basylymnyń munyń aldynda áleýmettik jelilerden Paıǵambar týraly jazylǵan maqala sońynda berilgen ıslamǵa qarsy kommentterdi kóshirip basqany sebep boldy. Osydan keıin Kerala shtatyndaǵy musylman uıymdarynyń ókilderi redaksııa ǵımaraty aldynda sherý ótkizip, ıslamdy qorlaýshylyqqa jaýap berýdi talap etken. Al óz qatelikterin tez túsingen baspasóz quraly basshylyǵy erteńine gazet betinde keshirim ótingen.
Adamdy adam etken – as-sý
Marksızm klassıgi F. Engels «Adamdy adam etken – eńbek» dep edi. Al qazirgi zamannyń oqymystylary adamdy osy dárejesine jetkizgen, eń aldymen, tamaq ekenin ózderinshe dáleldep shyqty.
AQSh-tyń Garvard ýnıversıtetiniń mamandary baıyrǵy adamdardyń otqa qaqtalǵan etti jeı bastaýlary olardyń kele-kele iri tisteri men kúshti jaq súıekterinen aıyrylýlaryna, sóıtip, qazirgi keıpine kelýine múmkindik berdi, degen tujyrymǵa qazyq baılap otyr. Ǵalymdar muny adam tektes maımyldardyń, sondaı-aq, avstralopıtekterdiń óte úlken tisteri men qýatty jaqtary bolǵanymen baılanystyra qarastyrady.
Toǵyz KamAZ-dan quralǵan toı korteji
Ázerbaıjanda turatyn jas jigit úılený toıynda... toǵyz KamAZ júk kóliginen turatyn kortej ákelip, qalyńdyǵyn qatty tań qaldyrdy.
Boıjetken bolashaq kúıeýiniń bul erekshe tirligin laıyqty baǵalady. Jigittiń ózgeshe áreketine ol turatyn Lenkoran aýdanyndaǵy Shırınsý aýylynyń turǵyndary men kóptegen toı qonaqtary da rızashylyq tanytty. Taý jolymen júrip kele jatqan sol tizbek túsirilgen rolık artynsha jeliniń hıtine aınaldy.
Balasyn sómkege salyp, ushpaqshy bolǵan
Air France avıakompanııasynyń Ystambul – Parıj reısinde kútpegen oqıǵa oryn aldy. Jolaýshy áıelderdiń biri óziniń 2 jasar balasyn sómkege salyp, dittegen jerine barmaq bolǵan.
Aty-jóni Vıktorııa Ivanova ekeni áıgilengen bul áıeldiń tártip buzǵanyn janynda otyrǵan er kisi bildiredi. Jolaýshy jigit onyń sómkesinde áldeneniń qozǵalatynyn baıqap, dereý bul jóninde stıýardessaǵa aıta qoıady. Teksere kelgende, aqshany únemdegisi kelgen áıeldiń jol dorbasyna kishkentaı balasyn salyp alǵany belgili bolady.
Balyq pen baqa jeıtin órmekshi de bar eken
Avstralııanyń Brısben qalasynda ótken Búkilálemdik ǵylymı festıvalde bıologtar jurtqa sýda júzetin órmekshiniń jańa bir túrin tanystyrdy.
Buryn belgisiz bolyp kelgen bul jándikti olar osy festıvaldiń negizin qalaýshylardyń biri – Braıan Grınniń qurmetine Dolomedes briangreenei dep ataýǵa sheshim etti. Atalǵan órmekshi sýdyń joǵarǵy qabatynda júrip, balyq pen baqalardy aýlaıdy eken. Jáne ol óziniń kóleminen úsh ese úlken maqulyqtardyń ózin jem ete beredi.
Uıqysy kóptiń aqyly da kóp
Aıtarlyqtaı kóp ýaqyt uıyqtaǵan adamnyń basqalarǵa qaraǵanda, aqyldyraq kórinetini bar. Muny Shotlandııanyń Endrıýs jáne Shvesııanyń Karolına ýnıversıtetiniń ǵalymdary anyqtady.
Zertteýshiler jaqsy uıyqtap, mılary tynyǵyp qalǵan adamdardyń kóp jaǵdaılarda ózgelerden óreleri bıik bolyp kórinip turatyndaryna kóz jetkizdi. Muny ártúrli eksperımentter de rastap bergen. Olar túni boıy oılanyp, bas qatyryp otyrǵandarǵa qaraǵanda, jumbaq sheshýin ońaı taýyp turǵan.
Aqparat agenttikteriniń materıaldary
negizinde daıyndaldy.
