Eki el yntymaqtastyǵy arta túspek

Keshe Premer-Mınıstrdiń birinshi orynbasary Baqytjan Saǵyntaev Astanada Qazaqstan Respýblıkasy men О́zbekstan Respýblıkasy arasyndaǵy Ekijaqty yntymaqtastyq jónindegi birlesken úkimetaralyq komıssııanyń 15-shi otyrysyna qatysty, dep habarlady Premer-Mınıstrdiń baspasóz qyzmeti. О́zbekstandyq delegasııany О́zbekstan Respýblıkasy Premer-mınıstriniń birinshi orynbasary – qarjy mınıstri Rýstam Azımov basqardy. Otyrys barysynda óza­ra taýar­lar jetkizýde onyń túr­lerin ulǵaıtýǵa qatysty saýda-ekonomıkalyq yntymaq­tastyq máseleleri, eki eldiń energııa júıeleriniń turaqty jumysyn qamtamasyz etý máseleleri talqylandy. Kólik salasynda taraptar avtomobıl, temirjol jáne áýe qatynasyn damytý úshin kúsh-jiger jumsaýǵa ýaǵdalasty. Onyń syrtynda Syrtqy ister mınıstrligi arasynda kelisim­shart­tyq-quqyqtyq bazany ulǵaı­tý máseleleri boıynsha konsýltasııalar ótkizildi. Kezdesý barysynda Baqytjan Saǵyntaev pen Rýstam Azımov taýarlar men qyzmetter saýdasy, munaı-gaz sektory, kólik, týrızm sııaqty basymdyqqa ıe sala­lar­daǵy memleketterdiń yntymaq­tastyǵyn odan ári jalǵastyrýǵa degen nıetterin bildirdi.