Qazaqstan Respýblıkasy Energetıka mınıstrliginiń buıryǵy  №109 

2015 jylǵy 20 aqpan, Astana qalasy Jańadan paıdalanýǵa beriletin generasııalaıtyn qondyrǵylardyń elektr qýatynyń ázirligin ustap turý boıynsha kórsetiletin qyzmetterdi satyp alý týraly úlgilik shartty bekitý týraly «Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-babynyń 7) tarmaqshasyna sáıkes buıyramyn: 1. Qosa berilip otyrǵan Jańadan paıdalanýǵa beriletin generasııalaıtyn qondyrǵylardyń elektr qýatynyń ázirligin ustap turý boıynsha kórsetiletin qyzmetterdi satyp alý týraly úlgilik shartty bekitilsin. 1. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde onyń kóshirmesin merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri V.ShKOLNIK Qazaqstan Respýblıkasy Energetıka mınıstriniń 2015 jylǵy 20 aqpandaǵy №109 buıryǵymen bekitilgen Jańadan paıdalanýǵa beriletin generasııalaıtyn qondyrǵylardyń elektr qýatynyń ázirligin ustap turý boıynsha kórsetiletin qyzmetterdi satyp alý týraly úlgilik shart _________________________ 20___ j. «____» ______________ (sharttyń jasalǵan orny) (sharttyń jasalǵan kúni) Budan ári «Jetkizýshi» dep atalatyn elektr qýatynyń ázirligin ustap turý boıynsha kórsetiletin qyzmetti usynatyn __________________________________________________________________________ ___________________________________________________________________________________________ atynan, (energııa óndirýshi uıymnyń ataýy) ___________________________________________________________________________________ negizinde (20__ j. «___» ____________ № ____ jarǵy, ereje, senimhat) áreket etetin ________________________________ (laýazymy, T.A.Á.) jáne budan ári «Júıelik operator» dep atalatyn __________________________________ ________________________________________________________________________atynan (uıymnyń ataýy, memlekettik tirkeý týraly kýálik, berilgen kúni jáne orny) ____________________________________________, sondaı-aq ýákiletti (20__ j. «___» ____________ № ____ jarǵy, ereje, senimhat) organnyń _________ jylǵy «___» _______ № ___ buıryǵy negizinde áreket etetin __________________________________________________________, (laýazymy, T.A.Á.) (budan ári – Taraptar) jańadan paıdalanýǵa beriletin generasııalaıtyn qondyrǵylardyń qurylysyna arnalǵan tender nátıjeleri boıynsha ýákiletti organnyń _________ jylǵy «___» __________ № _____ buıryǵyna sáıkes tómendegi týraly osy shartty (budan ári – Shart) jasasty: 1. Osy Shartta mynadaı uǵymdar men anyqtamalar paıdalanylady: 1) eseptik kezeń – elektr qýatynyń ázirligin ustap turý boıynsha kórsetiletin qyzmettiń esebi júrgiziletin kúntizbelik bir aıǵa teń aıdyń birinshi kúniniń 00-00 saǵatynan sońǵy kúniniń 24-00 saǵatyna deıingi ýaqyt aralyǵy (ortasha evropalyq ýaqytymen); 2) júıelik operatordyń ulttyq dıspetcherlik ortalyǵy (budan ári – JO UDO) – Qazaqstan Respýblıkasynyń biryńǵaı elektr energetıkasy júıesinde elektr energııasyn jáne qýatyn óndirý, berý jáne tutyný rejımderin ortalyq oralymdy-dıspetcherlik basqarý fýnksııalaryn júzege asyratyn júıelik operatordyń qurylymdyq bólimshesi. 3) ýákiletti organ – elektr energetıkasy salasynda basshylyqty júzege asyratyn memlekettik organ; 4) elektr qýatynyń ázirligin ustap turý boıynsha kórsetiletin qyzmet – energııa óndirýshi uıymdardyń belgilengen tártippen attestattalǵan generasııalaıtyn qondyrǵylardyń elektr qýatynyń júkteme kóterýge ázirligin ustap turý boıynsha júıelik operatorǵa kórsetetin qyzmeti. Osy Shartta paıdalanylatyn basqa uǵymdar men anyqtamalar Qazaqstan Respýblıkasynyń elektr energetıkasy salasyndaǵy zańnamasyna sáıkes qoldanylady. 1. Sharttyń máni 2. Osy Sharttyń 9-tarmaǵyna sáıkes jetkizýshi jańadan paıdalanýǵa beriletin generasııalaıtyn qondyrǵylardyń ázirligin ustap turý boıynsha kórsetiletin qyzmetterdi (budan ári – kórsetiletin qyzmet) usynýǵa, al júıelik operator paıdalanýǵa jáne tólem júrgizýge mindettenedi. 3. Kórsetiletin qyzmetti satyp alýdy júıelik operator jetkizýshiniń generasııalaıtyn qondyrǵylardy paıdalanýǵa bergen jáne attestattaýdy ótkizgen kúninen bastap júzege asyrady. 4. Kórsetiletin qyzmettiń baǵasyn, kólemin jáne osy Sharttyń qoldanylý merzimin «Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańyna (budan ári – Zań) sáıkes belgilengen tártippen ýákiletti organ ótkizilgen jańadan paıdalanýǵa beriletin generasııalaıtyn qondyrǵylardyń qurylysyna arnalǵan tenderdiń qorytyndysy boıynsha aıqyndaıdy. 2. Taraptardyń quqyqtary men mindetteri 5. Júıelik operator: 1) óz qyzmetin Qazaqstan Respýblıkasynyń elektr energetıkasy salasyndaǵy zańnama talaptaryna sáıkes júzege asyrýǵa; 2) kelispeýshilikterdi kórsete otyryp nemese olarsyz, toqsannyń sońǵy kúnindegi jaǵdaı boıynsha osy Shart boıynsha ózara esepterdi tekserý aktisine qol qoıýǵa; 3) jetkizýshige qajetti tehnologııalyq aqparatty, berýshi jeliler men qosalqy stansııalardyń sıpattamalary men shemalaryn, osy Sharttyń talaptaryn oryndaýǵa tikeleı jaýapty jáne jedel kelissózder júrgizýge quqyly tulǵalardyń tizimin jasaýǵa mindetti. 6. Júıelik operatordyń quqyqtary: 1) elektr qýatynyń attestattalǵan kóleminiń sheńberinde (maksımaldy jáne mınımaldy) óndirýdi arttyrýǵa jáne/nemese tómendetýge pármen berý; 2) osy Sharttyń 12-tarmaǵynda kózdelgen jaǵdaıda esepteýde tómendetýshi koeffısıentin qoldaný. 7. Jetkizýshi: 1) óz qyzmetin Qazaqstan Respýblıkasynyń elektr energetıkasy salasyndaǵy zańnama talaptaryna sáıkes júzege asyrýǵa; 2) JO UDO dıspetcheriniń elektr qýatynyń attestattalǵan kóleminiń sheńberinde (maksımaldy jáne mınımaldy) óndirýdi arttyrý jáne/nemese tómendetý jóninde bergen pármenin oryndaýǵa; 3) kelispeýshilikterdi kórsete otyryp nemese olarsyz, toqsannyń sońǵy kúnindegi jaǵdaıy boıynsha osy Shart boıynsha ózara esepterdi tekserý aktisine qol qoıýǵa mindetti. 8. Jetkizýshiniń quqyqtary: 1) júıelik operatordan osy Shart boıynsha óz mindetterin oryndaýyn talap etý. 3. Baǵasy jáne esep aıyrysý tártibi 9. Kórsetiletin qyzmetke tólem júrgizýdi kórsetiletin qyzmet kólemin tekserý aktisi negizinde jetkizýshi tólemge qoıylǵan shot-faktýrany usynǵannan keıin osy Sharttyń 4-tarmaǵyna sáıkes ýákiletti organ aıqyndaǵan baǵaǵa sáıkes júıelik operator júrgizedi. 10. Eger júıelik operator tólemge qoıylǵan shottyń durystyǵymen kelispese, osy shotty alǵan kúnnen bastap kúntizbelik on kún ishinde jetkizýshini habardar etedi jáne jetkizýshige narazylyǵy baıandalǵan jazbasha aryz usynady. Bul rette, júıelik operator joǵaryda kórsetilgen merzimde shottyń kelispeýshilik týyndamaǵan bóligine tólem júrgizýge mindetti. 11. Shottarǵa túzetýler engizý qajet bolǵan jaǵdaıda, Taraptar kelesi esep aıyrysý kezeńindegi shottarǵa túzetý engizedi. 12. Kúntizbelik aı ishinde jalpy uzaqtyǵy 72 saǵattan asatyn, osy Shartta aıqyndalǵan kórsetiletin qyzmettiń kólemin tómendetýdi týyndatqan, generasııalaıtyn jabdyqty apatty jáne jospardan tys jóndeýler kezinde, kórsetiletin qyzmettiń qunyn esepteý kezinde mynadaı formýla boıynsha esepteletin tómendetýshi koeffısıenti qoldanylady: Któm = (Saı - SAR)/Saı, mundaǵy Któm - esepte qoldanylatyn tómendetýshi koeffısıenti; Saı - eseptik aıdaǵy saǵattar sany; SAR - apatty, jospardan tys jóndeý kezindegi generasııalaıtyn jabdyqtyń toqtap turýynyń naqty sany. 13. Kúntizbelik aı ishinde jalpy uzaqtyǵy 72 saǵattan kem, osy Shartta aıqyndalǵan kórsetiletin qyzmettiń kólemin tómendetýdi týyndatqan, generasııalaıtyn jabdyqty apatty jáne jospardan tys jóndeýler kezinde, kórsetiletin qyzmettiń qunyn esepteý kezinde tómendetýshi koeffısıentter qoldanylmaıdy. 14. Jetkizýshide eksportqa shyǵarylatyn elektr energııasy jetkizilimderi bolǵan jaǵdaıda kórsetiletin qyzmettiń sharttyq kólemi jabdyqtyń attestattaý kezinde anyqtalǵan kóleminen tıisti generasııalaıtyn jabdyqtyń jáne eksportqa shyǵarylatyn maksımaldy qýatyn jeke jáne (nemese) sharýashylyq qajettilikterine tutynatyn qýat kólemine azaıtý arqyly anyqtalǵan kórsetiletin qyzmettiń shekti kólemine teń dep tanylady. 4. Kórsetiletin qyzmetti esepke alý 15. Jetkizýshi generasııalaıtyn jabdyqtyń elektr energııasyn óndirýge ázirligi jónindegi barlyq talaptardy oryndaǵan jaǵdaıda kórsetiletin qyzmettiń eseptik merzimdegi is júzindegi kólemi Taraptardyń kórsetilgen qyzmet aktisine eseptik aıdan keıingi aıdyń besinshi kúninen keshiktirmeı qoly qoıyp, osy Sharttyń 4-tarmaǵyna sáıkes aıqyndalǵan kórsetiletin qyzmettiń sharttyq kólemine teń bolyp qabyldanady. 16. Eseptik kezeń ishinde júıelik operator qabyldaǵan jáne tólem júrgizýge jatqyzylǵan kórsetiletin qyzmet kólemi eseptik kezeńnen keıingi aıdyń 5 (bes) jumys kúni ishinde JO UDO-men kelisilgen derekter negizinde jetkizýshi resimdeıtin generasııalaıtyn qondyrǵylardyń elektr qýatynyń ázirligin ustap turý boıynsha kórsetilgen qyzmettiń is júzindegi kólemin salystyryp tekserý aktisimen (budan ári – akt) rastalady. Aktige jetkizýshiniń ýákiletti tulǵasynyń qoly qoıylady, onyń mórimen kýálandyrylady jáne qujat túpnusqasy poshta arqyly jiberile otyryp, faks arqyly júıelik operatorǵa joldanady. Eskertýler bolmaǵan jaǵdaıda júıelik operator kelesi 2 (eki) jumys kúni ishinde aktige qol qoıady, mórmen kýálandyrady jáne faks arqyly jetkizýshige joldaıdy. Aktiniń túpnusqasyn alǵannan keıin Tapsyrys berýshi aktige qol qoıady, mórmen kýálandyrady jáne poshta arqyly joldaıdy. 17. Aktide ótkizilgen kezekten tys attestattaýlardy, osy Sharttyń 12-tarmaǵynda kórsetilgen koeffısıentti eskere otyryp, elektr qýatynyń ázirligin ustap turý boıynsha kórsetilgen qyzmettiń is júzindegi kólemi kórsetilýi tıis. 5. Taraptardyń jaýapkershiligi 18. Osy Shart boıynsha mindettemelerin oryndamaýy nemese tıisinshe oryndamaýy úshin Taraptar Qazaqstan Respýblıkasynyń zańnamasyna sáıkes jaýapkershilikte bolady. 19. Shot boıynsha tólem merzimi kelgen kezde ol boıynsha tólem jasamaǵany úshin jetkizýshi júıelik operatordyń tólem júrgizbegen somalaryna tólem merzimi aıaqtalǵannan keıingi kelesi kúnnen bastap aıyppul esepteýge quqyly. Jetkizýshi merzimi ótip ketken somalar boıynsha júıelik operatordyń aqshalaı mindettemesin is júzinde oryndamaý kúninde Qazaqstan Respýblıkasy Ulttyq Bankiniń resmı qaıta qarjylandyrý stavkasyn basshylyqqa ala otyryp, júıelik operatordan árbir keshiktirilgen kún úshin, biraq qaryzdyń negizgi somasynan aspaıtyn aıyppul tóleýdi talap etýge quqyly. 6. Eńserilmeıtin kúsh jaǵdaıattary 20. Eńserilmeıtin kúsh jaǵdaıattary Qazaqstan Respýblıkasynyń Azamattyq kodeksine sáıkes aıqyndalady. 21. Osy Shart boıynsha mindettemelerdi oryndaý merzimi osyndaı eńserilmeıtin kúsh jaǵdaıattary, sondaı-aq osy jaǵdaıattardan týyndaǵan saldarlarda oryn alǵan ýaqytqa teń merzimge keıinge jyljytylady. 22. Taraptardyń osy Shart boıynsha mindetterin tolyqtaı nemese ishinara oryndaı almaý eńserilmeıtin kúsh jaǵdaıattarynyń bastalýyna baılanysty alty aıdan astam oryn alatyn bolsa, onda Taraptar osy Shartty qaıta qarastyrýǵa nemese buzýǵa quqyly bolady. 7. Daýlardy qarastyrý 23. Osy Shart máninen týyndaıtyn barlyq daýlar nemese kelispeýshilikter Taraptar arasynda kelissózder júrgizý arqyly sheshiledi. 24. Kelisimge kele almaǵan jaǵdaıda osy Shart boıynsha barlyq daýlar jáne kelispeýshilikter jaýapkerdiń turǵylyqty jerindegi sottarda Qazaqstan Respýblıkasynyń qoldanystaǵy zańnamasyna sáıkes sheshiledi. 8. О́zge erejeler men sharttar 25. Kórsetiletin qyzmetti satyp alý jónindegi Shart jetkizýshimen jeke tártippen jasalady. 26. Osy Shartta qamtylǵan aqparat qupııa bolyp sanalady jáne Qazaqstan Respýblıkasynyń zańnamasymen belgilengen jaǵdaılardy qospaǵanda, ashylýǵa jáne/nemese úshinshi tulǵalarǵa Taraptardyń jazbasha kelisiminsiz jarııalaýǵa jatpaıdy. 27. Osy Shartqa engizilgen barlyq ózgertýler, tolyqtyrýlar jáne qosymshalar olar jazbasha nysanda jasalyp, eki Taraptyń qoly qoıylǵan jaǵdaıda ǵana jaramdy bolady jáne kúshine enedi. 28. Osy Shart ár Taraptar úshin bireýden, eki danada jasaldy. Eki danasynyń da zańdy kúshi birdeı. 29. Osy Shart qol qoıylǵan sátinen bastap, al tólem bóliginde generasııalaıtyn qondyrǵylardyń elektr qýatyn attestattaý aktisine qol qoıylǵan kúninen bastap kúshine enedi jáne 20__ jylǵy «___» _________ deıin jaramdy. 30. Osy Shart Taraptardyń kelisimi boıynsha buzý jónindegi kelisimge qol qoıý arqyly buzylady. Taraptardyń mekenjaılary jáne derektemeleri Júıelik operator Jetkizýshi ____________________ __________________ mór oryny mór oryny Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzda Normatıvtik quqyqtyq kesimderdi memlekettik tirkeýdiń tizilimine №10530 bolyp engizildi.