Bos qutylar kádege jaramaq

Qostanaı qalasynda qoqysqa tastalǵan plastıkalyq qutylar qaıta óńdeletin boldy. Bul – bastama qorshaǵan ortaǵa zalal keltirip, beı-bereket shashylyp jatqan bos qutylardan arylýdyń tıimdi joly. Búginde Qostanaıda qoqys jáshik­teriniń qasyna temir tor qorap­tar qoıyldy. Olarǵa tek plas­tıkalyq bótelkeler salynady. Al bos ydystardyń qaıta óńdeletinin estigen jurt qýanyp júr. Eń bas­tysy, olar shashylyp jatatyn qutylardan qutylatynyna dán rıza. – О́te jaqsy bastama. Qajetsiz qoqys bir bólek, plastıkalyq ydys­tar bir bólek jınalady. Olar qaıta óńdelip, paıdaly zatqa aınalady. Osy arqyly tazalyq ta saqtalady, ekologııalyq zııan da joıylady, – deıdi qala turǵyny Nına Sıgýeva. Aıta keteıik, qazirgi tańda mun­daı ydystar Qostanaıda 85 jerde bar. Jergilikti bılik ókilderi jyl sońyna deıin qaladaǵy barlyq 484 qoqys jınalatyn oryndy túgel qamtýdy kózdep otyr. Munda bul jumystar bıylǵy aqpan aıynda qolǵa alyndy. Mamandardyń málimetinshe, jı­nalǵan qutylar iriktelip, Aqtóbege jiberiledi. Ol jerde qaıta óńdeýden ótken plastıkalyq ydys­tardan bas­qa zattar men qurylys materıal­dary jasalady. Osy kezge deıin jınalǵan úsh tonnaǵa jýyq plastıkalyq qutylar Aqtóbege jóneltilgen eken. Tórebek TURMANOV.