Seriktestikke serpin qosar senim

Keshe Aqordada Memleket basshysy Nursultan Nazar­baevqa Birikken Ult­tar Uıy­my Damý baǵdar­la­masynyń (BUU DB) turaqty ókili No­rımasa Shımomýra jáne Iz­raıldiń Tótenshe jáne ókiletti elshisi Mıhaıl Brods­kıı, О́zbekstan Respýblı­ka­synyń Tótenshe jáne óki­letti elshisi Ikrom Nazarov, Ázerbaıjan Respýblı­ka­synyń Tótenshe jáne óki­let­ti elshisi Rashad Mamma­dov, Taıland Koroldiginiń Tó­ten­she jáne ókiletti elshisi Nat Pınıovattanachıp Senim gra­motasyn tapsyrdy. Memleket basshysy bul rásim olardyń jeke dıplomatııalyq tarıhtaryndaǵy jańa beleske aınalatynyn aıta kelip, olardyń dıplomatııalyq mıssııaǵa al­ǵash ret basshylyq etkeli otyr­ǵanyna, qyz­metteriniń jańa ke­zeńi Qazaqstannan bas­talǵaly tur­ǵanyna ekpin berdi. Odan ári Elbasy elshilerdiń Qazaqstandaǵy jaýap­ty da mártebeli mıssııala­ry elderimiz ara­syndaǵy ynty­maq­tastyqty jan-jaq­ty damytýǵa septigin tıgizetinine úmitte­ne­tinin jetkizdi. Sondaı-aq, Qazaqstan Pre­zı­denti dıp­lomattar óz qyz­met­terindegi jańa kezeńdi Qazaqstan Táýelsizdiginiń 25 jyldyǵy qar­sańynda bastap otyrǵanyn atap ótti. «Bul tarıhı turǵydan qysqa kezeń bizdiń elimiz úshin aýqymdy ózgeristerdiń dáýirine aınaldy. Memlekettilikti nyǵaıtý, zama­naýı naryqtyq ekonomıka qurý, qoǵam­dy jańǵyrtý jónin­de orasan zor jumys atqary­l­dy. Búginde bizdiń eldiń bas­ty sı­­pat­tary – saıası turaq­ty­lyq, etnos­­aralyq jáne kon­fes­sııaara­lyq ke­lisim, ha­lyqaralyq ister­degi se­nimdi­lik pen jaý­aptylyq, tıimdi áleý­mettik-ekonomıkalyq óz­ge­ris­ter», – dedi Memleket basshysy. Nursultan Nazarbaev Qa­zaq­stan Úki­meti men Birikken Ulttar Uıymy arasyn­daǵy 2016-2020 jyldarǵa arnalǵan negiz­demelik seriktestik baǵdarlamasy ynty­­maq­­tastyqtyń jańa sapaly deń­geıine shyq­qanyn kórsetetinine nazar aýdardy. «Birikken Ulttar Uıymy Damý baǵdar­lamasymen ózara is-qımyl negizgi úsh vektordy qamtıdy. Birikken Ult­tar Uıy­mynyń Semeı oblysyn aımaqtyq damytý jónindegi bir­lesken baǵdarlamasyn oń baǵa­laımyz», – dedi Elbasy. Sonymen birge, Memleket bas­shysy Izraılmen ynty­maq­­tastyqtyń aıasyn keńeıte túsý­ge aıryqsha mán beriletinin aıt­ty. «Saýda-ekonomıkalyq ynty­maq­tastyq bizdiń qarym-qaty­nasymyzdyń mańyzdy bóli­gi bolyp sanalady. Búginde Qazaqstanda Izraıl kapıta­lynyń qaty­sýymen jumys júr­gi­zetin 270-ten astam kásiporyn tirkelgen. Qazirgi daǵdarys jaǵ­daıynda barlyq baǵyttar boı­ynsha qaýymdasýdy keńeıte túsý úshin kúsh jumyldyrýdyń mańyzy zor. Aqparattyq tehnologııalar, ınnovasııa, medısına jáne aýyl sharýashylyǵy perspektıvaly salalarǵa aınalyp otyr. Asta­nada EKSPO-2017 halyq­aralyq kórmesin ótkizý turǵy­synan biz Izraıldiń ozyq tehnolo­gııalaryna jáne balamaly ener­getıka salasyndaǵy jańalyq­tarǵa múd­delimiz. Izraıldiń Eýra­zııalyq ekonomı­kalyq odaqpen erkin saýda aımaǵy jónin­­degi kelisimge qol qoıýǵa umtyly­syn biz qoldaımyz. Izraıldiń Pre­mer-mı­n­ıstri Bınıamın Netanıa­hýdiń Astanaǵa josparla­nyp otyrǵan resmı sapary eki­jaqty baılanystardy tereń­detýge serpin beredi dep senemin», – dedi Nursultan Nazarbaev. Qazaqstan Prezıdenti eli­miz­di О́zbekstanmen jáne Ázerbaıjanmen týysqandyq qaty­nas­tar men ǵasyrlar tarıhynan ta­myr tartatyn dostyqqa, ózara qur­metke negizdelgen berik dástúr­ler baılanystyratynyn atap ótti. «Elderimiz arasyndaǵy ortaq shekara ekijaqty qarym-qatynastardyń jan-jaqty damýyn aldyn ala aıqyndap turady», – dedi Memleket basshysy. Nursultan Nazarbaev Qazaq­stan О́zbekstandy Ortalyq Azııa óńirindegi stra­tegııalyq seriktes retinde qaras­tyratynyna nazar aýdardy. «О́t­ken aptada Eki­jaqty yntymaqtastyq jónin­degi birlesken úkimetaralyq komıs­sııanyń 15-shi otyrysy ótti. Qol jetken ýaǵdalastyqtardy júze­ge asyrý Qazaqstan – О́zbek­stan qatynastaryn jańa sapaly deńgeıge shyǵarady dep sene­min. Saýda-ekonomıkalyq jáne mádenı-gýmanıtarlyq yntymaq­tastyqtyń barlyq baǵyttary boıynsha bizdiń tıimdi yqpaldasýǵa múmkindigimiz bar. О́zbekstan Prezı­denti Islam Kárimovtiń bizdiń elge sapary kezinde jasal­ǵan ýaǵdalastyqqa sáıkes, men maý­sym aıynda Tashkentke baryp, sonda ótetin Shanhaı yntymaq­tastyq uıymynyń kezekti otyry­syna qatysýdy josparlap otyrmyn», – dedi Qazaqstan Prezı­denti. Memleket basshysy Ázer­baıjan Qaz­aqstan úshin Kavkaz óńirindegi stra­te­gııalyq seriktes ekenin atap aıtty. «Bizdiń elderi­miz energetıka jáne tranzıt-kólik, aýyl sharýashylyǵy, týrızm, bilim berý salalarynda jáne basqa da baǵyttar boıynsha belsene yntymaqtasyp keledi. Jaqynda ǵana maǵan Ázerbaıjan Prezıdenti Ilham Álıevten Ázerbaıjanǵa resmı saparmen barý jóninde shaqyrý keldi. Men bul shaqyrýdy yqylaspen qabyl alamyn. Dıplomatııalyq arnalar arqyly naqty merzimin kelisersizder», – dedi Nursultan Nazarbaev. Qazaqstan Prezıdenti Taıland Qazaq­stannyń Ońtústik-Shyǵys Azııa­­daǵy mańyzdy seriktesi bolyp sana­la­tynyna toqtaldy. «Astana men Bangkok arasyndaǵy ózara is-qımyl ózara túsinistik jáne senim yńǵaıynda dástúr­li túrde damyp keledi. Taıland basshy­lyǵyna Azııadaǵy ózara is-qımyl jáne senim sharalary jónindegi keńes úderi­sin, Álemdik jáne dástúrli dinder lıder­leri sezi aıasynda dinaralyq únqaty­sýdy nyǵaıtýǵa qosqan úlesi úshin zor rızashylyǵymyzdy bildiremiz. Biz Taılandpen týrızm, aýyl sharýa­shylyǵy, energetıka jáne kólik lo­gıstıkasy salalary boıynsha jemisti yn­ty­maqtastyqty arttyra túsýge ázir­miz. Dúnıejúzilik saýda uıymy aıasyn­daǵy tyǵyz qaýymdasý saýda-ekono­mıkalyq yntymaqtastyqty damytý úshin keremet múmkindikke jol ashady», – dedi Memleket basshysy. Sońynda Nursultan Nazarbaev rásimge qatysýshylardy Astanadaǵy dıplomatııalyq jumystarynyń bas­talýymen jáne aldaǵy Naýryz mere­kesimen quttyqtap, qonaqjaı Qazaqstan jerinde ótkizetin kúnderiniń jaıly bolýyna tilektestigin bildirdi. «Siz­­derdiń qyzmetterińiz senim men ózara túsinistikti nyǵaıtýǵa, ekijaqty ynty­maq­tastyqtyń áleýetin barynsha arttyra túsýge baǵyttalady dep senemin», – dedi Qazaqstan Prezıdenti. N.Shımomýra ornyqty damý maq­sat­taryna qol jetkizý úshin Qazaqstan men BUU arasyndaǵy syndarly serik­tes­tiktiń jalǵasa beretinine senim bil­dirdi. M.Brodskıı Qazaqstan men Izraıl halyqtaryn ortaq múdde men ózara iltıpatqa negizdelgen dástúrli dostyq qarym-qatynastar baılanystyratynyn aıtty. «Taıaýda Qazaqstan alǵash ret Alǵys aıtý kúnin atap ótti. Biz úshin bul – mereke. Uly Otan soǵysy jyldary Qazaq­stanǵa qonys aýdarǵan evreılerge kórsetilgen qonaqjaılylyq úshin Sizdiń halqyńyzǵa taǵy da alǵys bildirýdiń bir múmkindigine aınaldy. Biz ony eshqashan umytpaımyz», – dedi Izraıl elshisi. I.Nazarov Qazaqstan jáne ózbek halyq­tarynyń rýhanııaty, tarıhy jáne mádenıetiniń ortaq sıpatyn atap ótip, ekijaqty yntymaqtastyq aıasyn ózara tıimdi negizde odan ári keńeıte túsýge septigin tıgizýge nıettestigin jetkizdi. «Qazaqstan – О́zbekstannyń mańyzdy saýda seriktesiniń biri. 2015 jyldyń qorytyndysy boıynsha, ekijaqty taýar aınalymynyń kólemi 3 mıllıard dollardan asty. Bul salada zor áleýet bar», – dedi О́zbekstan Respýblıkasynyń elshisi. R.Mammadov Qazaqstan men Ázer­baıjan arasyndaǵy saıası, ekonomıkalyq baılanystardy nyǵaıtý, bilim berý, ǵylym jáne mádenıet salasyndaǵy tyǵyz qarym-qatynastardy jolǵa qoıý úshin óziniń bar kúsh-jigerin jumsaıtynyn aıtty. Budan bólek, elshi barsha Qazaqstan halqyn kele jatqan Naýryz meıramymen quttyqtady. N.Pınıovattanachıp Qazaqstan men Taıland arasyndaǵy seriktestik qarym-qatynas túrli sala boıynsha qarqyndy óristeı beredi dep úmittenetinin aıta kelip, elimizdiń halqyna ıgilik pen baq-bereke tiledi. Joldybaı BAZAR, «Egemen Qazaqstan».