Kemtar jandarǵa qolushyn beretin el – baqytty el

Múmkindigi shekteýli azamattarǵa kóbirek kóńil bólinip, qamqorlyq kórsetilýge tıis. Bul – bárimizdiń qoǵam aldyndaǵy paryzymyz. Uly babamyz ál-Farabıden «Qaı eldi baqytty dep aıtamyz?» dep suraǵanda «Qaıyrshysy joq, kemtar jandarǵa qolushyn beretin el baqytty» degen eken. Memleket basshysy Nursultan Nazarbaev «Qazaqstan joly-2050: bir maqsat, bir múdde, bir bolashaq» atty Joldaýynda: «Múmkindigi shekteýli adamdar turmystyq qyzmet kórsetý, taǵam ónerkásibi, aýyl sharýashylyǵy kásiporyndarynda jumys isteı alady. Men barlyq kásipkerlerge olardy jumysqa ornalastyrýǵa kómektesińizder dep taǵy da aıtqym keledi», degen tapsyrma bergen bolatyn. Elbasynyń bes halyqtyq reformasynyń 84 qadamyndaǵy «Áleýmettik kómekti onyń ataýly sıpatyn kúsheıte otyryp ońtaılandyrý» degen joldar bárimizge úlken mindet júkteıdi. Prezıdent tapsyrmasyna sáıkes eli­mizde múmkindigi shekteýli azamattarǵa aýyz toltyryp aıtarlyqtaı qamqorlyqtar jasalýda. Buryn bizdiń oblysymyzda júıke aýrýlaryna shaldyqqan azamattar eski ǵımaratta, tar bólmelerde syǵylysyp tu­ratyn. Memleket basshysynyń tapsyrmasymen, Úkimettiń qoldaýymen jáne oblys basshylarynyń belsendiligimen Tarazda osydan eki jyl buryn jańa júıke aýrýlary ınternat úıiniń qurylysy qolǵa alynyp, ol bıyl jyl basynda iske qosyldy. Zamanaýı úlgidegi 300 tó­sektik ǵımarat qurylysyna 3 mıllıard teń­ge jumsaldy. Keń de jaryq ǵımaratta aý­rý­­lardyń qolaıly ómir súrip, qalaǵan isterimen aınalysýyna barlyq jaǵdaı jasalǵan. Qyzmet alýshylardyń jaǵdaıyn jaq­sartýǵa, olardy qoǵamǵa tartýǵa, áleýmettik salada psıholog, áleýmettik qyzmet kór­setý mamandary, muǵalim-defektolog, eńbek terapııasy nusqaý­shylary, dene­shy­nyqtyrý jáne mýzyka muǵalimderi, mádenı uıymdastyrýshy mamandar aıanbaı eńbek etýde. Tarazdaǵy №1 júıke aýrýlar ınternat úıiniń aýlasy gúlzarmen kómkerilgen. Osynda qyzmet etetin aq jeleńdi abzal jandar naýqastarǵa árdaıym júrek jylýyn syılaıdy. Internatta turatyn azamattarǵa áleýmettik sala boıynsha barlyq jaǵdaılar jasalýda. Qyzmet alýshylarǵa, olardy paıdaly qoǵamdyq eńbekke tartýǵa psıholog, áleýmettik qyz­met kórsetý mamandary, muǵalim-defek­tolog, eńbek terapııa nusqaýshylary, dene­shynyqtyrý jáne mýzyka muǵalimderi jáne mádenı uıymdastyrýshy mamandar joǵary sapaly qyzmet kórsetýge kúsh salýda. Bizde shtattyq keste boıynsha 381 adam jumys isteıdi. Qyzmet alýshylardyń sany 500-den astam adamdy quraıdy. Mekemede stan­dart­tyq 8 baǵyt boıynsha qyzmet kórsetiledi. Internat úıiniń qyzmetkerleri osynda turatyn naýqastardyń sportpen shuǵyldanýǵa degen qushtarlyǵyn oıatyp, mádenı-tanymdyq qajettilikteri, qyzyǵýshylyqtaryn, suraqtary men qalaýlaryn bildirýine múmkindik jasap, alǵan bilimderin áleýmettik mańyzdy maqsattarǵa jumsaýǵa úıretip keledi. Olardyń qorshaǵan ortany tanyp-bilýge shyǵarmashylyq is-áreketterge qatysýǵa, jańa nárseni bilýge degen talpynystaryn qanaǵattandyrý úshin mekemede standartqa saı birneshe úıirmeler jumys isteıdi. Olar – bı, án jáne mýzykalyq aspaptarda oınaý úıirmeleri jáne mánerlep oqý toby. Qyzmet alýshylar ónerdegi jetis­­tikterin ushtaý úshin oblys, qala kólemindegi jarystarǵa, festıvaldarǵa qatystyrylýda. Qyz­metkerlerimizdiń izdenisi men umtylystary nátıjesiz emes. Birqatar qyzmet alýshylar sport jarystarynda udaıy júlde alyp júr. О́tken jyldyń 21 shilde men 3 tamyz aralyǵynda AQSh-tyń Los-Anjeles qalasynda ótken arnaıy olımpıada oıyndaryna el quramasy sapynda qatysqan Tamara Vasıleva voleıboldan jaqsy oıyn órnegin kórse­tip, álemdik dodada júldeli besinshi orynnan kórindi. Bul – bizdiń ujym úshin úlken maqtanysh. Kishi fýtboldan jyl saıyn respýblıkalyq ınternataralyq jarystarǵa qatysyp, júldeli oryndardan kórinýdemiz. Jarystyń osy túrinen 2012 jyly – I, 2013 jyly – II jáne 2014 jyly I orynǵa ıe boldyq. Hokkeıden 2014 jyly Qaraǵandy qalasynda ótken Reseı, О́zbekstan, AQSh jáne Ýkraına elderinen kelgen komandalar arasyndaǵy jarysta júldeli II oryndy jeńip aldyq. Mundaǵy múgedek jandar óner jáne eńbek terapııasy is-sharalarynda nusqaýshylardyń kómegimen qolónermen, gúl, tal, jemis aǵashtaryn egip, ósirýmen shuǵyldanady. Qyzmet alýshy Aısulý Ermekova men Irına Nıkıtınanyń bıser jáne monshaqtan toqylǵan sándik buıymdary talaılardyń tańdanysyn týdyrsa, qylqalam ıesi Talǵat Shaqabaevtyń qııal-ǵajaıyp ónerdiń túrlerinen habar beretin alýan kartınalary kózdiń jaýyn alady. Nesipkúl Mahmýtova, Gúlza Raıymbekova jáne Irına Býbnenkolardyń toqyma buıym­dary da joǵary suranysqa ıe. Son­daı-aq, Aleksandr Kononovıch pen Damır Muqashevtiń aǵashtan qashap jasaǵan jáne qurastyrmaly jabdyqtary talaılardy tamsandyrýda. Múmkindigi shekteýli azamattarǵa qolaıly bolýy úshin bizdegi barlyq jatyn bólmeler talapqa saı jab­dyqtalyp, qolarba júretin jerlerge pandýstar standartqa saı salynǵan. Bólimshe ataýlaryn adamnyń kózine jyly ushyraıtyn «Meıirim, «Qarlyǵash», «Úmit», «Shapaǵat», «Izgilik», «Aq nıet» jáne «Janshýaq» dep atadyq. Internatqa jańadan kelgen qyzmet alýshylarǵa standart talabyna sáıkes 14 kúndik baqylaý júrgiziledi. Al «Úmit» bóliminde qolarbaǵa tańylǵan 18 qyzmet alýshyǵa jeke palatalar qarastyrylǵan. Qyzmetkerlerimizdiń óz mindetterine joǵary jaýapkershilikpen qaraýy jáne úzdiksiz izdenisteriniń arqasynda birqatar salalarda aýyz toltyryp aıtarlyqtaı jetistikterge qol jetkizýdemiz. Oblystaǵy ınternataralyq jarystarda udaıy júldeli oryndardy jeńip alýdamyz. 2013 jyly «Eń úzdik medısınalyq-áleýmettik mekeme», oblystyq kásipodaq uıymynyń «Eń úzdik mekeme» ataqtaryna ıe boldyq. Qyzmetkerlerimiz aptasyna eki ret voleıbol oınaıdy. Qazaq handyǵynyń 550 jyldyq mereıtoıyna arnap ótkizgen kórmemiz kelýshilerden joǵary baǵa aldy. Uly Jeńistiń 70 jyldyǵy merekesine oraı qa­zaqstandyq Keńes Odaǵy Batyrlary­nyń sýretterin ildik. Basshylarymyz meniń keý­deme «Áleýmettik sala qyzmetkerleriniń úzdigi» tósbelgisin taqty. Bul – ujymǵa berilgen baǵa dep esepteımin. Oblysta júıke aýrýlaryna kórsetilip jatqan jaǵdaı, júzege asyrylyp jatqan ıgilikti isterdi kórgende ál-Farabı babamyzdyń joǵarydaǵy sózi týra bizdiń elge aıtyl­ǵandaı bolyp turady.  Murat BERDALIEV, Tarazdaǵy №1 júıke aýrýlary ınternat-úıiniń dırektory. Jambyl oblysy.