Árkim óz mindetine daıyn

Qazaqstan Respýblıkasy Parlamenti Májilisi men jergilikti máslıhattar saılaýlary jaqyndaǵan saıyn oǵan tyńǵylyqty daıyndyq sharalary   qyza túsýde. Saıası naýqanǵa ázirlik jaıly BAQ ókilderimen ótkizgen brıfıngte Saılaýdy baıqaý jónindegi respýblıkalyq qoǵamdyq komıssııanyń jergilikti fılıalynyń jetekshisi Sergeı Hýdıakov egjeı-tegjeıli aıtyp berdi. Ol óz sózinde óńir aýmaǵynda 697 saı­laý ýchaskesi qurylǵanyn, al 929 saılaý komıssııasy quramyna 6,5 myńnan astam bel­sen­diniń tartylǵanyn aıta kelip, qoǵam­dyq qadaǵalaýshylardyń tas-túıin ázir­ligine kóńili tolatynyn bildirdi. Olar­ǵa baıqaýshynyń kúndeligi, qysqasha nus­qaýlyǵy, atqarylǵan jumysty qabyldaý boıynsha kelisim aktisi, zań buzýshylyqtar týraly akti úlgisi, baı­qaý­shynyń kýáligi, taǵy basqa qajetti mate­rıaldar toptastyrylǵan qujattar toptamasy úles­tirilgenin jetkize kelip, Sergeı Gerol­do­vıch úıles­tirýshi uıymdar tarapynan oqytý, keńes berý, saıası bilimderin jetildirý semınarlary qadaǵalanyp otyratynyn, osyndaı joǵary talaptar qoıý arqyly ǵana saılaýdy talapqa saı ótkizýge bolatynyn alǵa tartty. Oblystyq saılaý komıssııa­syn­da jáne partııalyq tizim bo­­ıyn­sha Parlament Májilisi saı­laýyna qatysýǵa joldama al­ǵan alty saıası partııanyń saılaýal­d­y shtabtarynda bolǵan fılıal jetekshisi óz táji­rıbesimen bólis­ti. Saıası uıym­dar tarapynan eshqan­daı zań buzýshylyq baıqal­ma­ǵan. Jergilikti atqarý­shy bılik ókil­derine qatysty ótinish-tilek­ter bil­dirmegen. Kórneki úgit-na­sı­­hat qu­ra­l­dary da talapqa saı or­­­­n­a­tylǵan. Úgit-na­sı­hat mate­rıal­daryn buqaralyq aqparat qu­ral­daryna ornalastyrýda birizdilik qatań saqtalǵan. Ol keltirgen málimetter boıyn­sha oblys­tyq máslıhatqa – 31, qala­lyq más­lı­hatqa – 19, aýdandyq máslıhattarǵa 167 depýtat saı­lanýy tıis. Jergilikti máslı­hattar deńgeıindegi úmitkerler sany – 661. S.Hýdıakov saıası partııalar ókilderimen kezdeskenin, olar­dyń tarapynan da saılaý tý­raly zańnamalar talaptarynyń oryn­­dalyp jatqanyn, jeke aty­na da, ob­lystyq shtabqa da saı­laý­shylardan, saıası partııa múshe­lerinen, senim bildirilgen adamdardan eshqandaı aryz-shaǵym tús­pegenin jetkizdi. Ár saılaýshy óz saılaý ýchas­kesine baryp, tizimde bar-joǵyn teksere alady. Qosym­sha tizim arqyly basqa jaqta daýys berý quqy­ǵyna ıe. Búginde 51 elde 65 saılaý ýchas­kesi ashylǵan. Olardyń beseýi kórshi elde ornalasqan. Danııa men Reseıden kelgen eki baı­qaýshy aýdandardy aralap, saılaýǵa ázirlik sharalarymen tanysyp júr. Olardyń qatary molyǵatyn bolady. Qazirgi ahýalǵa qaraǵanda, saılaýdyń ashyq ta móldir ótetinine senimdimin, dep sózin túıindedi Sergeı Geroldovıch. О́mir ESQALI, «Egemen Qazaqstan». Soltústik Qazaqstan oblysy.