Bura tartýǵa jol berilmeıdi

Qaraǵandy qalasyna jumys saparymen Qazaqstan Respýblıkasyndaǵy saılaýdy baıqaý jónindegi respýblıkalyq qoǵamdyq komıssııanyń ókili Egor Kappel keldi. Sapar barysynda ol saılaýdy baıqaý jónindegi oblystyq komıssııanyń jumysymen tanysty. – Saılaý naýqany kezinde Qaraǵan­dy óńiri qashanda belsendilik tany­tady. Búgingi kúnde oblysta saı­laýǵa daıyndyq qyzý júrgizilip jatyr. Baıqaýshylar tizimi qura­lyp, komıtettiń jumysyna alǵash ret qatysyp otyrǵandarǵa ar­na­lyp semınar-trenıngter uıym­das­tyrylýda, – dedi Egor Kappel. Qazirgi tańda Qaraǵandy ob­ly­synda baıqaýshy bolǵysy kele­tin­derdiń sany kóbeıgen. Munyń ózi turǵyndardyń eldiń bolashaq taǵ­dyryna alańdaýshylyq bildi­reti­nin ańǵartsa kerek. Egor Kappel­diń aıtýynsha, halyqaralyq baıqaý­shylar Qazaqstanda saılaýdyń ádil jáne ashyq ótýine barlyq jaǵdaı jasalǵanyn atap ótken. Kezdesý barysynda Halyqaralyq adam quqyqtary jáne zańdylyqty saqtaý jónindegi Qazaqstan bıýro­sy­nyń Qaraǵandy qalalyq fılıa­lynyń dırektory Iýrıı Gýskov Qazaq­stannyń kóptegen elderge qaraǵanda demokratııalyq baǵytta damyp kele jatqan memleket ekenin tilge tıek etti. «Saılaý kezinde bizge qandaı da bir depýtattyń jeńgeni emes, eshqandaı qysymsyz daýys berip, durys sheshim jasaǵan jalpy halyqtyń jeńisi mańyzdyraq», – dedi Iý.Gýskov. Sonymen qatar, ol bıylǵy saılaýda baıqaýshylar bıýlletenderdi sanaý­men ǵana shektelip qalmaı, sanaq hattamasyn alýǵa da quqyly bolǵanyn málimdedi. Munyń ózi daýys berýdiń ádil jáne ashyq túrde ótýine zor yq­pa­lyn tıgizetin jaǵymdy jańalyq eke­nin atap ótti qaraǵandylyq quqyq qorǵaýshy. Qaırat ÁBILDINOV,                «Egemen Qazaqstan». QARAǴANDY.