Balyq aýlaý baıqaýy

Basqa saıystardan sál bólekteý kóringen bul festıvalge Aq­mo­la jáne Soltústik Qa­zaqstan oblystarynan 122 áýesqoı balyq­shy qatys­ty. Ortalarynda segizi názik jandylar. Bul festıvaldi Aqmola oblystyq dene tárbıesi jáne sport basqarmasy «Kókshe jıHaz» JShS, «Torfeı», «Klevyı», «Rybak»» «Zoo prı­roda» dúkenderimen jáne «Alma TV» kabeldik telearnasymen birlese otyryp uıymdastyrdy. Jarys eki kezeńnen tur­dy. 3 mınýt ishinde muzdan uıashyq uńǵylaý báskesinde Iýrıı Lýnga jeńimpaz atandy. Ol osy ýaqytta 8 uıa­shyq­ty burǵylap úlgergen. Júl­deli orynnan Vadım Gabdrahımov pen Denıs Eıs­man da qur qalmady. Al balyq aýlaý jary­synda ár qatysýshyǵa eki jarym saǵattan ýaqyt be­­rildi. Osy ýaqytta 41 ba­lyq usta­ǵan Vıktor Ev­do­kımov úzdik dep tanyldy. Sondaı-aq, 40 balyqty qar­maǵyna ilik­tirgen Alek­sandr Ju­ma­ǵatov ekinshi, 26-syn ustaǵan Evgenıı Skalskıı úshinshi oryndy mise tutty. Jarystyń jekeleı ese­binde 47,5 upaı jınaǵan Iýrıı Lýnga top bastasa, al ko­mandalyq esepte «Nar­fın» ba­lyqshylary aldyna qara túsirmedi. Festıvaldiń «Eń iri ba­lyq ustaǵany úshin» júl­desi Vıktor Evdokımov pen Sáýle Ospanovaǵa buıyrdy. Baqbergen AMALBEK, «Egemen Qazaqstan». Aqmola oblysy.