Bıznestiń býynyn bekitý qadamdary

О́ńir ekonomıkasynyń damýynda jyl ótken saıyn shaǵyn jáne orta bıznestiń úles salmaǵy artýda. Buǵan kásipkerlikti qol­daýdyń da serpin berip otyrǵany aqıqat. Oblysta «Bıznestiń jol kartasy-2020» memlekettik baǵ­darlamasy aıasynda 236 kásip­kerge 3,8 mıllıard teńge kóleminde qoldaý kórsetilgen. Atalmysh memlekettik baǵdarlama aıasynda bıznesti qoldaý tetikterin paı­da­lanǵan aýyl kásipkerleri sa­ny eki esege artty. 2015 jyly 104 adam memlekettik qoldaýǵa ıe boldy. Oblys boıynsha memlekettik baǵdarlamany paıdalanǵandar arasynda Hromtaý, Muǵaljar jáne Alǵa aýdandary kásipkerleriniń úlesi basymdaý bolyp otyr. – 2015 jyly baǵdarlamaǵa jańa talaptardyń engizilýi ótinishter­di qaraý ýaqytyn qysqartty, bul óz kezeginde kórsetkishter­diń jaq­­­­­sarýyna sebep boldy. О́tken jyldyń naýryz aıynda somasy 180 mıllıon teńgeden aspaıtyn nesıelerdi kepildendirý týraly sheshim qabyldandy. Nátıjesinde mundaı nesıeler aımaqtyq úı­lestirý keńesiniń qaraýynsyz berile bastady. Memlekettik qol­daýǵa ıe bolǵan nysandar sany 2014 jylmen salystyrǵanda 2,5 esege artty, – deıdi oblystyq kásipkerlik basqarmasynyń basshysy Baǵjan Tilegenov. Onyń aıtýynsha, kásipkerlerdi qarjylaı qoldaý jumystary 2016 jyly da jalǵasatyn bolady. Oǵan respýblıkalyq bıýd­­jetten 1,7 mıllıard teńge bólindi. Bul qarajat 250 shaǵyn jáne orta bıznes nysandaryn qoldaýǵa jumsalady. Sondaı-aq, shaǵyn jáne orta bıznesti qol­daýǵa 1 mıllıard teńgeden astam ınvestısııalyq qarajat qa­rastyrylǵan. «Báıterek» UBH», «QazAgro» UBH», «HG ALMEKS» aksıonerlik qoǵamdarymen ke­lisilgen ózara yntamaqtastyq jó­nindegi memorandýmdarǵa sáıkes oblysqa qosymsha 1,2 mıllıard teńge tartylady dep kútilýde. Bul qarajat 10 jáne 15 mıllıon teńge shamasynda aýyldyq ká­sipkerlerge jáne óz isin jańadan ash­qandarǵa shaǵyn nesıe retinde 8,3 paıyzben beriledi. Jalpy alǵanda, «Bıznestiń jol kartasy-2020» baǵdarlamasy júzege asyryla bastalǵaly myń­nan astam aqtóbelik kásipker qar­jylaı qoldaýǵa ıe boldy. Oblys atalǵan baǵdarlamany oryndaýda Almaty, Pavlodar qala­larymen birge alǵashqy kóshbasshy úshtiktiń qataryna enip otyr. Satybaldy SÁÝIRBAI, «Egemen Qazaqstan». Aqtóbe oblysy.