Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №4 

2016 jylǵy 6 qańtar, Astana qalasy Oralmandardy qabyldaýdyń óńirlik kvotasyna engizý jónindegi komıssııanyń úlgilik erejesin bekitý týraly «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasynyń Zańy 11-babynyń 9-1-tarmaǵyna sáıkes buıyramyn: 1. Kosa berilip otyrǵan Oralmandardy qabyldaýdyń óńirlik kvotasyna engizý jónindegi komıssııanyń úlgilik erejesi bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıteti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshy E.BIRTANOV. Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2016 jylǵy 6 qańtardaǵy №4 buıryǵymen bekitilgen Oralmandardy qabyldaýdyń óńirlik kvotasyna engizý jónindegi komıssııanyń úlgilik erejesi 1. Jalpy erejeler 1. Osy Oralmandardy qabyldaýdyń óńirlik kvotasyna engizý jónindegi komıssııanyń úlgilik erejesi «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasynyń Zańy 11-babynyń 9-1-tarmaǵyna sáıkes ázirlendi jáne oralmandardy qabyldaýdyń óńirlik kvotasyna engizý jónindegi komıssııanyń (budan ári – Komıssııa) mindetteri men fýnksııalaryn aıqyndaıdy. 2. Komıssııa tıisti ákimshilik-aýmaqtyq birlikterdiń aýmaǵynda turaqty áreket etetin alqalyq organ bolyp tabylady. 3. Komıssııa óz qyzmetinde Qazaqstan Respýblıkasy-nyń Konstıtýsııasyn, zańdaryn jáne ózge de normatıvtik quqyqtyq aktilerin basshylyqqa alady. 4. Komıssııa tóraǵadan, tóraǵa orynbasarynan, Komıssııa múshelerinen jáne Komıssııa hatshysynan turady, onyń jalpy quramy 5 adamnan kem bolmaýǵa tıis. Hatshy komıssııanyń múshesi bolyp tabylmaıdy. 5. Komıssııany Komıssııa músheleri saılaǵan tóraǵa basqarady. Komıssııa quramyn oblystyń, respýblıkalyq mańyzy bar qalanyń, astananyń ákimi bekitedi. Komıssııa quramyna máslıhat depýtattary, memlekettik organdar men qoǵamdyq uıymdardyń ókilderi kiredi. 6. Komıssııa tóraǵasy onyń qyzmetine basshylyq jasaıdy, komıssııa otyrystarynda tóraǵalyq etedi, onyń jumysyn josparlaıdy, onyń sheshimderiniń iske asyrylýyna jalpy baqylaýdy júzege asyrady jáne qoldanystaǵy Qazaqstan Respýblıkasy zańnamasyna sáıkes Komıssııanyń júzege asyratyn qyzmeti jáne Komıssııa shyǵaratyn sheshimder úshin derbes jaýaptylyqta bolady. Tóraǵa bolmaǵan ýaqytta onyń fýnksııalaryn orynbasary oryndaıdy. 7. Komıssııa músheleri olardyń qyzmetine aýysý quqyǵynsyz qatysady. 8. Sheshim qabyldaý kezinde Komıssııa músheleri teń daýysqa ıe. Daýystar teń bolǵan jaǵdaıda, Komıssııa tóraǵasynyń daýsy sheshýshi bolyp sanalady. 9. Kelispeýshilik jaǵdaıynda Komıssııa músheleri óziniń erekshe pikirin jazbasha túrde bildirip, ony Komıssııa otyrysynyń hattamasyna tirkeıdi. 2. Komıssııanyń mindeti men fýnksııalary 10. Komıssııanyń mindeti oralman mártebesin alǵan etnıkalyq qazaqtar men olardyń otbasy músheleriniń oralmandardy qabyldaýdyń óńirlik kvotasyna engizý týraly ótinishteriniń ýaqtyly jáne sapaly qaralýyn qamtamasyz etý bolyp tabylady. 11. Komıssııa ózine júktelgen mindetke sáıkes mynadaı fýnksııalardy oryndaıdy: 1) oblystardyń, respýblıkalyq mańyzy bar qalalardyń jáne astananyń jergilikti atqarýshy organdary beretin oralmandar tizimin kelisedi; 2) oralmandardy qabyldaýdyń óńirlik kvotasyna engizý týraly ótinish bildirýshi oralmandardyń ótinishterin qaraıdy; 3) mynadaı: etnıkalyq qazaqtar men olardyń otbasy múshelerin oralmandardy qabyldaýdyń óńirlik kvotasyna engizýge aldyn ala kelisim berý týraly; oralman mártebesin alǵan etnıkalyq qazaqtar men olardyń otbasy múshelerin oralmandardy qabyldaýdyń óńirlik kvotasyna engizý týraly; bas tartýdyń sebepterin ýájdi túrde negizdeı otyryp, oralmandardy qabyldaýdyń óńirlik kvotasyna engizýden bas tartý týraly sheshimder qabyldaıdy; 4) memlekettik organdarmen jáne basqa da uıymdarmen ózara is-qımyl jasaıdy; 5) ótinish berýshi oralmandardy qonystandyrý úshin basqa óńirdi tańdaǵan jaǵdaıda jergilikti atqarýshy organǵa onyń qujattaryn berý jóninde usynys engizedi. 12. Komıssııa otyrysyn oblystardyń, respýblıkalyq mańyzy bar qalalardyń jáne astananyń jergilikti atqarýshy organdary usynatyn oralmandardyń tizimi alynǵan kúnnen bastap úsh júmys kúni ishinde onyń tóraǵasy shaqyrtady. 13. Komıssııanyń sheshimi Komıssııa otyrysyna qatysqan onyń músheleri jalpy sanynyń kópshilik daýsymen ashyq daýys berý arqyly qabyldanady. Komıssııa sheshimderi onyń quramy jalpy sanynyń úshten ekisi bolǵan kezde zańdy bolady. 14. Komıssııa sheshimderi qorytyndy túrinde resimdeledi jáne olarǵa Komıssııa tóraǵasy, hatshysy, qatysýshy músheleri qol qoıady. Buıryq Qazaqstan Respýblıkasynyń Ádilet mınıstrliginde 2016 jylǵy 8 aqpanda Normatıvtik quqyqtyq kesimderdi memlekettik tirkeýdiń tizilimine №13013 bolyp engizildi.